Árbók VFÍ/TFÍ - 01.06.2000, Page 84
82 Árbók VFÍ/TFÍ 1999/2000
1.4.2 Hagsmunafélag um verk- og
tæknifræðimenntun
Nýtt félag stofnað
Hagsmunafélag um eflingu verk- og tæknimenntunar á háskólastigi var stofnað 3. mars
2000. Að félaginu standa Háskóli íslands, Háskólinn á Akureyri, Tækniskóli Islands,
Tæknifræðingafélag íslands, Verkfræðingafélag íslands og Samtök iðnaðarins.
Markmið félagsins
Markmið félagsins, samkvæmt samkomulagi þessara aðila, er að efla verk- og tæknifræði-
menntun. Þessu hyggst félagið ná með samnýtingu og samstarfí milli háskóla, með því að
auka framboð menntunar á landsbyggðinni, með því að nýta samlegðaráhrif háskóla og
rannsóknastofnana, með því að bæta menntun og hvetja til nýjunga og með því að fjölga
nemendum, ekki síst konum, í verk- og tæknifræði.
Forsendur
Forsendur þess að ráðist er í stofnun sérstaks félags til að efla verk- og tæknifræðimenntun
eru nokkrar. Meðal þeirra má nefna að íjöldi nema í verkfræði, tæknifræði og skyldum
greinum hefur ekki aukist undanfarin ár í samræmi við þarfír atvinnulífsins fyrir menntað
tæknifólk. Hagsmunafélagið telur aukna menntun í þessum greinum fela í sér tækifæri til
hagsældar fyrir einstaklinga, fyrirtæki og samfélagið í heild. Að auki telur Hagsmunafólagið
eflingu verk- og tæknifræðimenntunar vera mikilvæga forsendu fyrir aukna samkeppnis-
hæfni íslenskra háskóla og fyrirtækja.
Stjórn félagsins
Stjóm Hagsmunafélagsins skipa: Bjarni Bessason (HI), Bjami Hjarðar (HA), Magnús
Matthíasson (TI), Bergþór Þormóðsson (TFI), Ragnheiður Þórarinsdóttir (VFI) og Ingi Bogi
Bogason (SI).
Atburðir á fyrsta starfsári
Er vit í verk- og tæknifræði?
A kynningardegi háskólastigsins, þann 9. apríl 2000, stóð Hagsmunafélagið fyrir opnum
umræðufundi um tæknifræði- og verkfræðinám í Odda. A palli sátu Fjóla Jónsdóttir verk-
fræðingur, Frosti Bergsson tæknifræðingur, Sigríður Einarsdóttir verkfræðingur og Páll
Jónsson tæknifræðingur. Umræðustjóri var Sigmundur Ernir Rúnarsson, varafréttastjóri á
Stöð 2. Tæplega 90 manns fylltu stofu 101 í Odda, flest ungt fólk. Viðmælendur voru sam-
mála um að miklir möguleikar fælust í verk- og tæknifræði fyrir ungt fólk um þessar mundir.
Fyrirtækin auglýsa sem aldrei fyrr eftir verkfræðingum og tæknifræðingum og launakjör eru
góð.