Orðlaus - 30.09.2004, Blaðsíða 46

V
Hrútur 21. mars - 20. apríl
Nú þarftu að halda fast í það sem skiptir þig máli.
Þó að þér finnist erfitt að hlusta á ráð frá öðrum þá
skaltu taka mark á þeim sem þú færð á næstunni,
sérstaklega þau sem varða fjármálin þín. Þú ert mjög
metnaðarfull um þessar mundir og krefst stundum
einum of mikils af sjálfri þér. Mundu aðforgangsraða
hlutunum en ekki reyna að sigra heiminn á einum
degi! Ástarmálin hjá þér munu taka óvæntan kipp á
næstunni því að þú ert mun reiðubúnari til að deila
þínu lífi með einhverjum sérstökum en þú hefur áöur
verið. Hugurinn er mun opnari fyrir nýjungum og þú
munt standa þig að því að heillast af manneskju sem
er búin að vera í lífinu þínu lengi, en þú hefur bara
ekki tekið eftir, fyrr en nú!
©
Krabbi (22. júní - 23. júlí)
Nú verðurðu að hætta að rifja upp skemmtilega hluti
úr fortíðinni og reyna að hafa gaman af nútíðinni.
Þó að hlutirnir séu ekki alveg jafn fjölbreytilegir og
fyrir 3 árum hjá þér þá eru þeir samt alveg nokkuð
góðir. Þú verður bara að horfa betur í kringum þig
og sjá hvað þú ert búin að koma þér upp góðum
hópi vina og vandamanna. Þú ert alltaf að skipta
um skoðun þegar kemur að hinu kyninu og veist
sjaldan í hvorn fótinn þú átt að stíga. Annan daginn
er hann æðislegur, en hinn reynirðu að finna eins
marga galla á honum og þú mögulega getur. Þetta
er slæmur ávani, mikið til kominn vegna ótta við
að stíga „Skrefið", en á einungis eftir að skila sér í
biturleika og eftirsjá. Taktu áhættur og gefðu ykkur
séns!
Vog (24. september - 23. október)
Þú leitar örvæntingarfull í breytingar, eitthvað
nýtt og spennandi, ný verkefni og nýja vini. Það er
svo sem allt gott og blessað, enda þarftu á því að
halda. Þú lifir lífinu fyrir sjálfa þig, en enga aðra. Þú
þarft þó að sýna sjálfri þér og öðrum örlítið meiri
þolinmæði og gera þér grein fyrir því að það hafa
ekki allir þessa endaluasu félagsveruorku eins og þú.
í rauninni ert þú að verða búin með alla þína líka
eftir annasamt sumar og haustbyrjun. Þú ert búin að
hrífast af mjög ólíkum karakterum og enn þá eru smá
leifar af tilfinningum til staðar, og fleiri en einn eru í
spilinu. Þetta getur leitt til vandræða á næstunni, en
ekki vera svartsýn því það á eftir að rætast mjög vel
úr þessu, það er að segja fyrir þig, ekki þá!
rS
Steingeit (22. desember - 20. janúar)
Ekki fá útrás í vinnunni. Þó að þú sért ekki búin
að eiga í innilegu sambandi við hitt kynið í frekar
langan tíma máttu ekki láta það bitna á öðrum.
Reyndu frekar að gera eitthvað í því og hættu að
vera svona óframfærin. Fjárhagurinn hjá þér er í
föstum skorðum núna þannig að þú þarft ekki að
hafa áhyggjur af peningamálum en það væri ekki
óvitlaust að nota hluta af þeim til þess að gera smá
breytingu á sjálfri þér. Þá er ekki verið að tala um
einhverjar lýtaaðgerðir heldur einfalda hluti eins og
nýja skó eða nýja klippingu. Þú ert ótrúlega hlédræg,
oftast einum of, og allt þarf að fara eftir ákveðnu
skipulagi. Vertu spontant, prófaðu eitthvað nýtt.
Ekki vera hrædd við það sem þú þekkir ekki!
V
Naut 21. apríl - 21. maí
Þú átt óskaplega erfitt með að kyngja stoltinu en
stundum verður þú bara að viðurkenna eigin mistök.
Þú hefur átt mjög annasamar vikur undanfarið sem
er farið að sýna sig í skapinu á þér. Reyndu að horfa
jákvæðum augum á framtíðina og hafa gaman af því
sem þú ert að gera. Þá gengur allt miklu betur fyrir
sig. Breytingar eru framundan, en það er undir þér
komið hvort þær verða til hins betra eða verra. Þú
ert búin að sýna vinum þínum hvers virði þeir eru
þér að undanförnu en nú þarftu að fara að huga
að sjálfri þér. Þú þarft að finna þér einhvern sem er
jafn tryggur og þú sjálf en ekki ana út i samband í
fljótfærni.
<£
Ljón (24. júlí - 23. ágúst)
Þú þarft að taka frekar erfiða ákvörðun núna á
næstunni sem þú ættir ekki að gera í fljótfærni,
því ekki verður aftur snúið. Eftir það tímabil, sem
mun reynast þér frekar slítandi, bíða þó betri tímar.
Mikil spenna og óvæntir atburðir munu einkenna
seinnipart október. Þú átt eftir að sveiflast mikið,
verður súper glöð og hamingjusöm en svo gífurlega
sorgmædd. Þú verður ástfangin, eða heldur það,
en eftir stutta stund áttarðu þig á því að allt var
ekki eins og það virtist í fyrstu. Það eru því engar
langtima skuldbindingar framundan hjá þér. Ef þú
ert í sambandi þá mun líklegast lítið breytast í því
á næstunni. Þú verður þó að taka ábyrgð á eigin
gjörðum en ekki fela þig á bak við næsta mann.
m.
Sporðdreki (24. október - 22. nóvember)
Þú ert búin að reyna að vinna í þínum málum síðustu
vikurnar þar sem þú hefur gert þér grein fyrir kostum
þínum og göllum og reynt að laga það sem þér líkar
ekki við. Það er mjög gott að vera heiðarlegur við
sjálfan sig eíns og þú hefur gert og allt þetta erfiði
á eftir að skila sér. Hátíðarhöld eru yfirvofandi þar
sem þú verður að sletta rækilega úr klaufunum því
síðan muntu ganga inn í nýtt tímabil sem verður
ólíkt öllu sem þú þekkir. Á vegi þínum mun verða
einstaklingur, sem þú byrjar á því að láta fara í
taugarnar á þér, en þær tilfinningar munu fljótt
breytast í mjög svo rómantískar hugsanir. Ekki halda
aftur af þér með það, þú átt eftir að þakka fyrir að
hafa prófað!
/wvi
A<Vt
Vatnsberi (21. janúar -19. febrúar)
Þú geislar af sjálfsöryggi núna og þér finnst sem
ekkert geti stoppað þig. Reyndu að nýta þessa orku
á eins margvíslegan hátt og þú getur ímyndað þér.
Þú átt eftir að eyða miklum tíma í næsta mánuði
með manneskju sem þú þekkir frekar lítið. Hún er
viðkvæm og óörugg og í raun algjör andstæða við
þig, en þessi samvera á eftir að koma þér stöðugt
á óvart og þú munt læra mjög mikið af henni. í
ástarmálunum ertu tilbúin til að búa þér til heimili
með þeim sem þú vilt deila lífinu með, en ef þú ert
á lausu þá ættirðu að skella þér út, síðustu helgina í
október, því vinsældirnar þínar ætla engan endi að
taka í kringum mánaðamótin.
H
Tvíburi 22. maí - 22 júní
Einmanaleiki hefur verið að angra þig upp á
síðkastið og þér hefur fundist sem þú sért svolítið
utanveltu. Eins og allir nái að skemmta sér og hafa
mun meira gaman af lífinu en þú. Rífðu þig upp úr
þessu núna og ekki eyða tímanum í óþarfa áhyggjur
varðandi framhaldið. Það þarf ekki alltaf allt að vera
á fleygiferð til þess að lífið sé spennandi. Þú hefur
alveg helling af hugmyndum þó að þú vitir ekki alveg
hvernig þú eigir að vinna úr þeim, en þá er vert að
leita til vinarins sem er alltaf að bjóðast til að hjálpa
þér. Sterk merki eru um það að óvænt rómantík leiði
í kjölfarið.
m
Meyja (24. ágúst - 23. september)
Þú hefur átt það til að lifa í hálfgerðum draumaheimi
upp á síðkastið. Innan skamms áttu eftir að hrökkva
upp og sjá að þú þarft að leggja þig mun meira
fram en þú hefur verið að gera. Þú hefur gífurlegar
væntingar varðandi framtíðina hjá þér og ert á þeim
tímapunkti núna að þú þráir náið samband og ef
þú ert nú þegar í sambandi viltu fara að taka næsta
skref. Hugleiddu vel og vandlega hvað það er sem
þú vilt áður en þú gerir hluti sem þú munt sjá eftir
síðar. Ræddu málin nema þú viljir vera ein í þessu
sambandi. Þú verður að breyta aðeins frá sérvisku
þinni og reyna að skilja báðar hliðar á málunum.
X”
Bogamaður (23. nóvember - 21. desember)
Þú ert nýlega búin að upplifa höfnun, frá vini,
kærasta eða vinkonu. Manneskja sem þú treystir
sveik þig og þú veist ekki hvernig þú átt að bregðast
við. Núna verður þú að draga þig í smá hlé og finna
út hvað þér finnst vera best í þínu fari og reyna að
rækta það enn betur. Þó að þú sért mjög hugsandi
og skapandi og vitir af því þá ertu líka mjög heillandi
um þessar mundir. Þú getur heillað hvern sem er
upp úr skónum ef þú öðlast meira sjálfsöruggi og
gerir þér grein fyrir hvað þú hefur mikið að bjóða.
Enginn er of góður fyrir þig, ekki einu sinni gaurinn
á barnum sem þú hélst að myndi aldrei líta á þig
tvisvar.
K
Fiskar (20. febrúar - 20. mars)
Þú leyfir ekki hverjum sem er að kynnast þér náið og
hefur það virkað svolítið fráhrindandi á þá sem hafa
verið að reyna að ná athyglinni þinni að undanförnu.
Á sama tíma skilurðu ekkert í því af hverju enginn
hafi áhuga á þér. Vertu aðeins opnari og einlægari
á eigin tilfinningar og komdu sjálfri þér á óvart.
Mikil vinna er framundan sem þarfnast gífulegrar
skipulagningar, sem mun taka þig svolítinn tíma
að aðlagast. Ekki gefast upp þó að þér finnist allt
vera að fara til fjandans. Játaðu frekar að þú þarft á
aðstoð að halda. Hugmyndir sem þig óraði ekki fyrir
munu koma í kjölfarið sem munu gjörbreyta þínum
framtíðarplönum.