Skátablaðið - 01.04.1994, Qupperneq 5

Úr smiðju
„gamla skátans
//
Köttur og mús
Þátttakendur standa í beinum röðum svo aðeins sé opið milli
raðanna í eina átt og halda höndunum beint fram. Þegar merki er gefið
snúa þátttakendur sér 90° til hægri og lokast þá leiðin sem áður var
opin og ný myndast. Að venju er köttur og mús valin og stjórnandinn
reynir að gera kettinum erfitt fyrir og breytir hlaupaleiðunum með því
gefa merki.
Efni: Ekkert.
Þægur hundur
Liðin standa í röð og hver þátttakandi fær einn sykurmola. Þegar
merki er gefið setja fremstu menn sykurmola á ennið (að sjálfsögðu
má ekki haldan honum með höndunum) og eiga að komast á sem
skemmstum tíma að ákveðnu marki og afturábak til baka án þess að
missa sykurmolann. Ef molinn dettur má ekki halda áfram fyrr en
molinn hefur verið settur á ennið aftur.
Efni: Molasykur.
Göngubrúða
Það má búa til skemmtilega göngubrúðu með því að teikna
brúðu á stífan pappa, klippa hana út og mála. I stað fóta eru
skorin út tvö göt í neðri hluta brúðunnar. Vísifingri og
löngutöng er stungið þar í gegn og viti menn, brúðan getur
gengið!
Reiptog
Það er skemmtileg tilbreytni að liðin snúi baki í hvort annað. Þá þarf
að hafa kaðalinn á milli fótanna og það gerir leikinn nokkuð erfiðari
en það má eflaust hafa gaman af öllu saman.
Efni: Kaðall.
Teikningar hér á síðunni eru allar teiknaðar af danska listamanninum Per Illum ©
Skátablaðið