Litli Bergþór - 01.03.1997, Blaðsíða 3

Ritstjómargrein
Félagslíf hér í sveit hefur oft verið umræðuefni fólks og sýnist sitt hverjum eins og von er. Nú
virðist starf félaganna vera í jafnvægi því hvorki er kvartað undan of miklu starfi né of litlu.
Osjaldan hafa menn haft miklar áhyggjur af að hér störfuðu alltof mörg félög, erfitt væri að sinna
þeim og því nauðsynlegt að samræma starf þeirra eða jafnvel að sameina þau. Eg veit ekki hvort
staðan nú í félagsmáluin er hin æskilegasta en 1 jóst er að nóg er hægt að aðhafast og því ættu flestir
að finna eitthvað við sitt hæfi.
Litli-Bergþór hefur alltaf verið opinn fyrir því að birta greinar og skrif eftir þá sem óska eftir
að leggja fram efni í blaðið. í þetta tölublað var óvenju auðvelt að fá efni og ber að þakka það.
Vonandi eru það merki um að sveitungar sjá Litla-Bergþór enn frekar sem vettvang til að koma
hugsunum sínum minningum eða athöfnum á framfæri.
Ritnefndin vill hvetja unga fólkið til að muna eftir blaðinu, Litli-Bergþór er nú einu sinni blað
Ungmennafélagsins og því er mikilvægt að fá sem mest og best efni frá kynslóðinni sem tekur við
eftir nokkur ár.
Sveitarfélagið hefur nú tekið við rekstri skólans. Fjöldi barna í Reykholtsskóla er um 90 en
það þýðir að í hverjum árgangi eru að meðaltali 9 börn. Þetta er mjög viðráðanleg stærð og því er
tækifæri nú til að gera skólann enn betri en áður. Skólinn þarf að hafa nóg fjármagn og ekkert
bendir til að svo verði ekki. En fjármagnið gerir ekkert eitt og sér. Metnaður í námi, skólastarfi og
samskiptum barna kennara og foreldra er forsenda fyrir betra skólastarfi. Metnaður kennara og
foreldra verður að vera samhljóma. Mikilvægt er að kennarar sjái foreldra sem samherja en ekki
andstæðinga og mikilvægt er að foreldrar hafi skilning á því starfi sem kennarinn hefur með
höndum. Stærð skólans getur verið kostur en getur einnig verið hamlandi. Þannig er eflaust ekki
hægt að bjóða uppá eins marga möguleika og stórir skólar geta en þá er mikilvægt að hafa augun
og hugann opinn fyrir þeim möguleikum sem gefast. Fyrir nokkrum árum var engin tónlist í
skólanum en nú er þar mikill söngur og tónlistarkennsla. Mikilvægt er að nota þá hæfileika sem
eru fyrir hendi hverju sinni hjá starfsliði skólans. Stundum setur leikdeild Ungmennafélagsins upp
leikrit og þá er mikilvægt að skólinn sé opinn fyrir að nota þau tækifæri sem þar gefast varðandi
framsögn og jafnvel uppsetningu á einhverskonar leikþáttum söng eða öðru. Ungmennafélagið
hefur oft haft á sínum snærum þjálfara sem hægt væri að nýta í þágu skólans. Síðast en ekki síst
veit ég að í þessu samfélagi býr heill fjársjóður af kunnáttu og færni sem skólinn á að vera opinn
fyrir að nýta sér.
Menning og saga þessa hrepps er mjög stór hluti af íslandssögunni. Hér eru fleiri
skólastofnanir en Reykholtsskóli og hér er ein öflugasta ylærkt á landinu. Ferðaþjónustan eflist
stöðugt og er orðin mjög stór hluti af heildaratvinnu sveitarinnar. Verknám er mikið tískuorð og
oft lausnarorð og ég fæ ekki betur séð en að hér í sveitinni sé margt af fólk sem býr yfir mikilli
verkkunnáttu. Allt þetta á skólinn að nýta sér.
D.K.
Raflagnir
Tek að mér nýlagnir, hönnun raflagna og alla
almenna rafvirkjavinnu ásamt tækjaviðgerðum.
Efnissala og varahlutaþjónusta.
Fljót og góð vinna.
Viðgerðir
Sumarbústaðaeigendur athugið að ég sæki
um öll leyfi fyrir heimtaug að
sumarhúsum og lagningu raflagna.
Jens Pétur Jóhannsson
LÖGGILTUR RAFVERKTAKI
Heimasími 486-8845
Verkstæði sími 486-8984
Bílasími 853-7101
Litli - Bergþór 3