Prentarinn - 01.01.1967, Blaðsíða 41

föllum kreppu-holskeflunnar, en ná þó jafn-
framt hagsbótum félagsmönnum til handa.
Hjálpaði þar mikið hve Björn var samninga-
lipur og sanngjarn um flesta hluti. Engu að
síður hélt Björn þó jafnan fast á málefnum fé-
lagsins og þokaði þeim með lagni í rétta átt.
Oft kom það fyrir að samningar virtust alveg
vera að fara í strand. Þá var gripið til þess
ráðs, að samningsliprustu mennirnir frá báð-
um aðilum — einn frá hvorum — voru valdir
til að gera út um ágreiningsatriöin. Skyldi það
samþykkt hjá báðum aðilum er þeir komu sér
saman um. Til þessara lokaátaka völdust þeir
að jafnaöi Björn Jónsson og Guðbjörn Guð-
mundsson, enda höfðu þeir báðir þá kosti til
að bera að vera sanngjarnir, en halda þó öðr-
um þræði fast á málstað sínum.
Björn var fulltrúi prentara í sendinefnd
þeirri frá verkalýðsfélögunum er fór til Rúss-
lands vorið 1933. I þeirri för kynntist hann
kjörum rússneskra prentara, einkum í Moskvu,
og hefur hann ritaö fróðlega grein um það
efni í Prentarann (XIII. ár. 2.—3. tbl.).
Björn kvæntist 17. desember 1922 Onnu
Einarsdóttur Long. Ekki varð þeim barna auð-
ið, en þrjú kjörbörn hafa þau eignazt. Fyrst
tóku þau systkini, dreng og stúlku. Drengurinn
dó 17 ára gamalþen stúlkan giftisttil Ameríku.
Dóttir hennar, ung, var um 8 ára skeið hjá
þeim Onnu og Birni. Þá hélt hún vestur um
haf til móður sinnar, en heim kom hún aftur
síðar og j>á með 4 mánaða dóttur með sér. Su
litla hnáta var augasteinn þeirra Onnu og
Björns. Sem dæmi þess hve vel Birni líkaði við
þá litlu, má geta þess, að hann hafði það eitt
sinn á orði, að hann hefði ekki hlegið jafn-
mikið í 10 ár, sem hann hefði gert, eftir að sú
litla bættist í heimiliö. Þriðja kjörbarn jteirra
var drengur sem nú er 24 ára gamall. Því mið-
ur hefur hann verið heilsutæpur nú um eins
árs skeið.
Ég vil enda þessar línur með því að þakka
Birni prýðilegt samstarf bæði í Isafold og
Acta. Ég og kona mín vottum eftirlifandi ekkju
hans og öðrum aðstandendum innilega sam-
úð.
Jón Þórðarson.
Ólaffur
Hallbiörnsson
Ölafur Hallbjörnsson, prentari, varð bráð-
kvaddur að morgni 31. des. s.l. Hann var jarð-
sunginn frá Fossvogskapellu mánudaginn 9.
jan.
Olafur Hallbjörnsson var fæddur 14. marz
1923 á Seyðisfirði, sonur hjónanna Hallbjörns
Þórarinssonar, trésmiðs, og Halldóru Sigur-
jónsdóttur. — Ólafur hóf prentnám í Félags-
prentsmiðjunni og lauk því 12. sept. 1943.
Leiðir okkar Olafs Hallbjörnssonar lágu
fyrst saman í prentsmiðju Tímans og þar störf-
uðum við hlið við hlið í nokkur ár, þar til
hann flutti með fjölskyldu sína norður til Ak-
ureyrar og hóf störf við Prentsmiðju Björns
Jónssonar, Jrar sem hann starfaði til æviloka.
A þessum samstarfsárum kynntist ég Ólafi vel
— viðhorfi hans til lífsins, manna og málefna.
Ólafur var skapmikill maður og hreinskilinn
og lá ekki á skoðunum sínum. Við slíka menn
er gott að eiga samskipti.
Ekki hafði Ólafur starfað lengi meðal okk-
ar, þegar í ljós kornu hinir góðu eiginleikar
hans sem vélsetjara. Fór þar saman dugnaður,
hraði og vandvirkni. En það, sem mér er
minnisstæðast í sambandi við starf hans, var,
hversu einstaklega laginn hann var að um-
gangast vélar, og kom það oft að góðum not-
um í daglegu starfi.
í hugum okkar, sem störfuöum með Ólafi
Hallbjörnssyni þessi ár í prentsmiðju Tímans,
lifir minningin um hjálpfúsan félaga og góðan
dreng.
Oðinn Rögnvaldsson.
PRENTARINN
37