blaðið - 25.11.2006, Blaðsíða 40
44 LAUGARDAGUR 25. NÓVEMBER 2006
blaöið
rátt fyrir að jólin séu
jafnan hátíð barnanna
og tími gleði og friðar
er ekki alltaf svo í öllum
fjölskyldum. f stjúpfjöl-
skyldum vakna oft upp
erfiðar spurningar eins
og hvar eiga börnin að vera um jólin,
frá hverjum á að merkja gjafirnar og
svo framvegis. Valgerður Halldórs-
dóttir, félagsráðgjafi MA, rekur vefinn
Stjúptengsl.is og er auk þess formaður
í Félagi stjúpfjölskyldna. Sjálf segist
hún hafa verið í stjúptengslum allasína
ævi. „Foreldrar mínir skildu þegar ég
var unglingur og hafa báðir eignast
nýjan maka. Ég hef verið einhleyp
móðir og hef búið til mína eigin stjúp-
fjölskyldu," segir Valgerður og rekur
upphaf vefsins Stjúptengsl.is. „Hug-
myndin að þessum vef kviknaði þegar
ég var í námi í félagsráðgöf árið 1997.
Ég valdi að fjalla um stjúpfjölskyldur í
nokkrum verkefnum og má því segja
að áhuginn á viðfangsefninu hafi
verið bæði faglegur og persónulegur.
Síðar tók ég ákvörðun um að fara í
framhaldsnám og ljúka mastersgráðu
í félagsráðgjöf. Ég ákvað þá að fjalla
um stjúpfjölskyldur í mastersritgerð
minni, enda var ég búin að velta þeim
fyrir mér í mörg ár. Upphaflega hug-
myndin var sú að gera rannsókn og
búa til vefinn að henni lokinni en
ég byrjaði á vefnum. Vefurinn varð
þvi til á undan og ég gerði hann sam-
hliða því sem ég vinn mastersverk-
efni mitt um hvernig megi styrkja
stjúpfjölskyldur."
Samveran krefst mikils af okkur
Það spurðist fljótt út að Valgerður
hefði opnað vef um stjúptengsl og
hún segir að það hafi vakið mikla at-
hygli. „Það var lítið efni til á íslensku
og úrbóta var þörf. Þannig hefur
þetta undið upp á sig og viðbrögð við
vefnum hafa staðfest brýna þörf fyrir
umræðu og upplýsingar. Vefurinn var
opnaður árið 2004 og í kjölfar þess
var Félag stjúpíjölskyldna stofnað en
félagið átti ársafmæli í gær,“ segir Val-
gerður sem telur að það mætti íhuga
að stofna sérstakt fjölskylduráðuneyti.
,Þar yrði gert ráð fyrir margvíslegum
fjölskyldugerðum og hlúð yrði að fjöl-
skyldum í landinu. Hin hefðbundna
kjarnafjölskylda þarf líka sinn stuðn-
ing. Ég hef orðið vör við mikla fjölgun
fyrirspurna síðan ég stofnaði vefinn
en það eru ákveðnir álagstímar, eins
og upphaf, skólaárs, lok sumarfría og
lok jólafría. Fólk virðist fresta vanda-
málunum þegar einhvers konar frí
eru framundan. Það reynir því sér-
staklega á samskiptin í fríum ef vanda-
málin eru óleystþar sem samveran er
einfaldlega meiri.“
Ekkert rangt við ólík-
artilfinningar
Valgerður segir að taka verði tillit
til þess að stjúpfjölskyldur eru marg-
víslegar og það þurfi að horfa til þess
í umræðunni. „Stjúpfjölskyldur eru
ekki einsleitur hópur og það er nauð-
synlegt að viðurkenna og gera ráð
fyrir margbreytileganum. Fólk þarf
því að tala saman til að komast að
hugmyndum og væntingum hvers
annars. Til dæmis gerist það oft að
stjúpforeldri vill vera í hlutverki
vinar gagnvart stjúpbarni sínu en
kynforeldrið er með ákveðnar vænt-
ingar um að það sinni föður- eða
móðurhlutverki. Það er sjaldan hægt
að ganga að því sem vísu hvaða hlut-
verk viðkomandi vill hafa eða hvaða
væntingar börnin hafa. Þegar börn
eru ættleidd þá er litið á það sem eðli-
legan hlut að það taki tíma að búa til
tilfinningatengsl en það sama virðist
ekki vera uppi á teningnum í stjúp-
fjölskyldum. Vegna þessara óræðu
hugmynda getur verið erfitt að tala
saman. Ef foreldri horfir á tvö börn
ganga inn í herbergi og annað er
blóðbarn þess þá er mjög líklegt að
foreldrið geti haft ólíkar tilfinningar
gagnvart þessum börnum. Það er ekk-
ert rangt við það og það þarf að viður-
kenna það án þess að hafa samviskubit
því vinátta er fullgild. Það má heldur
ekki gleyma því að flest börn eiga tvo
kynforeldra og það þarf að gera ráð
fyrir þeim og stórfjölskyldum þeirra.
Yfirleitt er óþarfi að ætlast til þess að
stjúpforeldri sé í einhverju pabba- eða
mömmuhlutverki."
Börn vilja tíma með
foreldrum sínum
Valgerður segir að mikilvægt sé
að foreldrar gefi börnum sínum
tíma. „Stjúpforeldrar geta verið mjög
mikilvægir stjúpbörnum sínum
og það getur verið að barnið kalli
stjúpforeldri sitt pabba eða mömmu.
Það er ekkert rangt við það ef allir eru
því sammála. Hins vegar er vináttan
flestum börnum nóg, það þarf ekki að
biðja um meira. Að sama skapi er mik-
ilvægt að foreldrar gefi börnum sínum
tíma. Að barnið upplifi að foreldrar
Fyrir einn mann og bil fram og til baka i klefa.
Innifalið: Sigling til Danmerkur og til baka, gisting í
klefa, flutningur a bíl, bókunargjald og forfallatrygging.
Gildir til 17. mars 2007. Gildir ekki 19. des. (jólaferð).
FERÐASKRIFSTOFAN
Munið ferðaávisun MasterCard
VISA
>A AUSTFAR SMYRIL LINE
Fjarðargötu 8 • 710 Seyðisfirði • Tel:+354 4721111
austfar@smyril-line.is • www.smyril-line.is
Stangarhyl 1-110 Reykjavík - Teí:+354 570 8600
Fax: +354 552 9450 - www.smyril-line.is