Litli Bergþór - 01.03.1997, Blaðsíða 12

Skólinn í okkar höndum frh.
ekki að standa frammi fyrir því að standa og falla með
frammistöðu sinni eða gerðum.
Þetta hellist yfir þau eftir grunnskólann. í
framhaldsskólum þurfa nemendur að uppfylla ákveðnar
lágmarkskröfur í hverjunt námsáfanga til að komast
áfram í næsta áfanga. A almennum vinnumarkaði gildir
sú meginregla að starfsmenn þurfa að uppfylla ákveðnar
kröfur, annars er þeim einfaldlega sagt upp.
Við verðum að koma okkur upp einhverju samræmi í
þeim skilaboðum sem við sendum börnunum okkar.
Annaðhvort fellum við niður öll próf í
framhaldsskólunum og hættum að reka fólk úr vinnu, eða
þá að við samræmum grunnskólann framhaldsskólum og
vinnumarkaði. Síðari kosturinn held ég að sé öllum fyrir
bestu.
Mismunun.
Ég sagði áðan að skólinn (á landsvísu) leitaðist við að
gera ekki upp á milli barnanna. Honum er gert að leitast
við að veita hverjum og einum nám við sitt hæfi. A sama
tíma er hann að vinna þvert á þessa stefnu.
Það er viðtekin skoðun í þjóðfélaginu að bóknám sé
öðru námi merkilegra. þessari skoðun verður að breyta,
en til þess að það sé gerlegt verður að byrja á
foreldrunum. Það verður að sannfæra þá um að allt nám
sé jafn merkilegt, sem það reyndar er. Jafnframt því sem
þessi viðhorfsbreyting á sér stað verða skólamir að vera í
stakk búnir til að mæta henni. það er óskemmtilegt horfa
upp á 15 ára unglinga, sem eru orðnir sannfærðir um að
þeir séu annars flokks fólk vegna þess að þeim tókst ekki
að uppfylla þær bóklegu kröfur sem skólinn gerði til
þeirra.
Ég tel að megin ástæða þess að staða verknáms er sú
sem hún er, sé fjárskortur, því góð aðstaða til verknáms
er dýr. En þau eru líka dýr öll skipbrotin sem unglingar
bíða.
Ég vil sjá einhverja þá lausn sem byggir á því líkani
sem hér er dregið upp.
Hér er gert ráð fyrir ákveðnum skilurn við lok fjórða
bekkjar. Skólinn og foreldrar ræða og komast að
niðurstöðu um, á grundvelli einhvems konar mats, hvor
leiðin hentar barninu betur. Síðan er hægt að endurskoða
matið eftir hvert skólaár. Munurinn á leiðunum tveim er
fyrst og fremst áherslumunur; engum leiðum er lokað.
Hvað sem öllu öðru líður tel ég að mikilvægast sé að
traust, jákvæðni og uppbyggileg umræða einkenni öll
samskipti skóla og heimila. Það er vísasta leiðin til að
forðast erjur og sleggjudóma.
Höfundur á sæti í hreppsnefnd
og skólanefnd fyrir H-lista,
og er kennari við
Menntaskólann að Laugarvatni.
Skógrækt
í Biskupstungum
Greinarhöfundur (nœstur börnunum) sýnir
skógarbœndum á Suðurlandi skóginn í
Svartagilshvammi í Haukadal.
Ég skal leita að týndu
þorpunum.
Litli - Bergþór 12