blaðið - 20.05.2006, Blaðsíða 24

siis^viiQnnsHnsnsciiiisRMRí
24 I MATUR
LAUGARDAGUR 20. MAÍ 2006 blaöiö
ONDVEGIS
ELDHÚS
RAGGA ÓMARS,
MATREIÐSLUMEISTARA
Grafinn fiskur með tvisti
Hérna kemur skemmtilegt “tvist”
á að grafa fisk eins og graflax.
Gaman er að breyta til og grafa ein-
hvern annan fisk því það er ekkert
sem segir að annar fiskur grafist
ekki ágætlega. Ég er búinn að prófa
nokkrar fiskitegundir og eru sumar
betri en aðrar. Til dæmis eru karfi,
smálúða, ýsa .þorskur og skötuselur
alveg meiriháttar góðir grafnir.
Aftur á móti var ég ekki eins hrifinn
af steinbít sem ég gróf um daginn og
ég hef ekki hugmynd um af hverju.
Það bara virkaði ekki að mínu mati.
Grafinn fiskur er náttúrulega bara
eins og graflax, tilvalinn í léttan
forrétt eða á brauð og þar sem fiskur-
inn er lagður í salt og kryddblöndu
þá kallar hann á eitthvað sætt með-
læti, eins og sinnepssósan með laxi.
Einnig er sniðugt, ef menn ætla að
hafa fiskinn í forrétt, að skera hann
í mjög þunnar sneiðar og raða á disk
eins og “carpaccio” þannig að sneið-
arnar þekji nánast allan diskinn. Svo
er alls kyns smátt skorið grænmeti,
eins og tómatar, gúrkur, paprika eða
mangó, ásamt ferskum kryddjurtum
og góðri vinagrettu, borið fram með
salati og góðu brauði. Þetta bara
getur ekki klikkað!
Hér kemur uppskrift af gröfnum
karfa.
4 stk karfaflök, bein og roð
lausfmiðast við ca.200-300 g flök)
lOOgsalt
50 g sykur
1 tskpipar
Aðferð stig 1:
Blandið kryddunum vel saman og
stráið helmingnum á bakka og flökin
þar ofan á. Setjið síðan afganginn af
kryddblöndunni yfir þannig að allir
fletir á fiskinum komist í snertingu
við hana. Látið standa undir plast-
filmu í 10 tíma í kæli. Þá er fiskur-
inn léttskolaður undir ísköldu vatni
þannig að mesta saltblandan fari af,
leggið á eldhúspappír til að léttþerra
hann. Á þessum tímapunkti í ferlinu
er bragðið sett í fiskinn og er nánast
allt löglegt í þeim efnum, enn það
sem ég legg til er eftirfarandi:
'h búnt ferskt dlll (fínt saxað)
1/3 búnt ferskt kóríander (fínt
saxað)
fínt rifinn börkur af einni lime
fint rifinn börkur af einni sítrónu
1 tsk fint saxað rautt chilli
nýmalaður pipar úr kvörn
Aðferð stig#2:
blandið ölluvel saman við fiskflökin
og vefjið hverju flaki fyrir sig í plast-
filmu þéttingsfast (best væri að vac-
umpakkajog látið standa í kæli í lág-
mark sólarhring áður en fiskurinn
er skorinn niður.
Kveðja
Raggi
GRILL I
HÆSTA
GÆÐAFLOKKI
Það sem gerir Weber grillin framúrskarandi
er jöfn dreifing hita sem sparar gas,
öll steiking verður jafnari og betri.
Weber endist lengur og heldur útliti sínu.
Þess vegna er Weber fjárfesting!
Gott hráefni kallar á alvöru grill!

HÚSASMWJAN GARÐHEIMAR
wfiiuiuvaktiii
www.weber.ls
ÍÞRÓTIA
■Æ-
prófaðu allar!