Árbók VFÍ/TFÍ - 01.06.2000, Qupperneq 359

Tækni og vísindagreinar 357
hugmyndirnar í Hannover fengum við hins
vegar dræmar undirtektir. Þá mótuðust hjá
aðalhönnuði hugmyndir að arkitektúr sem
hægt væri að slökkva á. Um var að ræða stóra
glersúlu eða súlur sem héldu uppi hreinu
glerþaki og upp súlurnar væri dælt vatni sem
rynni út af þakbrúnunum og myndaði útvegg-
ina. Þannig varð til hreinn vatnskubbur. Og
þegar skrúfað yrði fyrir vatnið hyrfi byggingin.
En þegar við reiknuðum út vatnsmagnið þurftum
við allt Sogið og alla Steingrímsstöð til að dæla
vatninu. Og þar með var sá draumur úti.
í kvikmyndageiranum þróast oft hugmyndir
og útfærslur sem beinast að því að blekkja
augað. Aðalhönnuður byggingarinnar, s.em
hefur reynslu í þeim geira, kom þá með
hugmynd um að nota bláan dúk sem bakgrunn
fyrir takmarkað rennandi vatn og líkja þannig
eftir mun öflugri fossi. I þessa átt beindist
síðan þróun verksins. Afram var unnið með
hugmyndina að stórum vatnskubbi sem væri
um það bil 20 metrar á alla kanta en nú beindist
vinnan að því að finna dúka sem hentuðu og
hægt væri að strengja utan á kubbinn. Við
leituðum að tvöföldum dúk þar sem innri
dúkurinn væri blár en sá ytri glær og bil á milli
til að skapa dýpt í vatnsrennslið. Það gekk ekki
upp vegna kostnaðar og dúkamálið reyndist
allt hið erfiðasta. Notaður var að lokum sam-
settur PVC-dúkur með samlímdum lögum af
bláum og glærum dúk. Við urðum að fá mjög
þekkta erlenda verkfræðistofu til að aðstoða
okkur við að koma dúknum í gegnum kerfið.
Dúkar eða membranbyggingar þurfa helst að
hafa bogna fleti til að skapa spennu og burðar-
getu því beinn dúkur ber enga vindkrafta fyrr
en hann hefur svignað nægjanlega. Þetta gekk
þó upp og þegar vatninu var fyrst hleypt á
skálann heyrðist hjá mörgum: Vá! því allt gekk
þetta upp og skálinn líktist fljótandi vatnskubbi
og fossi eins og til var ætlast. Þetta flæðandi
vatn skapaði mikið líf í ytri umgjörð skálans og
átti örugglcga stóran þátt í því að skálinn varð
svo vinsæll sem raun bar vitni.
Goshverinn gýs í miðri sýningu myndar.
Islenski sýningarskálinn líktist Jljótandi
vatnskubbi ogfossi.