Litli Bergþór - 01.03.1997, Blaðsíða 5

Hvað segirðu til?
Að þessu sinni verður greint frá markverðum
viðburðum í sveitinni á fyrri helmingi vetrarins.
Miðað við árstíma og hnattstöðu telst tíðarfar hafa
verið gott. Að vísu var verulega hart frost í nóvember og
aftur um tíma í janúar svo töluverður klaki er kominn í
jörð. Hefur hann mælst allt að 70 sentímetrar. Snjór
hefur verið lítill og því samgöngur yfirleitt greiðar.
Aðeins svolítill þorrablótsbylur. sem varð þó ekki til
verulegs baga.
Töluvert hefur verið um inflúensu í skammdeginu og
var fámennt í Reykholtsskóla um tíma í desember.
Að venju voru ýmsar menningarsamkomur á jólaföstu.
Aðventuvökur voru í kirkjunum, þar sem ýmsir fluttu
erindi. Undir stjóm Hilmars Arnar Agnarssonar sungu
kór Menntaskólans að Laugarvatni og Barnakór
Biskupstungna í Skálholtskirkju, Sigrún Hjálmtýsdóttir
söng einsöng og leikið var á orgel, flautu og hörpu.
Um jól og áramót var messað samtals sex sinnum í
öllum kirkjum í sveitinni.
Á síðdegisstund í Skálholtsskóla snemma í nóvember
fjölluðu Steinunn Jóhannesdóttir, rithöfundur, og
Sigurður Pétursson, lektor, um mannlíf í Skálholti á 17.
öld og undir lok janúar var þar önnur slík. Þá voru
Gunnar Karlsson, prófessor, og Ásdís Egilsdóttir, lektor,
með erindi um Skálhyltinga á miðöldum og ræddu við
gesti um ýmislegt, erþví tengist.
Þorrablót var í Aratungu annað kvöld þorra, og var það
í umsjá Haukadalssóknar. Fór það fram að hefðbundnum
hætti með trogamat, kveðskap og skemmtiþætti
sóknarfólks og hátíðaræðu Flosa Ólafssonar, leikara, í
gamansömum tón. Þar rifjaði hann m.a.upp ástarævintýri
sitt frá þeim árum, sem hann var að alast upp í Reykholti.
Síðan var dansað af list fram eftir nóttu. Hátt á þriðja
hundrað manns kom á blótið.
Helstu vegaframkvæmdir um þessar mundir eru
ofaníburður í Tjamarveg frá Tjarnarkoti að
Kjaransstöðum og uppbygging
Hlíðavegar frá Efri-Reykjum
pg austur fyrir Úthlíð, sem
unnið er að þegar þetta er
Verða ekki ráðnir pólskir
járnsmiðir að Miðhúsum,
þegarfarið verður að lengja
rússneska togara þar?
itað.
Gróðurhús hefur verið
byggt á Syðri-Reykjum í
stað þeirra, sem byggð voru fyrir
meira en fjórðungi aldar. í
Birkilundi er einnig verið að endurbyggja
gamalt gróðurhús.
Starfsemi er hafin í „skipasmíðastöðinni“
á Miðhúsum, sem byggð var í fyrra. Þar er
1 verið að endurbyggja fiskibát.
Sigríður og Már við verðlaunaverkið.
Búnaðarfélagið hélt kvöldvöku á Hótel Geysi í
nóvember. Aðalræðumaður var Þór Vigfússon, kennari á
Selfossi, sem sagði frá Kampholtsmóra og fleiri
draugum. Afrekshorn félagsins fengu að þessu sinni Már
Sigurðsson og Sigríður Vilhjálmsdóttir, hótelhaldarar við
Geysi. Þau hin sömu fengu einnig umhverfisverðlaun
Ungmennafélags Islands og Pokasjóðs verslunarinnar.
Voru þau afhent á veglegri samkomu á Söndunum á
jólaföstunni, sem lauk með herlegri veislu í boði
verðlaunahafa.
Hlíðabændur hafa heimt nokkuð af fé eftir áramótin.
Fyrst fundu þeir fjórar kindur við gamla farveg Farsins
sunnan í Brekknafjöllum. Tvær þeirra voru frá
Austurhlíð en hinar frá Austurey í Laugardal. Skömmu
síðar fundust þrjár í Sjónarhólum norðvestan við
Sandfell. Það var dilkær frá Austurhlíð og lamb frá
Austurey. 1 byrjun febrúar sáust sjö kindur fyrir innan
Selgil í Efstadal. Hlíðamenn fengu til samstarfs við sig,
til að ná í þær, bæði Laugdæli og Grímsnesinga. Sex af
þessum kindum voru frá Austurhlíð en ein frá
Hæðarenda í Grímsnesi. Allar voru þessar kindur dável á
sig komnar, jafnvel homahlaup á lambhrútum í
Brekkunum, en lakastar þær í Sjónarhólunum enda var
refur farinn að fylgjast með þeim.
Einar Gíslason, fyrrum bóndi í Kjarnholtum, andaðist í
desember. Hann var jarðaður í Haukadal.
Kristrún Sæmundsdóttir, áður húsmóðir á Brautarhóli,
léstíjanúar. Hún var jarðsett á Torfastöðum. Útfarimar
fóru báðar fram í Skálholtskirkju.
A.K.
Litli - Bergþór 5