blaðið - 20.05.2006, Blaðsíða 48
LAUGARDAGUR 20. MAÍ 2006 blaðið
Smrttmfi 46 S • ?^<in—*<
www.bilamarkadurinn.is
s: 567-1800 CcTT7V«VZTyi\
MMC PAJERO GLS V-6 32"
06/94 ek 211 Toppeintak
Opnunartími
Mánudaga - Föstudaga
10:00 -19:00
Laugard. 10:00 -17:00
Sunnud. 13:00 -17:00
46E
200 Kópavo
SkoOiO nivnclirnar á
0PELC0MB0CVAN 1,612/05
Ek.6 þ Gott lán geturfylgt
JEEP WRANGLER 4,0 H0 33"
Árg.00 Ek 44þ. Sjálfsks,
FIAT DUCATO DINGHY 2 HÚSBÍLL
07/03 ek 15 þ.kmV.3650.
FIAT DUCATO CLIPPER 80 HÚSBÍLL
06/03 ek 30 þ.km. Vel búinn Húsbfll
CADiLLAC SEDAN DEVILLE
32V NORTHSTAR
'97 Ek. 147 þ.m.
JEEP GRAND CHEROKEE LTO 4,7
Árg.03 Ek 139þ V.2690,-
BMW735IA E-65 árg 2002
Ek.76 þkm Drekk hlaðin Lúxari
TILBOÐ kr.5250,-stgr Lán 4300,-
:'R HÚSBiLL FORD TRANSIT125T
350 Nf R HÖ5BÍLL TO Svefnaðst.
),VelBúinn Húsbt'IIH
r6
LiMITED 4.7
48 I ÍPRÓTTIR
Hæstánægður á heimavelli
Patrekur Jóhannesson ræðir við Björn Braga Arnarsson um viðbrigðin að koma heim úr
atvinnumennskunni, námið í Íþróttaakademíunni og íslenska landsliðið í handknattleik.
Patrekur Jóhannesson hefur komið sér vel fyrir í Garðabænum og segist sjaldan hafa haft það betra.
Óhætt er að fullyrða að Patrekur
Jóhannesson hafi verið á meðal
fremstu íþróttamanna undan-
farin ár. Patrekur var einn af lyk-
ilmönnum islenska landsliðsins í
handknattleik og átti farsælan feril
með Essen í Þýskalandi. Patrekur
lék að auki með Minden og spænska
liðinu Bidasoa áður en hann sneri
heim úr atvinnumennskunni síð-
asta haust og hóf að leika með Stjörn-
unni. Samhliða handboltanum
hefur hann stundað nám í íþrótta-
og kennslufræðum við hina nýstofn-
uðu Íþróttaakademíu í Reykjanesbæ.
Patrekur segist fullkomlega sáttur
við að snúa baki við hörðum heimi
atvinnumennskunnar fyrir róleg-
heitin á íslandi.
Vildi ekki þurfa að hætta
,,Ég er mjög ánægður með þá
ákvörðun að koma aftur heim og
byrja í námi. Síðustu tvö til þrjú
árin í atvinnumennskunni voru
satt að segja frekar leiðinleg. Ég átti
við erfið meiðsli að stríða, þetta var
orðið of mikið neikvætt og farið að
taka á andlega. Raunar má segja að
ég hafi verið tilneyddur til að hætta
í atvinnumennskunni vegna meiðsl-
anna og á tímabili hélt ég að ég þyrfti
að hætta alfarið í handboltanum. En
ég er mjög ánægður með að geta
spilað hérna heima. Það hefði verið
hrikalegt að þurfa að hætta alveg,“
segir Patrekur og kveðst alls ekki
hafa átt von á því að geta leikið eins
mikið og raun varð.
Patrekur átti gott tímabil með
Stjörnunni, en liðið varð bikarmeist-
ari og hafnaði í 5. sæti í deildinni.
„Það var alveg frábært að vinna titil
en eftir bikarúrslitaleikinn datt
botninn svolítið úr þessu hjá okkur.
Þá er eins og menn hafi hálfpartinn
farið að slaka á, sem má náttúrulega
ekki gerast, en við þurfum bara að
læra af því,“ segir Patrekur og bætir
við að nokkur óvissa ríki með næsta
tímabil. „Það eru margir að fara
frá okkur þannig að við þurfum að
reyna að ná í einhverja leikmenn.
Við þurfum að bíða eitthvað lengur
eftir ungu strákunum okkar því að
það eru ekki margir að koma upp úr
öðrum og þriðja flokki.“
Spilar ánægjunnar vegna
Patrekur kveðst mjög sáttur við
þau kjör sem hann bjó við í atvinnu-
mennskunni en segir að því sé fjarri
að menn verði auðjöfrar af því að
spila handknattleik. „Ég neita því
ekki að maður hafði það ágætt úti.
En það eru ekki það miklir peningar
í þessu. Þess vegna fór ég nú í þetta
nám, svo maður geti fengið ágætis
vinnu. Óli Stefáns er örugglega að
safna einhverjum ágætis pening,
við hinir höfum það ekkert slæmt.
Það verður enginn moldríkur af því
að spila handbolta,“ segir Patrekur,
en bætir við í léttum tón: „Nema Óli
Stef.“
Patrekur segist óneitanlega
njóta þess að álagið og pressan hér
heima sé minni en gengur og gerist
í atvinnumennskunni. „Það var oft
þannig úti að það var mikil pressa
frá einhverjum stjórnarmönnum og
Umhverfisvernd
Umhverfisvottun
www.beluga.is
það gat verið mjög neikvætt. Ég finn
ekkert fyrir því hér. Nú er ég bara
að spila ánægjunnar vegna og til
að halda mér í formi og það er bara
allt öðruvísi. Það kemur þó auðvitað
fyrir að ég sakna atvinnumennsk-
unnar. Sérstaklega þegar ég heyri
í Gauja (Guðjóni Val Sigurðssyni)
og hann er búinn að vera að spila
fyrir framan 15-16 þúsund manns.
En þetta hefur sannarlega verið
eitt skemmtilegasta tímabil sem ég
hef átt. Auðvitað hef ég spilað betri
handbolta og ég var í töluvert betra
formi þegar ég var hjá Essen, en ég
er engin gúrka,“ segir Patrekur og
hlær.
Patrekur segist lítið hafa velt því
fyrir sér hversu lengi hann muni
halda áfram að spila. „Ég er náttúru-
lega að eldast, verð 34 ára í sumar,
þannig að ég tek bara eitt ár í einu.
En á meðan þetta gengur, skrokkur-
inn er í lagi og ég hef gaman af þessu,
er ég ekkert að fara að hætta. Ég sé
alveg fyrir mér að vera i 3-4 ár til við-
bótar,“ segir Patrekur.
Gott að tengja námið
og handboltann
Íþróttaakademían tók til starfa í
Reykjanesbæ síðasta haust, en aka-
demían starfar undir Háskólanum
í Reykjavík. Patrekur segist hæst-
ánægður með námið og líkar vel að
vera sestur aftur á skólabekk. „Þetta
er 90 eininga BS nám í íþróttafræði.
Menn útskrifast svo sem íþróttafræð-
ingar með kennsluréttindi. Ég býst
við því að fara út í einhvers konar
stjórnun og rekstur að því loknu.
Þetta gefur manni allavega ýmsa
möguleika,“ segir Patrekur.
Námið í akademíunni er bæði
bóklegt og verklegt og þá eru stund-
aðar hinar ýmsu íþróttir. Kemur
eflaust fæstum á óvart að Patrekur
kom bestur allra út úr verklegum
handbolta. Hann segir að námið
hafi hjálpað sér mikið í handbolt-
anum í vetur. „Það er t.d. virkilega
flott lyftingaaðstaða þarna og ég gat
notað tímann til þess að lyfta mikið
og sinna þeim þáttum sem ég gerði
þegar ég var úti. Það er alveg frábært
að geta tengt skólann og handbolt-
ann svona saman,“ segir Patrekur.
Patrekur er ekki eini íþróttamað-
urinn sem nemur við Iþróttaaka-
demíuna. „Þarna er t.d. Jón Norðdal,
körfuknattleiksmaður, og Hörður
Sveinsson, fótboltamaður, var hjá
okkur þangað til hann fór til Dan-
merkur í atvinnumennsku. Svo er
Gillzenegger náttúrulega líka þarna.
Hann er toppstrákur. Ég held að
þetta sé mjög hentugt nám fyrir alla
sem hafa áhuga á íþróttum, sama
á hvaða aldri þeir eru. Flestir eru
líklega á bilinu 20-26 ára en ég er
að byrja þarna 33 ára og er þó ekki
elstur.“
Alltaf vantað jafnvægi í landsliðið
Patrekur segist telja möguleika Is-
lands fyrir leikina gegn Svíum i júni
vera ágæta. „Fyrri leikurinn er úti
og það er lykilatriði að tapa honum
ekki með meira en fjórum til fimm
mörkum. Við verðum að eiga góðan
leik úti og auðvitað væri óskandi að
við ynnum en við megum alls ekki
tapa stórt. Þó að Svíarnir séu með
mjög breytt lið eru þeir með fullt af
góðum mönnum, en það erum við
ekki síður. Við eigum frábæra leik-
menn, eins og Óla Stefáns, Guðjón
og Snorra Steinn, þannig að þetta
verða bara frábærir leikir. Vörnin
okkar verður hins vegar að halda
og markvarslan verður að vera góð,“
segir Patrekur.
„Liðið sýndi á Evrópumótinu að
við eigum hörkugóða stráka sem
geta spilað mjög vel. Það vantaði
kannski aðeins upp á varnarleik-
inn og markvörslu á köflum, en ég
er viss um að Alfreð Gíslason mun
taka vel á þeim þáttum. Undir stjórn
Viggós var sóknarleikurinn helsti
styrkur okkar, enda er Viggó alveg
stórkostlegur sóknarþjálfari. Við
erum einfaldlega með þannig lið að
við getum unnið flestallar þjóðir en
við getum líka dottið niður og tapað
fyrir þeim. Það vantaði meira jafn-
vægi í þetta, en þannig hefur það
verið hjá landsliðinu í mörg ár. Það
er kannski bara eðlilegt af því að við
höfum aldrei átt það breiðan hóp,“
segir Patrekur.
Mun aldrei leika aftur
með landsliðinu
Patrekur segir það hafa verið mikið
happ fyrir íslenska landsliðið að fá
Alfreð Gíslason sem þjálfara. „Al-
freð er löngu búinn að sanna það
að hann er einn af bestu þjálfurum
heims. Að hann hafi verið á lausu
og haft áhuga á að taka við liðinu
er bara algjör draumur. Það er ekki
til betri maður í starfið og vonandi
verður hann bara sem lengst,“ segir
Patrekur. „Það verður þó ekki tekið
af Viggó að hann náði góðum ár-
angri með liðið og hefði kannski
mátt vera lengur í starfinu. En hann
ákvað að hætta og maður verður að
virða það. Hann getur þó gengið
sáttur frá sínu starfi,“ bætir hann
við.
Að lokum lék blaðamanni for-
vitni á að vita hvort Patrekur hafi
leikið sinn síðasta landsleik fyrir
íslands hönd. Svarið stóð ekki á sér:
„Já, 150% öruggt. Maður á reyndar
aldrei að segja aldrei, en ég held að
það sé nokkuð víst að ég mun ekki
leika aftur með landsliðinu," segir
Patrekur. „Alfreð er hins vegar
góður vinur minn og við tölumst
oft við. Þannig að ef hann spyr um
einhverja leikmenn hérna á íslandi
þá gef ég honum góð ráð. Þess vegna
er eins gott fyrir menn að vera góðir
við mig næsta vetur og vera ekki
að berja mig. Enda hafa þeir enga
ástæðu til þess, ég er nú svo penn,“
segir Patrekur.
bjorn@bladid.net
99.................................
Það kemur auðvitað fyrir að ég sakna at-
vinnumennskunnar. Sérstaklega þegar ég
heyri í Gauja og hann er búinn að vera að
spila fyrir framan 15-16 þúsund manns.