blaðið - 24.11.2006, Blaðsíða 32

32 FÖSTUDAGUR 24. NÓVEMBER 2006
íþróttir
ithrottir@bladid.net
blaöiö
Wenger játar ósæmilega hegöun
Arsene Wenger, knattspyrnustjóri Arsenal, hefur játað að hafa sýnt ósæmilega
hegðun gagnvart Alan Pardew, knattspyrnustjóra West Ham, þegar liðin mætt-
ust á Upton Park 5. nóvember. Stjórarnir skiptust á misfögrum orðum eftir að
íslandsvinurinn Pardew fagnaði innilega sigurmarki West Ham undir lok leiks-
ins. Pardew hefur þegar beðist afsökunar á þessum mikla fögnuði sínum.
West Ham er nýja íslendingaliðið:
Fjörutíu ár frá síðustu
Eggert og Björgólfur eru meö fótboltahjarta ■ Vesturbæjarliö eins
West Ham er eitt elsta
knattspyrnufélag
Englands en það var
stofnað árið 1895 undir
nafninu Thames Ironw-
orks. Liðið lék undir því nafni til alda-
móta þegar það var nefnt West Ham
United. Þrátt fyrir háan aldur hefur
félagið aldrei orðið Englandsmeistari
og aðeins þrívegis orðið enskur bik-
armeistari. Þó er oft talað um gullald-
arár West Ham á sjöunda áratugnum
um það leyti sem Englendingar urðu
heimsmeistarar í knattspyrnu árið
1966. Þá léku með liðinu leikmenn sem
löngu eru orðnir goðsagnir í enskri
knattspyrnusögu, þeir Geoff Hurst,
Bobby Moore og Martin Peters.
West Ham hefur átt ágætis gengi
að fagna undanfarin ár ef undan-
skilin eru tvö tímabil á árunum 2003
til 2005 þegar félagið lék í næstefstu
deild eftir tíu ára óslitna veru í þeirri
efstu. Hamrarnir komust í bikarúrslit
í fyrra í fyrsta sinn síðan 1980 þar sem
þeir þurftu að lúta i lægra haldi fyrir
Liverpool.
West Ham endaði síðasta tímabil í ní-
unda sæti úrvalsdeildar og voru miklar
væntingar gerðar til félagsins fyrir yf-
irstandandi tímabil, sérstaklega eftir
tilkomu Argentínumannanna Javiers
Mascherano og Carlos Tevez. Hvorki
félagið né Argentínumennirnir tveir
hafa þó staðið undir væntingum og
hafa farið illa af stað í vetur. Leikmenn
og stuðningsmenn fengu þó ástæðu til
að horfa bjartari augum fram á veginn
í vikunni þegar skuldir félagsins voru
greiddar af nýjum eigendum og pen-
ingum lofað til leikmannakaupa.
Stuðningsmönnum West Ham Un-
ited hefur fjölgað margfalt á íslandi
undanfarna daga. Líkt og þegar Stoke
United varð að hálf-íslensku félagi
fyrir nokkrum árum má reikna með
að íslendingar í West Ham-búningum
með West Ham-trefla sem segjast alltaf
hafa borið taugar til þessa forna félags,
verði sífellt algengari hér á landi.
Til að greina kjarnann frá hisminu
gróf Blaðið upp nokkra ósvikna stuðn-
ingsmenn félagsins til fjörutíu ára,
ræddi stuttlega við þá um félagið og
spurði meðal annars: Af hverju West
Ham?
Sterkt og skemmtilegt liö
„Þetta var bara sterkt og skemmtilegt lið á þessum
tíma með fullt af skemmtilegum leikmönnum;' svarar
Sævar Jónsson, verslunareigandi og fyrrverandi knatt-
spyrnumaður hjá Val.
„Ég hef haldið með West Ham frá því ég var átta
ára gamall eða frá þvl 1966 þegar Englendingar urðu
heimsmeistarar. Það hefur auðvitað gengið upp og
ofan hjá liðinu en það er vonandi að hagur okkar fari að
vænkast núna," segir Sævar bjartsýnn. Sævar á eina
West Ham-treyju merkta fyrrverandi leikmanni félags-
ins, Freddy Kanouté, sem Guðni Bergsson, Valsmaður
og fyrrverandi leikmaður Bolton, gaf honum. „Guðni
sagði mér að eftir leik Bolton og West Ham fyrir nokkr-
um árum hefði hann velt því fyrir sér hvort hann þekkti
nokkurn aðdáanda West Ham og allt í einu munað
eftir mér og fengið Kanouté til að skipta við sig,“ segir
Sævar lukkulegur.
í treyjunni á æfingum
„Það voru þarna náttúrlega Martin Peters, Geoff Hurst
og Bobby Moore sem skópu heimsmeistaralið Englend-
inga 1966,“ svarar Guðmundur Ingi Jónsson, eftirlits-
dómari og endurskoðandi.
„Ég á treyju sem konan mín gaf mér þegar ég varð
fimmtugur og hef mætt í henni á fótboltaæfingar siðan.
Strákarnir hafa hlegið að mér fyrir að klæðast henni
en þeir hlæja ekki lengur. Núna vilja nefnilega allir eiga
gullið.“
Guðmundur segir að sér lítist vel á framtíð West
Ham, hann þekki Eggert og Björgólf báða mjög vel.
„Þetta eru menn með fótboltahjarta og það er gott fyrir
félagið," segir Guðmundur.
Aðdáandi í 39 ár
„Ég byrjaði að styðja West Ham árið 1967 þegar sjón-
varpið hóf útsendingar frá ensku knattspyrnunni því ég
trúði því að West Ham væri Vesturbæjarlið eins og KR,“
segir Egill Egilsson, verslunarstjóri í Stykkishólmi.
Egill fór í fyrra að sjá West Ham spila við Manchester
United á Upton Park í sitt fyrsta og eina skipti, en ekki
það síðasta.
„Við töpuðum því miður fyrir United í þessum leik
sem leit vel út framan af. Marlon Harewood skoraði í
fyrstu sókn West Ham en svo fengum við á okkur tvö
mörk og töpuðum leiknum 2-1, því miður," segir Egill
sem fór þó ekki tómhentur af vellinum. „Þótt við höfum
tapað leiknum náði ég þó að gera þarna góð kaup, en
ég náði að kaupa mér aðalbúning, varabúning og æf-
ingagalia West Ham."
Óvart aðdáandi
„Ég kann nú enga skýringu á því af hverju ég byrjaði
að halda með West Ham. Þetta er bara eitthvað sem
gerist. West Ham og Manchester United voru sterkust
á þessum tíma þegar byrjað var að sýna frá enska bolt-
anum 1966," segir Hjálmar Jónsson blaðamaður.
„Líklega hafði það þó eitthvað að segja að einn besti
vinur pabba var harður stuðningsmaður.'1
Hjálmar segist einu sinni hafa farið að sjá sína menn
spila en það hafi verið árið 1983. „Ég fór að sjá West
Ham - Arsenal. Ég man nú ekki hver lokastaðan var en
við töpuðum leiknum man ég,“ segir Hjálmar sem reikn-
ar með því að hann fari að láta sjá sig oftar á Upton
Park núna þegar félagið er orðið hálf-íslenskt.