Foreldrablaðið - 01.11.1959, Blaðsíða 16

om pen inxjCir
„Ég held, flð þessi pistill eigi erindi til foreldra hér,“ segir sá merki
skólafrörnuöur, Snorri Sigfússon, í bréfi til „Foreldrablaðsins“, en Snorri
er, eins og kunnugt er, brautry'Sjandi „Sparifjársöfnunar skólabarna“. Og
þar er „Foreldrablaðið“ honum alveg sammála.
Með þessu nafni hefur Sparifjársöfn-
unin danska gefið út lítinn bækling,
aðeins 20 síður í litlu broti, og ætlar
hann einkum heimilum og skólum. Er
þetta eitt af erindum þeim, sem flutt
eru á mótum sparisjóðanna og skóla-
manna á sumrin. Er það samið og flutt
af mag. art. viceskoledirektör Kr. Th.
Jensen og hefur margt gott að geyma.
1 stuttum formála á kápu getur út-
gefandi þess, að virðing fyrir verðmæt-
um (respekt for værdier) sé og eigi að
vera eins konar mottó yfir þessu sam-
starfi sparisjóðanna og skólanna, því
nær allir danskir harnaskólar taki þátt
í sparifjársöfnunarstarfinu í einu eða
öðru formi. Safnazt hafi s. 1. ár 6.7
millj. króna af um 300.000 skólabörn-
um. Hinn þátturinn, sem ekki verði
tölum talinn, er hið veigamikla fræðslu-
og leiðbeiningarstarf til hagræns og
menningarlegs uppeldis, sem reynt sé
að veita þeim, sem upp vaxa. Það nauð-
synlega uppeldisstarf, sem raunar er
höfuðatriði þessa máls, verðskuldi alla
þá aðstoð, sem sparisjóðirnir geti í té
látið. Enda sé það gert m. a. með margs
konar fræðsluritum, og eitt þeirra sé
ritlingur sá, sem hér birtist eftir mik-
ilsvirtan skólamann.
Fyrst ræðir höfundur um peninga al-
mennt og viðhorf manna til þeirra. Þeir
séu máttur, sem ráði mjög örlögum
manna. En menn verði að vera herrar
þeirra, en ekki þrælar. Það skipti miklu
máli, að menn hvorki vanmeti þá eða
ofmeti. Því sé m. a. rétt, að börn venj-
ist snemma á .að fara með peninga,
kynnast gildi þeirra og finna það af
eigin raun, ef ógætilega er farið með þá.
Það skaðar minna meðan þau fara með
smáupphæðir, að þau finni það, að
peningar eru valtir vinir, sem ekki er
vert að festa neina ást á, heldur aðeins
nota sér til gagns. Þeir séu hvorki til
að dást að né óttast, aðeins möguleikar
til að uppfylla margs konar þa'rfir og
óskir. Og þá þarf áætlanir, skipulag og
reikningshald, og um það á skólinn að
ræða og fræða. En foreldrarnir að sýna,
að þeir fari þannig að ráði sínu í þeim
efnum, að eftirbreytnisvert sé. Því að
fordæmið er ávallt mikilsvert. Og um
fjármál og hag heimilisins eiga börn að
fá einhverja vitneskju. Það á að sýna
þeim það traust og stuðla að skilningi
þeirra og tilfinningu um meðábyrgð á
högum og velferð heimilisins. Því að
virðing fyrir verðmætum og samábyrgð
um velferð allra er líftaug lýðfrelsisins.
Og þetta á og þarf að vera einn megin-
þátturinn í heilbrigðu uppeldi. Og í
þessu sambandi er vert að taka það
fram, að það að hafa reiðu á fjármun-
um sínum, á ekkert skylt við nirfils-
hátt og nízku fremur en ráðdeild við
14 FORELDRABLAÐIÐ