Bændablaðið - 08.06.2004, Blaðsíða 19

Þriðjudagur 8. júní 2004 19
Björn sagði í samtali við
Bændablaðið að laugin hafi verið í
niðurníðslu síðan hún þornaði upp
1974. Í laugina rann vatn úr heitri
uppsprettu sem þornaði upp þegar
borað var eftir heitu vatni á
Reykhólum.
,,Ég hef tekið eftir því að Ís-
lendingar sem hingað koma hafa
margir hverjir lesið íslensku forn-
sögurnar og þeir spyrja gjarnan um
eitt og annað úr sögunum eins og
til að mynda þessa laug. Hingað
komu í fyrra ljósmyndari og blaða-
maður frá tímaritinu National
Geograpic. Þá lenti ég í óþægilegri
stöðu þegar þeir spurðu mig hvar
laugin væri og Ólafseyjar en
þangað sótti Grettir naut sem er
frægur atburður í Grettissögu.
Maður var heldur niðurlútur að
þurfa að benda þeim á hvar laugin
var, uppþornuð og á kafi í grasi,"
sagði Björn.
Hann segist enn ekki hafa
fengið svar við erindinu frá sveit-
arstjórn Reykhólahrepps en í fund-
argerð er vel tekið í erindið. Björn
segist hafa sett sig í samband við
Grettistaks-verkefnið á Lauga-
bakka. En það er að fá fjárveit-
ingu til að hrinda af stað verkefni
til að varðveita minjar um Gretti
og gera þær sýnilegar út um allt
land.
Björn segir að byggja ætti
laugina upp eins og gert var við
Snorralaug í Reykholti og setja
söguskilti á þremur tungumálum
við hana. Þess má geta að til er
önnur laug kennd við Gretti en hún
er á Reykjum á Reykjaströnd í
Skagafirði. Sú laug var í niður-
níðslu en hefur verið byggð upp.
Vill byggja upp
Grettislaug á
Reykhólum
Björn Samúelsson, sem rekur Gistiheimili á Reykhólum ásamt konu
sinni, Ágústu Bragadóttur, en starfar annars sem vélstjóri hjá
þörungaverksmiðjunni, hefur sent sveitarstjórn Reykhólahrepps
erindi varðandi uppbyggingu gömlu laugarinnar sem sagt er frá í
Grettissögu þegar Grettir Ásmundarson dvaldi á Reykhólum og er
laugin kennd við hann. Sömuleiðis er Björn við undirbúningsvinnu
að uppsetningu á útsýnisskífu nálægt þessum fornfræga staðar.
Smáauglýsingar
Bændablaðsins
Sími 5630300. Netfang:
bbl@bondi.is
Eins og myndin sýnir er Grettis-
laug á Reykhólum ekki merkileg
að sjá en nú vilja menn byggja
hana upp. Lengst til vinstri á
myndinni er Björn Samúelsson
aðalhvatamaður að uppbyggingu
laugarinnar. Næstur honum á
myndinni er Páll Stefánsson frá
Kirkjubóli í Korpudal, Stella Guð-
mundsdóttir frá Ferðaþjónustunni
í Heydal, Hallgerður Jónsdóttir frá
Kirkjubóli, Þórður Halldórsson frá
Laugalandi snýr baki við mynda-
vélinni og Jóhann Ásmundsson á
Hnjóti.
Ársfundur 2004
Ársfundur Lífeyrissjóðs bænda verður haldinn í B-sal á 2. hæð í Bændahöllinni við Hagatorg í
Reykjavík, þriðjudaginn 15. júní 2004 og hefst kl. 16:00.
Dagskrá ársfundarins verður eftirfarandi:
1. Flutt skýrsla stjórnar
2. Kynntur ársreikningur
3. Gerð grein fyrir tryggingafræðilegri úttekt
4. Gerð grein fyrir fjárfestingarstefnu sjóðsins
5. Önnur mál
Allir sjóðfélagar, jafnt greiðendur sem lífeyrisþegar, eiga rétt til fundarsetu. Sjóðfélagar eru hvattir til
að nýta sér rétt sinn og mæta á ársfund sjóðsins.
Þeir sem vilja nýta sér þennan rétt þurfa að tilkynna það skrifstofu sjóðsins í síðasta lagi 8. júní og
munu þeir fá afhent fundargögn í upphafi fundar.
Lífeyrissjóður bænda