Litli Bergþór - 01.03.1997, Blaðsíða 27
Orlítið um ferðamál frh
Gísli oddviti, höfðingi, í hestvagni með
Dieter Kolb milli Brattholts og Gullfoss.
fyrir landið í heild á árinu og hvatti sveitar- og
bæjarstjómir til að móta stefnu á sínum svæðum. Víða
um land er sú vinna nú í fullum gangi. Vinna vegna
sameiginlegs stefnumótunarverkefnis í ferðamálum
Uppsveita Amessýslu hófst um mitt sumar. Nokkrir
fundir hafa verið haldnir með Atvinnuþróunarsjóði
Suðurlands og fulltmum nærliggjandi hreppa. Liður í
undirbúningsvinnu var könnun sem lögð var fyrir gesti í
sumar á öllum helstu ferðamannastöðum og í
sumarbústöðum á svæðinu. I haust var síðan könnun
lögð fyrir sveitarstjómarmenn, fulltrúa félaga og
fyrirtækja ásamt ákveðnu úrtaki almennra fbúa. Fyrstu
drög að niðurstöðum liggja nú fyrir og endanlegra
niðurstaðna er að vænta innan skamms. Eg vil þakka
öllum þeim sem tóku þátt í þessari könnun og einnig
nemendum í 10. bekk sem aðstoðuðu við dreifingu. I
framhaldi af þessari undirbúningsvinnu verður farið af
fullum krafti út í stefnumótun fyrir svæðið í heild. þegar
hefur verið undirritað samkomulag átta hreppa um
samvinnu í ferðamálum og sameiginlegan
ferðamálafulltrúa fyrir Uppsveitir Árnessýslu. Almennur
kynningarfundur um verkefnið verður væntanlega
haldinn innan skamms.
Framtíðarsýn
Á nýju ári hefur framangreint stefnumótunarverkefni
forgang og að því loknu þarf að fylgja því vel eftir.
Einnig þarf að halda áfram öflugu kynningarstarfi, efla
samvinnu og auka gæði í ferðaþjónustunni eins og
hingað til.
Ferðamálaráð hefur nýlega auglýst til umsóknar
styrki til umhverfisbóta á ferðamannastöðum á
Vestfjörðum, Vesturlandi, Suðurnesjum og Suðurlandi.
Við höfum þegar sótt um styrk fyrir Biskupstungnahrepp
til gerðar göngustíga í Laugarási og Reykholti og
Landgræðslufélagið sótti um vegna reiðleiðar á
hálendinu.
Sum störf er efitt að meta s.s. forvarnastörf,
upplýsinga- og kynningastörf, en ég er nokkuð ánægð
þegar litið er um öxl og horfi bjartsýn fram á veginn.
Fólk víða um land hefur fullvissað mig um það að við
Biskupstungnamenn séum sýnilegri en við vorum fyrir
ári síðan. Ekki þó frægir að endemum heldur með
jákvæðum formerkjum. I heildina finnst mér vera gott
hljóð í ferðaþjónustufólki í Biskupstungum. Flestallir
merktu aukningu á síðasta ári og bókanir fyrir það næsta
lofa góðu. Ymsir aðilar bæði innlendir og erlendir sem
ekki hafa verið hér í viðskiptum áður hafa synt svæðinu
áhuga og vonandi verður eitthvað framhald af því á
árinu.
Víða erlendis svo og innanlands er að finna staði sem
skarta mikilli náttúrufegurð, en þegar fólk velur hvert það
ferðast spila ýmsir fleiri þættir inn í. þar má nefna
þjónustu, afþreyingarmöguleika, aðgengi o.fl., en ekki
síst menningu. Við getum ekki slitið úr samhengi landið
og lífið í landinu. Mikið hefur verið fjallað um
menningu og ferðamál á liðnu ári og menn eru ekki á eitt
sáttir um skilgreiningu á menningu, mér finnst einfalda
málið að tala um mannlíf. Það eru víða fallegir staðir, en
það er mannlífið á hverjum stað sem er punkturinn yfir
iið. Við skiptum öll máli hvað sem við erum að fást við.
Unga kynslóðin okkar hefur til að mynda lagt sitt af
mörkum á liðnu ári, tónlistarfólk, íþrótta-, rally- og
hestafólk hefur gefið góða mynd af lífinu í sveitinni með
framkomu sinni út á við. Við getum eytt miklum tíma og
fjármagni í að laða til okkar ferðamenn, en það hefur
ekki þýðingu nema við séum tilbúin til að taka vel á móti
þeim og ekki sakar að hafa svolítið gaman af. Besta
auglýsingin verður alltaf ánægður gestur. Hvernig tökurn
við á móti gestum? 1 Biskupstungum er að mínu viti
gott mannlíf sem við getum verið stolt af.
Ég þakka ferðaþjónustuaðilum fyrir afar ánægjuleg
samskipti og vona að við eigum öll gott ferðamannaár
framundan.
Ásborg Arnþórsdóttir
|_____Eftirtaldir aðilar styrkja útgáfu þessa blaðs.
Vélaverkstæði Guðmundar og Lofts s. 486-8840
Iðu fax 486-8778
Litli - Bergþór 27