Bændablaðið - 11.04.2006, Blaðsíða 10

10 Þriðjudagur 11. apríl 2006
Stærsta mjólkurbú landsins
verður flutt frá Reykjavík á Sel-
foss, öll framleiðsla á desertost-
um sameinuð í Búðardal og
dreifing hjá MS Reykjavík end-
urskipulögð og útvíkkuð. Einnig
verður gripið til almennra hag-
ræðingaraðgerða á öllum fram-
leiðslustöðum MS.
Réttu einu ári eftir sameiningu
Mjólkursamsölunnar og Mjólkur-
bús Flóamanna hefur stjórn MS
ákveðið að ráðast í breytingar sem
áætlað er að skili félaginu um 300
milljónum króna ávinningi á næstu
2-3 árum, eða rúmlega 4 kr. á
hvern lítra mjólkur miðað við inn-
lagða mjólk hjá MS á árinu 2005.
Breytingarnar voru kynntar á aðal-
fundi MS, sem haldinn var á Hlöð-
um á Hvalfjarðarströnd í dag, en
segja má að sameiningin hafi skap-
að forsendur þessara aðgerða.
„Tilgangur þessara breytinga á
framleiðslu og dreifingu, sem
stjórn MS hefur ákveðið, er að ná
fram meiri framlegð af rekstrinum
í því augnamiði að bæta afkomuna
og skila bæði framleiðendum og
neytendum ávinningi“, segir Guð-
brandur Sigurðsson forstjóri MS.
Nýjar pökkunarvélar
Miðað er við að mjólkurpökkun
verði flutt frá Reykjavík á Selfoss í
lok árs 2007. Þetta er stórt og viða-
mikið verkefni enda er í raun verið
að leggja niður stærsta mjólkurbú
landsins og sameina það öðru.
Reynslan sýnir að aðgerðir af þessu
tagi skila miklu og er áætlað heild-
arhagræði af flutningnum metið um
150 milljónir króna. Ráðist verður í
fjárfestingar í húsnæði á Selfossi og
er húsnæðisþörf þar talin vera 2.700
fm. Flutningskostnaður í heild er
metinn á 318 til 389 milljónir
króna. Í tengslum við flutninginn
verður tekin ákvörðun um val á
pökkunarvélum til frambúðar. Þar
verður ekki síst horft til sjónarmiða
neytenda og hvernig nýta megi
pökkunargetuna fyrir aðrar afurðir
sem framleiddar eru á Selfossi.
Desertostar í Búðardal
Ný desertostagerð getur væntan-
lega hafið starfsemi hjá MS Búðar-
dal í byrjun árs 2007. Núverandi
desertostagerð fer að miklu leyti
fram í höndum, en stefnt er að því
að bæta gæði, útlit, aðstöðu og
framleiðni m.a. með bættum véla-
búnaði sem áætlað er að kosti 21-
27 milljónir króna. Desertostar
hafa verið framleiddir á Selfossi
og í Búðardal en verða framvegis
eingöngu framleiddir í Búðardal.
Útvíkkuð dreifing
Danska ráðgjafafyrirtækið Capa-
cent A/S hefur ásamt IMG staðið
að allsherjarúttekt á dreifingu MS
með það fyrir augum að útvíkka
starfsemina með sem minnstum
tilkostnaði. Stefnt er að því að nýtt
fyrirkomulag í dreifingu verði tek-
ið upp í byrjun janúar 2007. Gert
er ráð fyrir að aukin verkefni á
þessu sviði geti skilað MS veruleg-
um ávinningi á næstu tveimur
árum.
Aukin framleiðni
Auk þess sem að framan er getið er
gert ráð fyrir að á næstu tveimur
árum verði hagrætt í framleiðslu hjá
MS á Selfossi, í Búðardal, á Blöndu-
ósi og á Egilsstöðum.
Þegar er ljóst að talsverðir mögu-
leikar eru á því innan MS að auka
framleiðni með sértækum aðgerðum
jafnt sem almennum.
Áhrif á störf
Flutningur mjólkurpökkunar mun
hafa áhrif á 40 störf í Reykjavík, en
20 ný störf verða til á Selfossi.
Starfsfólki í Búðardal mun ekki
fjölga þótt ný desertostagerð verði
byggð þar upp en vegna tilflutnings
fækkar um 8 störf á Selfossi. Þá er
gert ráð fyrir nokkurri fjölgun starfa
hjá MS í Reykjavík vegna aukins
umfangs í dreifingarstarfsemi. Erfitt
er að meta á þessari stundu áhrif
breytinganna á starfsmannahald,
enda ganga þær yfir á nokkrum
misserum og aðlögun að nýjum
frmaleiðsluháttum tekur tíma.
Húsnæði losnar
Við tilfærslu pökkunar á Selfoss
losnar um 9000 fermetra húsnæði
hjá MS í Reykjavík. Húsnæðisþörf
vegna vaxandi umsvifa í dreifingu
og aukins kælirýmis er áætluð um
2000 fermetrar, en leitast verður við
að koma um 7000 femetrum í leigu
til annarra aðila. Eins og áður er get-
ið þarf að bæta við 2.700 fermetra
húsnæði á Selfossi.
„Ástæðan fyrir því að Mjólkursamsalan
ræðst í þessar breytingar er krafan um meiri
hagræðingu,“ segir Guðbrandur Sigurðsson,
forstjóri MS, um þær breytingar sem nú eru
fyrirhugaðar á rekstri fyrirtækisins.
„Þegar MS og Mjólkurbú Flóamanna
voru sameinuð í fyrra var það gert með það
að leiðarljósi að hægt væri að ná fram meiri
hagræðingu í rekstrinum og nú er verið að
ráðast í það verkefni. Við sjáum fram á
verulega rekstrarhagræðingu með því að
auka sérhæfingu vinnslustöðvanna. Á Sel-
fossi verður þungamiðjan í mjólkurfram-
leiðslunni, dreifingin verður í Reykjavík og
í Búðardal verður handverksbú, sem styrkist
með aukinni framleiðslu desert-osta.“
Aukin verkefni á sviði dreifingar
Í frétt frá MS um breytinguna segir að stefnt
sé að því að koma á nýju fyrirkomulagi í
dreifingu þegar í byrjun næsta árs og að fyr-
irtækið sjái fram á aukin verkefni á því
sviði.
„Já, við sjáum fram á að geta nýtt dreifi-
kerfið okkar betur og tekið upp samvinnu
við önnur fyrirtæki, jafnvel þannig að MS
taki að sér dreifingu á matvælum fyrir
óskylda aðila sem verktaki. Við stöndum í
viðræðum um möguleika á slíkum verkefn-
um en það er of snemmt að greina frá þeim
að svo stöddu. Þetta tengist því líka að með
breytingunum losnar töluvert húsrými í
Reykjavík, um 7.000 fermetrar. Þetta rými
losnar eftir tvö ár og þá væri gott að geta
fengið þangað inn fyrirtæki með framleiðslu
sem við gætum annast dreifingu á. En það
verður að koma í ljós hvort sú von rætist.“
Fækkun starfsfólks
Eins og ávallt þegar rætt er um hagræðingu
hafa menn áhyggjur af því að störf kunni að
tapast.
„Já, við sjáum fram á að 40 störf hverfi
hér í Reykjavík þegar pökkunin flyst austur
á Selfoss en þar eystra verða til 20 ný störf í
pökkuninni. Hins vegar tapast þar átta störf
við flutninga á ostagerðinni til Búðardals
en á síðarnefnda staðnum verður ekki fjölg-
að starfsfólki þrátt fyrir aukna framleiðslu.
Við vitum hins vegar ekki hvernig málin
þróast hér í Reykjavík þegar nýja dreifi-
kerfið kemst í gagnið, þar gætu orðið til ný
störf.
Það blasir hins vegar við að breytingarn-
ar koma misjafnlega niður á starfsstéttum.
Tíminn vinnur þó með okkur því þessar
breytingar taka tvö ár, þeim verður ekki
lokið fyrr en á öðrum ársfjórðungi 2008.
Við munum bjóða öllu því starfsfólki önnur
störf sem við getum en væntanlega verður
ekki hægt að ráða alla aftur til starfa,“ segir
Guðbrandur Sigurðsson forstjóri Mjólkur-
samsölunnar.
Stærsta mjólkurbú landsins flutt á Selfoss
Áætlað að breytingar hjá MS skili miklum ávinningi í rekstri
Aukin sérhæfing
leiðir til hagræðingar
- segir Guðbrandur Sigurðsson, forstjóri Mjólkursamsölunnar
Húsnæði MS í Reykjavík. Myndirnar hér að ofan voru teknar á aðalfundi MS sem haldinn var fyrir skömmu.