Freyr - 01.03.1995, Blaðsíða 37

Fjósvagn og heyrúlluvagn
Einar Svanbergsson er einn af
þeim bændum sem brugðið hefur
búi á síðari árum. Hann bjó áður
í Torfufelli í Eyjafjarðarsveit, en
flutti til Akureyrar og keypti þar
fyrirtækið Ryðvarnarstöðina,
sem auk þess að ryðverja bfla
hefur með höndum púströra- og
dekkjaþjónustu.
Með reynslu af búskap hóf Einar
að smíða tæki sem komið gætu að
gagni við bústörfin. Þannig smíðaði
hann mjaltavagn sem nota mætti
undir ýmislegt það sem tilheyrir
mjöltum, svo sem fötur, sýnakönnu
og „statíf‘ undir bók til að færa í
upplýsingar, sjá 1. mynd.
Með mjaltavagningum er unnt að
fá tækjahengi sem aukahlut, en á
hengið eru settar mjaltavélar á
milliferðum úr mjólkurhúsi í fjós,
sjá 2. mynd.
Einar hóf smíði á þessum vögn-
um sl. sumar. Vagnarnir eru á þrem-
ur hjólum og eru léttir og liprir og
hafa notið mikilla vinsælda þar sem
þeir eru notaðir.
Einnig hefur Einar hannað og
smíðað rúlluvagn til að flytja rúllu-
bagga innanhúss, úr hlöðu og fram
á fóðurgang, sjá 3. mynd. Undir
vagninum miðjum til beggja hliða
eru tvö hjól, en að auki sitt hvort
hljólið að framan og aftan. Síðast-
nefndu hljólin ná ekki samtímis
niður á gólf þannig að auðvelt er að
stjórna vagninum. Við gjöf má rista
baggann í miðju ofanfrá og fellur
þá heyið til beggja hliða þannig að
auðvelt er að handfjalla það.
Ryðvarnastöðin er til húsa að
Fjölnisgötu 6E, Akureyri, sími 96-
26339.
Mynd 1. Mjaltavagn án tœkjahengis.
Mynd 2. Mjaltavagn með tœkjahengi.
Mynd 3. Heyrúlluvagn. Með því að rista baggann niður í miðju er auðvelt að gefa
I heyið.
MOLflR
Termítar komnir til
Englands
Termítamaurar valda árlega
miklu tjóni í heitustu löndum
heimsins. Á hinn bóginn hafa
norðlægari lönd verið laus við þá.
En nú hefur fundist termíta-nýlenda
í húsi einu í Devon í Suður-Eng-
landi, sú fyrsta af sínu tagi á Bret-
landseyjum. Húsið var byggt á rök-
um trjáviði og er kynnt með mið-
stöðvarhitun. Sérfróðir menn segja
að termítar þessir éu upprunnir frá
Miðjarðarhafslöndum. Hvemig þeir
komust til Englands er ókunnugt.
Nýlendan er talsvert stór orðin og
hefur sennilega verið mörg ár í hús-
inu. Líklega hafa maurarnir borist í
ógáti með skipsfarmi frá suðrænum
slóðum.
(New Scientist)
3.'95- FREYR 125