blaðið - 20.05.2006, Blaðsíða 12
12 I DEIGLAHT
LAUGARDAGUR 20. MAÍ 2006 blaAÍÖ
Fyrirlestri
frestað
Fyrirlestri Jónasar Kristjánssonar
um leiðangur Þorfinns Karlsefnis
til Vínlands hins góða sem átti
að fara fram í Þjóðminjasafninu í
dag hefur verið frestað um viku og
verður haldinn þann 27. maí kl. 14.
Yfirlitsmynd af Nýfundnalandi þar sem
Jónas Kristjánsson telur að greina megi
rústir frá tímum Þorfinns Karlefnis.
Afmælissýning
fimleikadeildar
í tilefni 20 ára afmælis fimleika-
deildar Gróttu verður efnt til tveggja
Efnt verður til glæsilegrar fimleikasýning-
ar t íþróttahúsi Seltjarnarness í dag í tilefni
af 20 ára afmæli fimleikadeildar Gerplu.
afmælissýninga í íþróttahúsi Sel-
tjarnarness í dag, laugardag, og hefst
sú fyrri kl. 12 en sú síðari kl. 16.
Allt fimleikafólk Gróttu kemur
fram á sýningunum en einnig fim-
leikamenn frá Gerplu og frábært sir-
kusfólk frá Cirkus Circör Svíþjóð.
Forsala aðgöngumiða er í íþrótta-
húsi Seltjarnarness og kostar 500 kr.
fyrir fullorðna en frítt er fyrir börn.
Mikið vatn runnið til sjávar
Fimleikadeild Gróttu hóf starfsemi
sína haustið 1985 en deildin var
formlega stofnuð
24. mars 1986 og fagnar því 20 ára
afmæli.
Mikið vatn hefur runnið til sjávar
á þessum tuttugu árum, fjöldi iðk-
enda margfaldast, aðstaðan batnað
og margir komið við sögu við
þjálfun og stjórnarstörf.
Góður árangur hefur náðst og
hefur fimleikafólk deildarinnar
unnið til margra titla. Á árinu varð
Gróttukonan Sif Pálsdóttir fyrst
kvenna á íslandi Norðurlandameist-
ari í fjölþraut og náði einnig 18. sæti
á Evrópumeistaramótinu nú í vor.
WWW.ZED
Z E D R U S
persneskar mottur / húsgögn / gjafavörur
Hlíðarsmára 11 S. 534 2288
Kúlulegasalan
SKF
Ö
Erum fluttir ab Bíldshöföa 9
Bíidshöf&a 9 • 110 Reykjavík • Stmi: 535 9000 • Fax: 535 9090 • www.bilanaust.is
's__________________________I____________________________________________________________J
gsm
í dag verður haldin hátíð á horni Lauga-
vegs og Klapparstígs til að vekja athygli
á hugmyndum um niðurrif gamalla húsa
við götuna.
Hátíð á
Laugavegi
1 dag verður efnt til hátíðar á horni
Klapparstígs og Laugavegs frá kl.
11-17. Þar verður markaður, lifandi
tónlist og fjölbreytt dagskrá. Blóm-
leg markaðsstemning verður á
hátíðinni og meðal tónlistaratriða
verða: Bogomil Font, KK, Mugison,
Gusgus Dj’s, Hairdoctor, Bob Just-
mann og plötusnúðarnir Margeir,
KGB, Eva og Ellen, og Natalie.
Tilgangurinn er að vekja athygli á
yfirvofandi niðurrifi húsa við Lauga-
veg en búið er að gefa leyfi fyrir nið-
urrifi 29 af elstu húsunum við Lauga-
veg, þar af er þriðja hvert hús neðan
Klapparstígs. Nýsamþykkt deili-
skipulag Reykjavíkur gerir ráð fyrir
að fjögurra og fimm hæða blokkir
rísi í stað gömlu húsanna. Að mati
aðstandenda hátíðarinnar þýðir
þetta að Laugavegurinn muni breyt-
ast í skuggasund og Reykvíkingar
tapi mikilvægum minnisvörðum
um sögu sína og verslun.
Börn lœra
að tálga
Skógræktarfélag Reykjavikur
heldur tálgunarnámskeið fyrir
börn í gamla Elliðavatnsbænum í
Heiðmörk kl 11 í dag. Námskeiðið
er öllum opið og ókeypis en þátttak-
endur eru beðnir um að taka með
sér hnífa. Valdór Bóasson smíða-
kennari leiðir börnin í stutta göngu
umhverfis bæinn í leit að efniviði
en svo er farið inn og handtökin við
tálgun kennd. Gert er ráð fyrir að
námskeiðið taki 2-3 tíma. Nánari
upplýsingar er að finna á www.heid-
mork.is.
Alla laugardaga í maí býður
Skógræktarfélag Reykjavíkur upp
á fjölbreytta dagskrá fyrir alla
fjölskylduna. Um er að ræða léttar
fræðslugöngur með skemmtilegu
ívafi. Göngurnar miðast einnig
við að börn séu með í för. Allar
göngurnar hefjast kl 11 við gamla
Elliðavatnsbæinn við Elliðavatn í
Heiðmörk, nema álfagangan sem
hefst við Furulund kl 11. Allir eru
velkomnir og aðgangur ókeypis.
Nýhil opnar
ljóðabókabúð
Ljóðabókabúð Nýhil-hópsins verður
opnuð í dag í kjallara Laugavegs 59
(Kjöi garðs). Eins og nafnið gefur til
kynna verða einkum ljóðabækur
boðnar til kaups í versluninni og
segir í tilkynningu frá hópnum
að hér sé um að ræða einhverja vit-
laustustu hugmynd íslenskrar við-
skiptasögu. Nýhilistarnir eru engu
að síður bjartsýnir og bjóða öllum
sínum elskulegu vinum að mæta
og þiggja veitingar við opnunina kl.
16 í dag. „Þá verða stórfengleg ræðu-
höld, nýhilískir ljóðaupplestrar,
harmonikkumúsík auk þess sem
hljómsveitin Retro Stefson stígur á
senuna,“ segir í tilkynningu hóps-
ins. Samkoman stendur í tvo tíma,
frá kl. 16-18.
Maðurinn á bak við
þjóðsagnapersónuna
Oddafélagið, Árnastofnun og
Heimspekistofnun halda málþing
í dag um Sæmund fróða Sigfússon
í tilefni af því að í ár eru 950 ár
liðin frá fæðingu hans. Málþingið
fer fram í ráðstefnusal Þjóðminja-
safns Islands og stendur frá kl. 13
til kl. 17. Sjö fræðimenn af ýmsum
sviðum munu flytja erindi á mál-
þinginu og verður meðal annars
fjallað um nám Sæmundar í Evr-
ópu og þau margvíslegu menning-
aráhrif sem hann kann að hafa
borið með sér til íslands. Þór
Jakobsson formaður Oddafélags-
ins segir að skipta megi dagskrá
málþingsins í tvennt. I fyrri hlut-
anum verður fjallað almennt um
Sæmund en í þeim seinni verður
sjónum meðal annars beint að
því hvar Sæmundur hafi verið við
nám en ýmsar tilgátur eru uppi
um það.
Meðal fyrirlesara á málþinginu
er breski fræðimaðurinn John
Marenbon frá háskólanum í Cam-
bridge en hann er sérfræðingur í
heimspeki þessa tímabils. „Hann
fjallar almennt um nám og skóla
i Englandi, Frakklandi og Þýska-
landi á þessum tíma en ekki endi-
lega með tilliti til þess hvaða lands
Sæmundur hefur farið,“ segir Þór.
„Þetta er eftir því sem ég best veit
í fyrsta sinn sem reynt er að graf-
ast fyrir um það hvað Sæmundur
mun virkilega hafa lært og komið
með til Islands,“ segir Þór. Talið
er að Sæmundur fróði hafi haft
margvísleg áhrif á íslenska menn-
ingu og þjóðfélag og segir Þór að
hann hafi verið mikill kennari og
alið upp fræðimenn og presta. „I
erindi sem Jón Hnefill Aðalsteins-
son hélt á Oddastefnu árið 1999
kallar hann Sæmund einn af
feðrum ísiensku kirkjunnar sem
þýðir að hann hafi verið eins og
kirkjufeðurnir að fornu sem lögðu
grunninn að kirkjunni og starfi
hennar,“ segir Þór.
Margvísleg áhrif á samfélagið
Sæmundur kann einnig að hafa
haft áhrif á fleiri sviðum samfélags-
ins. „Garðar Gíslason hæstarétt-
ardómari fjallar um lögspekina á
þessum tíma og hvað Sæmundur
mun hafa lært í henni. Þegar heim
kom var hann með í löggjöf og átti
til dæmis þátt í að koma á tíund
sem var eins konar skattur sem
var ætlað að gera kirkjuna ríka
og volduga,“ segir Þór. Ennfremur
mun Njáll Sigurðsson frá Stofnun
Árna Magnússonar fjalla um
fannsóknir Jóns Þórarinssonar
tónskálds og fleiri fræðimanna á
miðaldatónlist en hugsanlegt er
að Sæmundur hafi átt þátt í því að
innleiða erlend áhrif á sviði kirkju-
tónlistar á íslandi.
Ýmsar þjóðsögur um Sæmund
fróða hafa lifað með þjóðinni og
segir Þór að Oddafélagið sé ekki
að hampa þeim sérstaklega enda
margir aðrir sem geri það. „Eftir
daga Sæmundar urðu til þessar
þjóðsögur um hann en hinn raun-
verulegi Sæmundur hefur svolítið
fallið í skuggann. Þarna ætlum
við að reyna að grafast fyrir um
manninn á bak við aldirnar," segir
Þór og bendir jafnframt á að svip-
aðar sögur hafi verið til um lærða
menn víðar í álfunni. „Jón Hnefill
Aðalsteinsson hefur nefnt það að
sögur sem voru sagðar um hann
voru sagðar um aðra lærða menn i
útlöndum. Þetta voru flökkusögur,
góðlátlegar sögur um glímu hans
við kölska og annað slíkt. Það er
einnig vísbending um hvað hann
hafi notið mikillar virðingar og tal-
inn hálfgöldróttur að kunna svona
mikið,“ segir hann.
Tengsl Sæmundarog
jólasveinsins
Þór bendir jafnframt á að Guð-
mundur Ólafsson fornleifafræð-
ingur hafi skrifað grein fyrir
nokkrum árum þar sem hann segir
að hugsanlega megi rekja sumar af
sögunum um Sæmund og kölska
til eins konar helgileiks um Niku-
lás biskup sem Sæmundur kann
að hafa kynnt fyrir Islendingum.
„Kirkjan i Odda er kennd við Niku-
lás biskup sem síðar varð Sankti
Klás. Hann telur að á þessum tíma
hafi verið til eins konar gaman-
samur helgileikur þar sem Niku-
lás er sýndur með púka í bandi
og er ætlað að sýna hvernig hægt
er að hafa vald á hinu illa eða eitt-
hvað þess háttar. Það getur verið
að Sæmundur hafi leikið biskup-
inn og þetta hafi verið upphafið
að þjóðsögunum um Sæmund en
síðan hafi eitthvað skolast til eftir
því sem tíminn leið,“ segir Þór.
Aðgangur að málþinginu er
ókeypis og eru allir velkomnir.
Þór Jakobsson formaður Oddafélagsins segir að á málþingi um Sæmund fróða Sigfús-
son sem haldið verðu í dag verði reynt að grafast fyrir um hinn raunverulega Sæmund.