Orðlaus - 30.09.2004, Blaðsíða 17

að nafni sem næði yfir það harðasta og sterkasta
sem til væri í heiminum og hafi því sokkið sér ofan
í ofurhetjusögurnar. Eina efnið sem Superman réð
ekki við var Kryptonite sem var stytt í Crip.
Gengið var fljótt að afla sér vinsælda, þar sem
það var eitt stærsta, sterkasta og hættulegasta á
svæðinu. Þó að upprunalega hafi ætlun Tookie og
Washington ekki verið að stofna glæpahring þá
voru þeir ekki nema tvö ár að afla sér það orðspor
að vera vægðarlausir glæpamenn sem réðust á og
rændu saklausan almenning á götunum. Fleiri og
fleiri ungmenni gengu til liðs við Tookie og félaga
og starfsemin var fljót að dreifast og skipta sér víða
og mynda nýjar og nýjar klíkur. Talað var um „Crip-
maníu" sem væri að dreifast eins og sinueldur um
skólana í suðurhluta LA með tilheyrandi bardögum
og ofbeldi. Það eru LA's Rollin 60's Crips, Watts '
Grape Street Crips, Long Beach 's Insane Crips,
South Side Compton Crips, Hoover Crips, East Coast
Crips, Hard Time Hustler Crip og School Yard Crips,
svo nokkur séu nefnd.
Á níunda og tíunda áratug síðustu aldar stækkuðu
umsvif Crips gífurlega og virðingin jókst samkvæmt
því. Á þessum tíma var gengið í hápunkti en
Washington var þó drepinn í götubardaga árið 1979
og Tookie dæmdur í fangelsi árið 1981 fyrir fjögur
morð. Hann situr enn á dauðadeildinni í San Quentin
fangelsinu. Þar sem gengið var orðið svo stórt gat
starfsemin auðveldlega haldið áfram þó svo að
stofnendur þess væru horfnir og nú eru rúmlega
200 Crips gengi starfandi í LA einni saman.
BLOODS
Það voru ekki allir sáttir við þróunina í LA. Þegar
nokkrir meðlimis Piru gengisins í Sentennial High
School féllu fyrir Cripsmeðlimum árið 1973 tóku
þeir ásamt nokkrum minni gengjum sig saman og
mynduðu bandalag gegn Crips sem fékk nafnið
Bloods. Nafnið er stytting á setningunni: Blood Love
Overcomes Our Depressions, en Blood klíkurnar
ganga líka stundum undir nafninu Piru.
Stríð þessara tveggja hópu urðu miðpunkturinn í allri
gengjastarfseminni í LA þar sem einskis var svifist til
þess að „dissa" óvinina og auka virðingu og orðspor
eigin gengis. Bloods gengin hafa ekki síður dreift sér
um og finnast í flestum stórborgum Bandaríkjanna
og víðar. Það eru Nine Trey Gangsta Bloods, Miller
Gangsta Bloods, Young Bloods, Valentine Bloods,
Mad Dog Bloods, 135 Piru, One Eight Trey Bloods,
Blood Stone Pirus, Mad Stone Bloods, Gangsta Killer
Bloods, Rollin 20s NeighborHood Blood, Compton's
Piru Bloods og mörg, mörg fleiri.
SKIPTING HÓPANNA
Aldursbil meðlimanna er stórt, allt frá 6 ára upp í 35
ára. Þessir meðlimir skiptast síðan í hópa, eftir aldri
og valdahlutföllum:
ORIGINAL GANGSTERS: Kallaðir: „OG's". Þeir
eru yfirleitt stofnendur gengjanna og um leið
valdamestu mennirnir innan þess. Þeir sjá ekki um
dagleg skítverk, heldur hafa hóp af öðrum til þess
en sjá um að skipuleggja eiturlyfjasöluna. Hægt er
að vinna sig upp í að vera OG með því að fremja
alveg sérstaklega hrottalegan glæp eða hafa setið í
fangelsi fyrir glæpi tengda gengjastarfseminni.
GANGSTERS: Kallaðir: „G's". Þeir eru yfirleitt
yngri (14-17 ára) en OG's en eru meginstoðirnar í
gengjunum, sjá um skipulagningu á starfseminni
og fylgjast með yngri dópsölunum. Þeir sjá yfirleitt
um helstu glæpastarfsemina og „drive-by"
skotbardagana.
BABY GANGSTERS: Kallaðir „BG's" en þeir eru
á aldrinum 9-13 ára. Þeir eru gjarnan notaðir
sem senditíkur eða til að merkja svæði með
graffi gengisins. Þeir reyna að vinna sig upp í
metorðastiganum með því að ráðast á og jafnvel
drepa meðlimi úr óvinagengjunum eða saklaus
fórnarlömb. Slíkt er að verða mikið vandamál í
Bandaríkjunum þar sem þessir Baby Gangsters eru
svo ungir að erfiðara er að dæma þá í almennum
dómstólum.
TINY GANGSTER: eða „TG's" eru síðan yngstu
meðlimirnir, 6-9 ára. Þeir starfa einnig yfirleitt sem
senditíkur og stundum notaðir til að geyma dóp.
EINKENNI
Ýmis tákn og önnur einkenni eru mikilvæg
fyrir gengjakúltúrinn. Oft er hægt að þekkja
gengismeðlimi á ákveðnum litum á fötunum,
skartgripum, klútum, skóreimum eða beltum og
tattúum sem bæði eru notuð til aðgreiningar og að
sýna tryggð við aðra meðlimi. Slík tíska hófst strax
í byrjun 19. aldar og talað var um „gang colors".
Margir krakkar eru farnir að klæða sig eins og
„homeboys" þó að þeir séu ekki hluti af gengi þar
sem þeir telja það svo cool og er það líklega ímynd
mikið til komin úr bíómyndunum og rappheiminum
þar sem líf gangstersins hefur fengið meiri glamúr
en raunverulega er. Þetta getur því miður leitt til
þess að þessir krakkar eru drepnir vegna mistaka.
LITIR
Flest gengi hafa einhvern ákveðinn lit til þess að
einkenna sig og það getur kostað þig lífið að vera í
vitlausum lit á vitlausu svæði. Crips meðlimir ganga
til að mynda í bláu og nota yfirleitt bláan klút til
að einkenna sig en litur Blood er hins vegar rauður.
Rauðir klútar og /eða rauðir íþróttagallar og þá
helst með merkjum Chicago Bulls körfuboltaliðsins.
Upphaflega var auðvelt að þekkja gengjameðlimi
á þessum mismunandi litum, en slíkt er mun
óalgengara í dag, einmitt vegna þess að það
auðveldaði löggunni að hafa uppi á meðlimunum.
[ATTÚ
Tattúin gegna mikilvægu hlutverki af nokkrum
ástæðum. í fyrsta lagi merkirfjöldi tattúa hversu oft
meðlimurinn hefur setið í fangelsi. Tattúin eru þá
einhver tákn sem gengið hefur ákveðið eða merki
eins og dropi undir auganu eða köngulóarvefur sem
tákna fangelsisvist. í öðru lagi eru tattúin notuð við
vígsluathafnir. Þá er nafn gengisins brennt stórum
stöfum á nýja meðliminn þannig að aðrir geti séð
hvaða hópi hann tilheyrir. Gallinn við þetta er að
það auðveldar óhjákvæmilega lögreglumönnum
og öðrum yfirvöldum að tengja glæpamennina við
ákveðin gengi og eiturlyfjahringi. Crips meðlimir
ganga því sjaldan með tattú en nota graffití frekar
til þess að einkenna glæpastarfsemina sína. Bloods
meðlimi er þó hægt að þekkja á tveimur punktum
yfir einum punkti sem á að „repprísenta" loppuna
á hundi, en Blood meðlimir kalla sig „dogs." I þriðja
lagi tattúa gangsterarnir götunöfnin sín á sig og
ýmis önnur tákn sem einkenna einstaka klíkur.
HANDAMERKI
Handamerkin eru notuð til þess að eiga samskipti
við aðra meðlimi og til þess að ögra öðrum klíkum
og lögreglumönnum. Það er í raun hægt að segja
að sérstakt tungumál, í formi handamerkja, hafi
myndast á götunum. Mörg gengi hafa búið til tákn
fyrir hvern einasta staf stafrófsins og geta því talað
saman og tjáð sig um þær hættur sem steðjar að
án þess að nokkur annar skilji. Einnig nota þeir
handamerkin til þess að sýna hvaða gengi þeir
tilheyra og sýna vanvirðingu við aðra hópa. Þá er
talað um að „flassa" merkjunum.
GRAFFÍTÍ
Graffið er notað til að merkja ákveðin svæði, auglýsa
gengið og til að ögra öðrum gengjum, þá til dæmis
með því að spreyja nafn Blood á svæði þar sem Crips
ráða ríkjum. Slík vanvirðing getur þýtt dauða fyrir
þann sem spreyjar, sem eru yfirleitt yngstu meðlimir
hópanna.
GÖTUNÖFN
Gælunöfn skipta gífurlegu máli, þvi enginn vill láta
skírnarnafnið sitt í Ijós. Yfirleitt þekkja meðlimirnir
ekki raunveruleg nöfn hinna. Gælunöfnin gefa oft
persónuleika viðkomandi í Ijós eins og til dæmis
C-Bone, T-Loc eða Mad-Dog. Margir tattúa svo
gælunafnið á sig. Ýmsar reglur gilda á milli Bloods
og Crips hvað þetta varðar. Crips meðlimir nota til að
mynda ekki bókstafinn B og Blood ekki bókstafinn
C.
AÐ KOMAST INN ER AUÐVELDARA EN ÚT!
Gangsterarnir koma úr ýmsum áttum og mismunandi
þjóðfélagsstigum. Mikill þrýstingur og hræðsla er
oft ein af ástæðunum fyrir því að ganga til liðs við
gengi, en eins ef fjölskyldumeðlimur er nú þegar
meðlimur. Eins og í mörgum hópum fer fram ákveðin
vígluathöfn til þess að fá að vera með. Þetta er þó
ekkert í líkingu við busavíglur og ógeðisát heldur
hard kor barsmíðar í ákveðið margar mínútur,
vopnað rán, „drive by", ráðast á eitthvað saklaust
fórnarlamb, nauðgun eða jafnvel verra. Þú þarft
að sýna hvað í þér býr, styrk og fullkomna tryggð.
Gengismeðlimir tala þá oft um „Blood in - Blood
out" í þeirri merkingu að annað hvort þarf að úthella
þínu blóði eða þú þarft að drepa einhvern.
Stelpur ganga í gegnum öðruvísi vígsluathöfn,
en þær þurfa þá að sofa hjá mörgum meðlimum
gengisins eða hjá einhverjum sem vitað er að sé HIV
smitaður!
Óhjákvæmilega nær lögreglan einhverjum
meðlimum og lokar þá á bak við lás og slá. Þá er
þó sagan ekki öll því að nú hafa meðlimirnir fært
gengjastarfsemina inn fyrir fangelsisveggina þar
sem meðlimir sömu gengja halda sig saman. Hjá
mörgum kemur þó sá tími að þeir vilja losna, komast
út úr þessu niðurbrjótandi eiturlyfja/glæpalíferni,
en það er enginn hægðarleikur að komast út úr
genginu. Áður fyrr var hægt að flytja frá borginni,
en nú er starfsemin orðin svo veigamikil að gengin
finnast í um 90% allra stórra eða meðalstórra borga
Bandaríkjanna. Ég rakst á spjallsíðu á netinu þar sem
ungir strákar voru að tjá sig um lífið sem gangster
og ekki voru allir eins hrifnir. Einn strákur skrifaði:
Ðwell i've been a blood for 8 yrs 5star general NTG
031 KnOwLeGe, honestly i want out, but i have no
choice" og annar 13 ára tók undir og sagðist hafa
verið meðlimur í East Side Bloods í sex ár. Fjölskylda
hans og vinir eru meðlimir og því veit hann ekki
hvernig hann á að komast út. Yfirleitt er það ekki
hægt nema að láta lífið því að barsmíðarnar eru
margfalt verri en við vígsluathöfnina. Það er litið á
slíkt sem svik, og svik eru ekki fyrirgefin!
ENGINN FRIÐUR í NÁND
Tookie, stofnandi Crips gengisins, er eins og áður
sagði að afplána dóm sinn á dauðadeildinni. Eftir
að hafa setið í fangelsinu fór hann að sjá villu síns
vegar og hefur eytt tímanum sínum í að skrifa
bækur um hætturnar og hryllinginn sem felast
í gangsteralífinu og tillögur um farsælan endi í
stríðinu sem hefur að hans mati staðið allt, allt of
lengi. Fyrir friðartilraunir sínar var hann tilnefndur
til Nóbelsverðlaunanna. Einnig er búið að gera
kvikmynd um líf hans, „Redemtion" sem sýnd var á
Cannes. Þrátt fyrir þessar tilraunir hans eru morð og
átök enn hluti af daglega lífinu á götunni og fjöldi
Blood og Crips gengjanna aukist stöðugt, þau orðin
mun skipulagðari en áður og byssurnar fleiri og
fjölbreyttari.
ORÐAFORÐI

að skjóta einhvern
lítið gengi
að „dissa", sýna vanvirðingu
gengismeðlimur
að lemja
virðing
innrás á óvínasvæðí
| að skjóta einhvern |
sá sem þykist vera gangster
sem hefur öðlast mikla virðingu innan gengisins
hard-kor gangster
fake-ass gangster
pimping hoes daily, sá sem er alltaf með gellum
„chilling while relaxing"
■HHH
Löggan
Fullt af peningum
Bless
EmhjKBtsem «r eaol
Að Ijúga
B.M.W
Hvitur maður
Stelpa ínnan gengísins sem geymir vopn og dóp
Dópdíll
Demonstration
Gengjabardagi
i
r
E