Tímarit Þjóðræknisfélags Íslendinga - 01.01.1959, Page 103

þingtíðindi
85
4. Umsóknir fyrir árið 1958-59 áttu að
vera komnar til Ottawa 1. febr. 1958. Við
fórum strax af stað og kom sér afar vel,
að búið var að stofna Ísland-Kanada ráð-
ið á íslandi. Umsóknir frá íslandi voru
komnar til Ottawa fyrir 1. febrúar, en
ekki nema frá fáum öðrum löndum. Tím-
inn var framlengdur til 1. maí 1958.
5. Mörg hundruð umsóknir voru send-
ar til Ottawa frá milli 40 og 50 löndum.
Mælt var með íslenzku umsóknunum
bæði munnlega í Ottawa og skriflega frá
Winnipeg.
6. Aðeins 40 stúdentar voru valdir, en
einn þeirra var frá íslandi: Gunnar
Ragnarsson. Nú s'tundar hann heim-
speki við McGill háskóla. Ef hann biður
um framlengingu fyrir eitt ár, mun það
án efa heppnast.
7. í ár hefir ísland sent 3 umsóknir.
Ef einn þeirra verður fyrir vali, má vera,
að hér í Kanada verði tveir stúdentar
frá fslandi næsta ár.
Nemendur og menn í fögrum listum, sem
vilja halda áfram námi á íslandi
1- Glen Eyford.
2. John Marteinson.
3. Ef Canada-Iceland Foundation
heppnast að fá nægilega marga meðlimi
til að geta haft dálítil peningaráð á ári
hverju, mun það verða þrennt, sem það
rnun aðallega hafa í huga.
a) Að styrkja vestur-íslenzk félög og
fyrirtæki.
b) Að hjálpa vestur-íslenzkum nem-
endum og listamönnum að halda áfram
uami hér í Kanada.
c) Að veita vestur-íslenzkum nemend-
Um og listamönnum fjárstyrk, sem vilja
halda áfram námi á íslandi, sérstaklega
1 islenzkum fræðum.
Forseti, dr. Richard Beck, þakkaði Lin-
ual dómara mikið og óeigingjarnt starf
1 págu vestur-íslenzkra menningarmála,
en fundargestir létu í ljós samþykki sitt
með lófataki. Einnig tók til máls Ólafur
líalkon og þakkaði dómaranum.
Þá tók til máls séra Erik Sigmar og
tlutti sköruglega ræðu. Ræddi séra Erik
uokkuð^ um starf hins íslenzka lúterska
k’-rkjufélags íslendinga í Vesturheimi.
itutti hann og þjóðræknisþinginu kveðj-
Ur frá kirkjufélaginu. Forseti þakkaði
Sem Erik með ræðu.
„ f.cú Hólmfríður Daníelsson lét þess
Setið, að leikrit Laugu Geir, „In the
Wake of the Storm“ hefði verið þýtt á
ísienzku af frú oiin -Tnhnson.
flutti ársskýrslu
„fsland“, Mor-
Frú Louisa Gíslason
Pjoðræknisdeildarinnar
uen, Manitoba.
Ársskýrsla þjóðræknisdeildarinnar
„ísland"
Það eru litlar fréttir frá okkur, aðeins
tveir fundir haldnir á árinu. Við erum
þakklát fyrir það, að okkur var gefið
tækifæri til að senda lukkuóskir til frú
Jakobínu Johnson á 75 ára afmæli henn-
ar. Hún átti það fyllilega skilið, að þessi
dagur færi ekki fram hjá án þess að fólki
gæfist kostur á að heiðra hana og þakka
henni fyrir öll fallegu kvæðin og svo
margt, sem hún hefir gjört til þess að
halda nafni íslands á lofti.
Nöfn embættismanna félagsins eru
sem hér segir:
Forseti, Ólafur Líndal; skrifari, Guð-
rún Thomasson; fjármálaritari, Jónathan
Thomasson, og féhirðir, Jón B. Johnson.
Við þökkum forseta, dr. Richard Beck,
fyrir ágætt bréf, meðtekið snemma í
febrúar, og það gleður okkur að eiga
von á, að hann heimsæki deildina „ís-
land“ seinna. Hann hefir oft áður heim-
sótt okkur og hvatt okkur til dáða, og
það er gott til þess að vita, að hann ætlar
enn á ný að heilsa upp á deildina. Einnig
væri það gaman, ef prófessor Haraldur
Bessason kæmi líka. Með beztu óskum
til þingsins með þakklæti fyrir liðnu
árin.
Louisa Gíslason.
4. FUNDUR
hófst kl. 3.30 e. h. þriðjud. 24. febr.
Mrs. Ágúst Pálsson skýrði þinggestum
frá því, að hún hefði fundið leiði Gests
Pálssonar skálds í kirkjugarði hér í Win-
nipeg. Taldi frúin brýna nauðsyn bera
til þess, að Þjóðræknisfélagið kæmi fyr-
ir legsteini á leiði skáldsins, og lagði hún
þegar fram til þess fyrirtækis fimm dali
úr eigin vasa. Einnig bar frúin fram þá
tillögu, að forseta, dr. Richard Beck,
yrði falið að skipa í milliþinganefnd,
er annaðist þetta mál. Var sú tillaga
studd og samþykkt.
Frú Björg ísfeld flutti skýrslu milli-
þinganefndar í húsbyggingarmálinu.
Skýrsla milliþinganefndar
í byggingarmálinu
Milliþinganefnd í byggingarmálinu
leyfir sér að leggja fram stutta skýrslu.
Nefndin átti með sér nokkra fundi á
árinu og athugaði fyrst og fremst mögu-
leika á því að byggja við hús félagsins
á Home Street. Fékk hún loks þær upp-
lýsingar hjá byggingameisturum, að ekki
væri fýsilegt að byggja við hús félags-
ins og gera úr því samkomuhús, sem
nægði þörfum íslendinga hér í bæ.