Litli Bergþór - 01.03.1997, Blaðsíða 15

að sveitardvöl lauk?
Þ: Ég lærði kvikmyndagerð við California
Collage of Arts and Crafts í Bandaríkjunum,
útskrifaðist þaðan með B.A. gráðu árið 1988.
Síðan vann ég hjá Sjónvarpinu í 5 ár sem
kvikmyndatökumaður, klippari og
upptökustjóri, en eftir það hef ég verið á eigin
vegum við kvikmyndagerð.
L-fí: Hvenœr vaknaði áhugi þinn á gerð
dýralífsnrynda?
Þ: Ég hef alltaf haft mikinn áhuga á dýralífi
og náttúrunni yfirleitt. Ætli upphafið megi ekki
rekja til dvalar minnar í sveit á Vatnsleysu.
Síðan fékk ég tækifæri til að vera eitt sumar í
Húsey, austur á Héraði, þegar ég var 12 ára.
Hjá Arna, fyrrverandi tengdaföður Arnar
Þorleifssonar sem þar býr nú. Það var
áhrifamikil lífsreynsla. Húsey liggur afskekkt,
á tanga milli Lagarfljóts og Jökulsár á Brú. Þar
er mjög fjölskrúðugt dýralíf og þar var þá
stundaður sjálfsþurftarbúskapur að gömlum
hætti. Lax- og silungsveiði, selveiði,
hreindýraveiði og annar veiðiskapur auk
búskapar með hesta og kindur.
L-B: Þú gerðir einmitt mynd um Húsey fyrir
nokkrum árum?
Þ: Jú, ég var í tvö ár með annan fótinn þar.
En það var miklu minna lagt í þá mynd en þá,
sem ég er að vinna að núna, enda vár hún bæði
styttri og ódýrari. Húseyjarmyndin var styrkt a
kvikmyndasjóði og Sjónvarpið var
meðframleiðandi.
L-B: Snúum okkur þá að myndinni sem þú er
að gera hér í Tungunum. Um hvað fjallar hún?
Þ: Þetta er ástarsaga hagamúsarinnar Óskars
og músastelpunnar Helgu. Sögusviðið er hlíðin
fyrir ofan Vatnsleysubæina, en þar eru
heimkynni Óskars. Ég nota þennan stað þar
sem ég þekki hann vel og hlíðin er alveg kjörin
fyrir söguna. Sköip skil milli „heiðarinnar“ og
láglendisins í kringum bæinn og svo nota ég
fjöllin sem bakmynd. Söguþráðurinn er í stuttu
máli'sá, að um vetur kemst Óskar inn í búrið á
Vatnsleysu og þegar vorar uppgötva menn
músina og tekst að veiða hana í gildru. Gildran
er af þeirri gerð, sem veiðir mýs lifandi. Síðan
skeður það að lítil músastelpa, Helga að nafni,
rennur á kökulyktina þegar verið er að baka
einn daginn og finnur Óskar í gildrunni. Úr
þessu spinnst ástarsaga, sem endar með því að
þeim skötuhjúum er sleppt út í garð.
L-fí: Hvað með söguþráðinn? Erhann
gerður fyrirfram eða saminn eftir hendinni?
Þ: Ég var búinn að semja söguna fyrirfram.
Hún er hugsuð þannig að hún hafi bæði
skemmtanagildi en veiti líka innsýn í heim
hagamúsarinnar.
Útitökumar eru teknar á Vatnsleysu, en svo
hef ég komið mér upp aðstöðu, eða stúdíói, hér
á Felli, þar sem ég get tekið nærmyndir. T.d.
tókst mér að mynda got, sem margir töldu vera
Hagamús í raunverulegri eftirmynd af
músahreiðri. Takið eftir bitinu á eyranu.
Sögusviðið, Vatnsleysubœrinn og hlíðinfyrir ofan.
Mýsnar voru veiddar í brekkunni fyrir neðan eystri bœinn.
ómögulegt með villt dýr í búri. Ég reyni að
hafa aðstæður sem eðlilegastar og svo venjast
mýsnar umgangi manna smám saman.
L-fí: Er hœgt aðfá þær til að leika?
Litli - Bergþór 15