Prentarinn - 01.01.1967, Blaðsíða 13

Á 70 ára afmælishátíðinni var lýst kjöri
heiðursfélaga og afhent heiðursfélagaskírteini.
Við það tækifæri fórust formanni félagsins
orð á þessa leið:
Heiðruðu samkomugestir.
Á fundi Hins íslenzka prentarafélags 11.
febrúar síðastliðinn var samþykkt að leggja
svohljóðandi tillögu fyrir aðalfund félagsins:
Aðalfundur Hins íslenzka prentarafélags,
haldinn 2. apríl 1967, samþykkir að Björn
Jónsson og Þorsteinn Halldórsson verði heið-
ursfélagar Hins íslenzka prentarafélags.
Aðalfundurinn var haldinn sunnudaginn 2.
april og var tillaga þessi samþykkt.
Degi síðar, eða mánudaginn 3. apríl, barst
stjórn Hins íslenzka prentarafélags sú sorgar-
fregn, að annar þeirra manna, sem félagið
hafði kjörið heiðursfélaga, Björn Jónsson,
hefði andast eftir hádegi þann dag, en hann
hafði verið veikur um nokkurt skeið.
Eg vil nú minnast Björns Jónssonar nokkr-
um orðum:
Björn Jónsson fæddist að Klifhaga í Axar-
firði 21. september 1895, en hóf prentnám hjá
Kristjáni H. Jónssyni á ísafirði 1. október
1909. Björn gekk í Hið íslenzka prentarafélag
29. október 1913.
Formaður Hins íslenzka prentarafélags var
Björn Jónsson í sjö ár, 1926—1933, en baðst
þá undan endurkosningu. Þó að þessi ár væru
að ýmsu leyti erfið fyrir prentara, tókst Birni
Jónssyni farsællega að stýra félaginu og ná
fram ýmsum kjarabótum fyrir prentarana,
enda var Björn samningamaður góður og
sanngjarn, en hélt þó ávallt fast fram rétti
stéttarinnar.
Vegna hins sviplega andláts Björns Jóns-
sonar, mun stjórn Hins íslenzka prentarafélags
PRENTARINN
síðar afhenda ekkju hans, Onnu Long Einars-
dóttur, heiðursfélagaskírteinið til varðveizlu.
Ég vil biðja samkomugesti að heiðra minn-
ingu hins látna heiðursfélaga með því að rísa
úr sætum.
Þessu næst bað formaður Þorstein Hall-
dórsson og ritara félagsins, Stefán Ögmunds-
son, að koma að hljóðnemanum og kynnti
formaður Þorstein Halldórsson fyrir sam-
komugestum með eftirfarandi orðum:
Þorsteinn Halldórsson fæddist að Vörðufelli
í Borgarfirði 26. september árið 1900. Hann
hóf nám í prentsmiðjunni Gutenberg 15. októ-
ber 1915 og lauk þar námi. Hann gekk í Hið
íslenzka prentarafélag 8. marz 1921.
Þorsteinn hefur gegnt ýmsum störfum fyrir
Hið íslenzka prentarafélag. Var ritari 1933—-
1936 og ritstjóri Prentarans 1932—1935 og
aftur 1940—1942.
Þorsteinn hefur um langt skeið borið með
sóma nafnið skáld stéttarinnar. Hann hefur
ort til félagsins mörg lofkvæði, þar á meðal
félagssönginn, ljóð til stofnendanna og á 50
ára afmæli Hins íslenzka prentarafélags orti
hann hátíðasöngljóð til félagsins, sem á afmæl-
ishátíðinni var flutt af Guðmundi Jónssyni,
Samkór Reykjavíkur og söngfélaginu Hörpu,
undir stjórn Róberts Abraham. Tónlist samdi
Karl Ö. Runólfsson, prentari og tónskáld.
Um leið og ég bið ritara Hins íslenzka
prentarafélags, Stefán Ögmundsson, að af-
henda Þorsteini Halldórssyni heiðursfélaga-
skjalið, óska ég honum til hamingju með
þennan verðskuldaða heiður.
Stefán afhenti Þorsteini Halldórssyni heið-
ursfélagaskírteinið og mælti á þessa leið:
„Þorsteinn Halldórsson hefur á sjötíu ára af-
mæli Hins íslenzka prentarafélags verið kjör-
inn heiðursfélagi með réttindum þeim og
skyldum, sem lög félagsins kveða á og mæla
fyrir um.
Ég vil óska þér og félagi okkar til hamingju
með þá ákvörðun að gera þig að heiðursfélaga
sínum. Ég vona, að þú megir lengi lifa hraust-
ur og glaður, þér, þínum og prentarastéttinni
til unaðar og farsældar.“
Framh. á bls. 39.
9