blaðið - 01.09.2007, Síða 30
30
LAUGARDAGUR 1. SEPTEMBER 2007
blaðiö
MENNING
menning@bladid.net
Ef ég ætti fullt af peningum og væri
með aðstoðarmann í vinnu hjá mér
myndi ég ekki hika við að gera öll verkin
úr bronsi, enda hef ég ekkert á móti slíku.
Sýning á
verkum Hildar
Sýning á verkum listakon-
unnar Hildar Bjarnadóttur
verður opnuð í Listasafni ASl í
dag klukkan
15. Hildur út-
skrifaðist frá
Listaháskóla
Islands árið
1992 og lauk
MFA-gráðu
frá Pratt
Institute í
New York
árið 1997. Á sýningunni í
Listasafni ASÍ sýnir Hildur
verk þar sem grunnhugmyndir
og hefðir textílhandverks eru
til umfjöllunar. Hún vitnar
í málverkshefðina en skoðar
jafnframt handverk kvenna á
fyrri tímum.
Kynning
í Salnum
Nýtt tónleikaár verður kynnt á
opnu húsi í Salnum í Kópavogi
í dag klukkan 13.30. Einnig fer
þar fram kynning á kínverskri
menningarhátíð sem haldin
verður í Kópavogi í byrjun okt-
óber og veittur verður styrkur
til ungs tónlistarmanns sem
hefur látið að sér kveða.
Yfirlitssýning Gjörningaklúbbsins
Sýning á verkum Gjörninga-
klúbbsins, sem samanstendur
af listakonunum Eirúnu Sig-
urðardóttur, Jóní Jónsdóttur
og Sigrúnu Hrólfsdóttur, var
opnuð í Listasafni Reykjavíkur
í Hafnarhúsinu i gærkvöldi og
mun standa yfir til 25. október
næstkomandi.
Gjörningaklúbburinn hefur
á ellefu árum haldið yfir 200
sýningar í Evrópu og Bandaríkj-
unum, og hafa sýningar hópsins
jafnan vakið mikla athygli.
Hluti sýningarinnar er byggður
inni í völundarhúsi innan um
þrívítt púsluspil i 400 fermetra
sal á 1. hæð safnsins.
Glitnir er aðalstyrktaraðili
sýningarinnar, en með framlagi sínu gerir bankinn Listasafni Reykja-
víkur kleift að ráðast í gerð sérstakrar bókar um Gjörningaklúbbinn
auk þess að stuðla að nýsköpun á verkum klúbbsins, sem sýnd eru nú
í fyrsta sinn í Hafnarhúsinu.
í bókinni verða myndir og greinar eftir sýningarstjórann, Yean Fee
Quay, auk hugleiðinga 23 samferða- og samstarfsmanna hópsins,
meðal annars Bjarkar, Sjóns, Kristínar Jóhannesdóttur, Þorvaldar
Þorsteinssonar og fleiri.
Þrjár einkasýn-
ingar
Þrjár einkasýningar verða
opnaðar í SAFNI, Laugavegi
37, í dag, en það eru sýningar á
verkum Sigurðar Guðjónssonar,
Hugins Þórs Arasonar og Tonys
Trehy. í SAFNI er samtíma-
myndlist til sýnis á þremur
hæðum og aðgangur er ókeypis.
Opnunartími er á milli klukkan
14 og 18 miðvikudaga til föstu-
daga og frá klukkan 14 til 17 á
laugardögum og sunnudögum.
Hjálmar á
Ó-Náttúru
Hjálmar Sveinsson útvarps-
maður verður með leiðsögn
um sýninguna Ó-Náttúra í
Listasafni íslands á morgun,
sunnu-
daginn 2.
september,
klukkan 14.
Hann ætlar
að leiða
gesti um
sali og tala
um hugrenn-
ingar sínar
varðandi
einstök verk á sýningunni. Ó-
Náttúra er sýning á verkum úr
safneign Listasafns íslands og
fjallar um náttúruna í ólíkum
myndum.
Komandi leikár í Þjóðleikhúsinu
Á komandi leikári í Þjóðleikhúsinu verða frumsýnd
fjögur ný íslensk leikrit, tvö eldri islensk verk og sjö
erlend leikrit ásamt því sem fjögur verk frá síðasta
leikári verða áfram sýnd. Meðal nýrra sýninga á Stóra
sviðinu eru ný uppfærsla á verkinu Hamskiptin eftir
Franz Kafka í leikstjórn Gísla Arnar Garðarssonar,
ívanov eftir Anton Tsjekhov í leikstjórn Baltasars
Kormáks, Ástin er diskó - lífið erpönk eftir Hall-
grím Helgason í leikstjórn Gunnars Helgasonar og
Sólarferð eftir Guðmund Steinsson í leikstjórn Bene-
dikts Erlingssonar. I Kassanum verður meðal annars
sýnt nýtt verk eftir Hugleik Dagsson, Baðstofan, í
leikstjórn Stefáns Jónssonar, og á nýjasta leiksviði
Þjóðleikhússins, Kúlunni, verða sýnd verkin Gott
kvöld eftir Áslaugu Jónsdóttur í leikstjórn Þórhalls
Sigurðssonar og barnaleikritið Skoppa og Skrítla í
„söng-leik“ eftir Hrefnu Hallgrímsdóttur í leikstjórn
Þórhalls Sigurðssonar.
I Smíðaverkstæðinu verður meðal annars sýnt
verkið Vígaguðinn eftir Yasminu Reza í leikstjórn
Melkorku Teklu Ólafsdóttur.
Nánar má lesa um komandi leikár á vef Þjóðleik-
hússins, leikhusid.is.
Fimmti listamaðurinn í D-sal Hafnarhússins
Praktísk nálgun
en ekki pólitísk
Jóhannes Atli Hinriksson
frá Sauðárkróki er fimmti
listamaðurinn sem sýnir
í sýningaröð D-salarins í
Hafnarhúsinu. Hann vinn-
ur aðallega með ódýr efni
en þó ekki af pólitískum
ástæðum.
Eftir Hildi Eddu Einarsdóttur
hilduredda@bladid.net
Fimmti listamaðurinn sem sýnir
í sýningaröð D-salarins í Listasafni
Reykjavíkur, Hafnarhúsinu, er Jó-
hannes Atli Hinriksson, sem hefur
getið sér gott orð fyrir kraftmiklar
innsetningar úr grófum og ódýrum
efnum. „Efniviðurinn sem ég nota
er yfirleitt ódýr og þægilegur við-
ureignar, eins og til dæmis gifs
og pappakassar. Þetta er þó alls
ekki pólitísk nálgun á hráefninu
heldur miklu frekar praktísk enda
eru þetta hlutir sem eru oft nálægt
manni og kosta lítið. Ef ég ætti fullt
af peningum og væri með aðstoðar-
mann í vinnu hjá mér myndi ég ekki
hika við að gera öll verkin úr bronsi,
enda hef ég ekkert á móti slíku," út-
skýrir Jóhannes.
Ekki fyrsta einkasýningin
Með sýningaröð D-salarins vill
Listasafn Reykjavíkur vekja athygli
á efnilegum myndlistarmönnum,
sem ekki hafa áður haldið einkasýn-
ingu í stærri söfnum landsins. Því
fer þó fjarri að sýning Jóhannesar
þar sé hans fyrsta einkasýning. „Ég
hef haldið nokkrar sýningar hér á
landi sem erlendis og var nýlega
með sýningar í Zúrich og New York.
En ég held að þessi sýning í Hafn-
arhúsinu sé sú stærsta sem ég hef
haldið hér á Islandi."
Vinnur með alla miðla
Jóhannes útskrifaðist með MFA-
gráðu frá School of Visual Arts í
New York árið 2005 og hefur síðan
þá unnið með alla miðla. „Ég hef
meðal annars haldið svona hefð-
bundnar skúlptúrsýningar þar sem
mismunandi verk hafa staðið hér og
þar í salnum en i þessari sýningu
Jóhannes Atli Hinriksson
Vinnur með alla miðla mynd-
listarinnar.
í D-salnum gerði ég innsetningu
af því að það passaði betur inn í
rýmið. Til dæmis má sjá kónguló og
trommur og fígúrur sem eru fastar í
kóngulóarvef. Það er í raun ákveðið
ferli í gangi þarna,“ segir hann.
Heldur tengslum við NewYork
Undanfarið hefur Jóhannes
dvalið á Sauðárkróki, enda borinn
og barnfæddur þar. „Ég var að
vinna að listsköpun þar ásamt því
sem ég hef unnið við smíðar, en
hef reyndar aldrei haldið sýningu
þar, allavega ekki enn þá. Annars
er ég enn með annan fótinn í New
York og til að mynda verð ég með
einkasýningu þar einhvern tímann
á næstunni og líka í Danmörku. Ég
sé fram á að búa áfram hér á Islandi
en hyggst halda áfram að viðhalda
tengslunum við New York enda er
LISTAMAÐURINN
►
►
Jóhannes er fæddur árið
1975
Hann útskrifaðist með
BA-gráðu frá Listaháskóla
íslands árið 2000 og MFA-
gráðu frá School of Visual
Arts í New York árið 2005.
► Hefur að mestu leyti unnið
sem myndlistarmaður í fullu
starfi frá því að hann lauk
námi.
það toppurinn fyrir alla myndlistar-
menn og nokkurs konar höfuðborg
í listinni. Ég nýt þess því mjög að
hafa verið þar í námi og hafa tengsla-
net þar,“ segir hann.
Sýning Jóhannesar var opnuð í
gærkvöldi og stendur til 31. október.