Litli Bergþór - 01.03.1997, Blaðsíða 17

Heimsins stærsta hagamús frh.
hjá mér hér á Felli.
L-B: Eitthvað kostar að gera svona mynd,
getur þúfrætt okkur um það hvernig hún er
fjármögnuð?
Þ: Já, þetta er dýr mynd, kostar milli 20 og 30
milljónir og ég gæti auðvitað ekki klofið það
einn. Meðframleiðendur mínir að myndinni eru
sex: National Geographic, sem fara með fjármál
og dreifingu myndarinnar í N- og S-Ameríku og
Ástralíu, auk ritstjórnarlegra ábendinga, Idé-
film í Svíðjóð, þar sem ég fæ aðstöðu til að
klippa myndina, Náttúrufræðistofnun,
Námsgagnastofnun, Landvernd og Sjónvarpið.
Henni verður einnig dreift á Norðurlöndunum,
Þýskalandi og víðar og eftir kynningu á
myndinni í Cannes, hef ég fengið fyrirspurnir
víðar að, svo þetta lofar allt góðu.
L-B: Og nú sér semsagt fyrir endann á
myndatökunum?
Þ: Já, loksins. Tökur hafa staðið yfir í rétt tvö
ár og ég á bara eftir að fá 3-4 snjódaga til að
geta lokið tökunum. Þegar það er komið er ég
farinn til Svíþjóðar að klippa myndina. Það
tekur nokkrar vikur og í sumar á hún svo að
vera tilbúinn til dreifingar.
L-B: Hvað með framtíðina?
Þ: Ef Guð lofar, langar mig að gera fleiri
myndir hér í Tungunum, og þá um mannlífið
hér, fjallferðir og fleira.
En næst á dagskrá er mynd um íslenska refinn,
sem ég vona að ég geti byrjað á næsta sumar.
Þetta verður líka ástar- og þroskasaga eins og
myndin um hagamúsina. Ég er búinn að fá
vilyrði um aðstoð frá National Geographic, Stöð
2 og nokkrum evrópskum sjónvarpsstöðvum.
Helst vil ég gera þá mynd hér í Tungunum líka,
en hvort ég get verið áfram hér á Felli veit ég
ekki ennþá.
Blaðamaður Litla-Bergþárs liefur veitt athygli
úthöggnum steinmyndum á Felli og spyr hver
listamaðurinn sé.
Ég er að dunda mér við þetta þegar hlé eru á
myndatökum. Steinarnir eru hér allt um kring
og mér finnst gaman að þessu segir Þorfinnur.
L-B: Er eitthvað sem þú villt segja okkur að
lokum?
Þ: Ekki annað en að það hefur verið mjög
gaman að vera hér í Tungunum þennan tíma.
Héðan á ég frábærar æskuminningar og ég á
frændfólk hér á öðrum hverjum bæ liggur við.
Fólk hefur líka verið ótrúlega hjálpsamt,
sérstaklega Vatnsleysufólkið, sem hefur
umborið mig allan þennan tíma. Ég hef því
miður ekki haft tíma til að taka mikinn þátt í lífi
fólksins hér eða félagsmálum, en ég hef farið í
réttirnar, á þorrablót og leikrit o.þ.h.
Eftir ánægjulegt spjall og gott kaffifylgir
Þoifinnur mér út í útihús austan við
íbúðarhúsið, þar sem hann hefur komið upp
„ leikmyndum " “úr músaveröldinni. Islenskum
móa, músarhreiðri o.fl. Eftir að hafa skoðað
þettafœ ég að smella afeinni mynd afhonum og
Kolgrími vini hans og kveð þessa hressu félaga
á hlaðinu á Felli.
G.S.
HJÓLBARÐAVIÐGERÐIR HJÓLBARÐASALA
RAFGEYMAÞJÓNUSTA
Opið: Mán.-fös. 08.00-18.00, lau. 10.00-15.00.
SÓUVi/VC
AUSTURVEGI56 - 58
Sími 482 2722
\__________________________________J
Litli - Bergþór 17