Árbók VFÍ/TFÍ - 01.06.2000, Side 60

58 Árbók VFÍ/TFÍ 1999/2000
Norrænn launafundur var haldinn hér á landi 22. september og þann 23. september var
haldin norræn launaráðstefna. Er þetta í fyrsta skipti sem slík ráðstefna er haldin. Meðal
málefna sem eru í sviðsljósinu á þessum norrænu launafundum eru almenn launamál,
ijarvinna, vistarbönd og samnorræn kjarakönnun. A ráðstefnunni var farið yfir launaþróun
síðustu ára og framtíðarsýn í launamálum.
Samninganefndir KTFI komu saman á námskeiði um samningatækni, sem haldið var 15.
desember. Almennur launafundur var haldinn 12. janúar2000. Þar var samningur við ríki og
borg samþykktur.
Samninganefnd KTFI við FRV gerði „samning“ við FRV um tilmæli til launahækkunar
um 3,3% frá I. okt 1999.
Samninganefnd KTFÍ við ríki og borg framlengdi gildandi samning til 31. okt 2000 með
2,85 % hækkun frá 1. janúar 2000.
Unnið er að samningum við sveitarfélögin, en þeir gilda til 1. nóvember 2000.
Orlofskönnun var gerð á árinu en þátttaka var afar léleg. Niðurstaðan var sú að halda
áfram samstarfi við OBHM um orlofsmál.
Viðhorfskönnun var gerð á árinu og hefur stjórn KTFI unnið að úrvinnslu og athugunum
á niðurstöðum hennar.
Undirbúningsvinna að kjarabók fyrir almennan markað var sett af stað og er stefnt að
útgáfú hennar á starfsárinu 2000-2001.
Kjarafélag Tæknifræðingafélags Islands - KTFI
Gústaf A. Hjaltason formaður
Vísinda- og starfsmenntunarsjóður KTFÍ
Vísinda- og starfsmenntunarsjóður Kjarafélags Tæknifræðingafélags íslands á rætur sínar
að rekja til samkomulags Kjarafélagsins við íjármálaráðherra f.h. ríkissjóðs og
Reykjavíkurborg. Rétt á styrkjum úr sjóðnum eiga starfsmenn, sem greitt er fyrir í sjóðinn
af þessum vinnuveitendum, svo og starfsmenn þeirra vinnuveitenda sem síðar hafa gerst
aðilar að honum. I dag eru þetta um 180 manns.
Sókn í sjóðinn var góð á liðnu ári og var fjöldi styrkja 86 á árinu, að meðaltali um
113.400 kr. hver umsókn. Þetta er smávægileg aukning frá fyrra ári. 28 umsóknir voru til
kaupa á tölvubúnaði og 58 til náms, námskeiða og náms- eða ráðstefnuferða. Þar af voru 23
umsóknir vegna Rýnis ’99 og 23 vegna náms innanlands. Samtals var úthlutað styrkjum að
upphæð 9.753.000 en tekjur voru 8.405.000.
Reglur sjóðsins eru óbreyttar, hámarksstyrkur er nú kr. 300.000 fýrir hver þrjú ár sem
greitt hefur verið í sjóðinn. Styrkir til tölvukaupa geta mest orðið kr. 150.000 eða 75% af
reiknisupphæð tölvubúnaðar.
Stjórn sjóðsins er skipuð eftirtöldum tveim fulltrúum KTFÍ og tveim fúlltrúum vinnu-
veitenda: Haraldur Sigursteinsson, formaður, KTFÍ, Bergþór Þormóðsson, ritari, KTFÍ,
Birgir Björn Sigurjónsson, f.h. Reykjavíkurborgar og Haraldur Sverrisson, f.h. fjár-
málaráðherra.
Vísinda- og starfsmenntunarsjóður KTFÍ
Haraldur Sigursteinsson formaður