Fréttablaðið - 27.01.2012, Page 49

KYNNING − AUGLÝSING Háskólar27. JANÚAR 2012 FÖSTUDAGUR 11
MPM-nám er hagnýtt stjórnendanám sem hentar þeim sem vilja stýra
flóknum og krefjandi verkefnum. MPM stendur fyrir Master of Project
Management og hljóta nemendur alþjóðlega vottun í verkefnastjórn-
un. Námið hófst í Háskóla Íslands árið 2005 en flutti til Háskólans í
Reykjavík í sumar. „Námið er það sama en aðstaðan er betri og við telj-
um námið eiga betur heima í HR þar sem skólinn er í góðum tengslum
við íslenskt atvinnulíf og stuðlar að þróun þess með ýmsum hætti,“
segir Haukur Ingi Jónasson sem veitir náminu forstöðu ásamt Helga
Þór Ingasyni. Haukur segir nemendur meðal annars öðlast færni sem
ætti að koma að góðu gagni þegar kemur að því að skapa blómlegt at-
vinnulíf. „MPM-námið ætti að vera sérstaklega gagnlegt nú þegar við
stöndum frammi fyrir mikilli uppbyggingu í íslensku atvinnulífi. Í
náminu er lögð áhersla á vönduð vinnubrögð, góða stjórnunarhætti
og samfélagslega ábyrgð en allt eru þetta eftirsóknarverðir þættir.“
Haukur Ingi segir verkefnin sem fólk vinnur að af ýmsum toga. „Þau
eiga það þó sameiginlegt að hafa upphaf, miðju og endi og það þarf að
leiða þau til lykta. Það eru oft miklir hagsmunir í húfi og því nauðsyn
að tryggja framvinduna og sjá til þess að hlutirnir séu gerðir þannig
að tilætlaður árangur náist.“ Haukur segir að ekki þurfi að einskorða
aðferðirnar við einstök verkefni heldur séu aðferðir verkefnastjórnun-
ar í auknum mæli notaðar til að stýra heilu fyrirtækjunum og er verk-
efnastjórnun til að mynda mikið notuð innan Evrópusambandsins.
„Sömu aðferðir mætti að okkar mati í auknum mæli nota markvisst í
íslensku atvinnulífi og í íslensku stjórnkerfi.“
Haukur Ingi og Helgi Þór hafa gefið út fjórar bækur sem kallast á
við námið og eru notaðar sem ítarefni. „MPM-námið byggir talsvert
á efni erlendra fyrirlesara sem kenna í náminu og viljum við gjarnan
gera meira af því.“ Þeir félagar eru sömuleiðis að gefa út bók hjá bóka-
útgáfunni Gower í Bretlandi sem heitir Project Ethics: The Critical
Path to Development og verður hún kennsluefni í náminu framvegis.
Haukur Ingi segir MPM-námið framarlega þegar kemur að nýjung-
um og framþróun í faginu og eru þeir því oft fengnir til að kynna hug-
myndir sínar víða um heim. Næsti viðkomustaður verður Alþjóða-
samtök verkefnastjórnunarfélaga (IPMA) MbK / HÞI. Gerð hefur verið
gæðaúttekt á náminu og kom það mjög vel út. „Þróunarvinnan held-
ur stöðugt áfram og við erum um þessar mundir að gera úttekt á því
hvernig námið skilar sér út í atvinnulífið. Niðurstöðurnar komum við
til með að nýta við áframhaldandi þróun námsins.“
Mikilvæg tenging
við atvinnulífið í HR
Haukur Ingi Jónasson og Helgi Þór Ingason veita MPM-náminu forstöðu.
MYND/ANTON
Lokaverkefni Hildar fjallaði um siðferðilegar hliðar á verkefnastjórnun og birtist í Inter-
national Journal of Project Management.
Hildur Helgadóttir, inn-lagnastjóri á Landspítal-anum var í fyrsta hópn-
um sem útskrifaðist úr MPM
náminu. Hún segir námið hafa
nýst sér afar vel í vinnu jafnt
sem einkalífi. „Ég er hjúkrunar-
fræðingur og starfaði áður sem
hjúkrunarforstjóri í Kef lavík.
Mér fannst námið hljóma spenn-
andi en á þessum tíma var ekki
hefð fyrir því að nota aðferðir
verkefnastjórnunar í heilbrigð-
iskerfinu. Við vorum tveir hjúkr-
unarfræðingar í þessum hópi og
fórum báðar að vinna á Land-
spítalanum í framhaldinu. Nú
held ég að við séum fimm til sex
á spítalanum sem höfum lokið
þessu námi,“ segir Hildur.
Hún lauk náminu haustið 2007
og tók í framhaldinu við sem inn-
lagnastjóri á Landspítalanum.
„Þar datt ég inn í risastórt verk-
efni sem var nýbúið að ýta úr vör.
Það heitir skilvirkt f læði sjúk-
linga og snýst í stuttu máli um
ferðalag sjúklinga í gegnum spít-
alann. Það var frábært fólk þarna
fyrir og við nýttum aðferðir verk-
efnastjórnar við að stýra því. Við
náðum fínum árangri, stytt-
um meðallegutíma, breyttum
tugum rúma úr sólarhringsrúm-
um í dagrúm og náðum að hag-
ræða heilmikið án þess að skerða
þjónustuna.“
Hildur segir námið ekki síður
hafa nýst sér í einkalífi við að
skipuleggja stóra sem smáa við-
burði. „Námið snýst fyrst og
fremst um það hvernig best er
að skipuleggja sig þegar leysa
þarf ákveðin verkefni. Þau hafa
upphaf og endi og gengur þetta
út á að ná sem bestum árangri,
stand ast tímasetningar og fjár-
hagsáætlanir, ná markmiðum
sínum og gera það vel.“ Hildur
segir endapunktinn þurfa að
liggja fyrir en margir flaska á því.
„Það eru allt of margir sem fara af
stað með spennandi verkefni sem
gufa svo upp í miðju kafi. Verk-
efnastjórnun er ekki lögverndað
starfsheiti, það er notað yfir allt
mögulegt og ekki endilega á rétt-
an hátt.“
Hildur segir fólk úr öllum geir-
um sækja námið. „Inngönguskil-
yrðið er háskólagráða og einhver
starfsreynsla. Þarna var fólk úr
bankageiranum, tæknigeiran-
um og heilbrigðis- og lyfjageir-
anum svo dæmi séu nefnd. Það er
mikið lagt upp úr hópavinnu og
fólk kynnist vel svo maður græð-
ir heilmikið tengslanet í leiðinni,“
segir Hildur. Nemendur skila
lokaverkefnum sínum í formi
tímaritsgreinar og er Hildur ein
þeirra sem hafa fengið grein sína
birta í alþjóðlegu ritrýndu tíma-
riti. „Verkefnið fjallar um siðferði-
legar hliðar á verkefnastjórnun og
birtist í International Journal of
Project Management. Það hefur
ekki verið skrifað mikið um þessi
mál og þar sem verkefnastjórnun
er tiltölulega ung fræðigrein er
tekið vel á móti nýrri þekkingu.“
Nýtist vel í starfi
MPM nám, sem Hildur Helgadóttir, innlagnastjóri á Landspítalanum, lauk árið 2007,
hefur hjálpað henni að ná árangri í starfi sem og einkalífi.
Hrefna Haraldsdóttir starfar sem hópstjóri í skráningar-deild hjá Actavis. Hún lauk
MPM námi árið 2009 og segir það
hafa aukið atvinnumöguleika sína
svo um munar. „Ég er með BS í líf-
fræði og starfaði á rannsóknarstofu
áður en ég fór í námið. Mig langaði
í frekara nám en vildi opna starfs-
möguleikana í stað þess að sér-
hæfa mig frekar í líffræðinni. Ég
rak augun í þetta nám og ákvað að
slá til.“
Hrefna segir námið hafa víkk-
að sjóndeildarhring sinn en fyrir
var hún að eigin sögn föst í boxi
raunvísindanna. „Hluti námsins
er fræðilegur en stór hluti snýst
um mannleg samskipti sem skiptir
ekki síður máli enda erfitt að koma
nokkru verkefni í framkvæmd án
færni á því sviði.“ Hrefna segir
námið vel skipulagt og fyrirlesar-
ana frábæra. „Samnemendurn-
ir voru ekki síðri. Þarna var mikið
af hæfu og góðu fólki úr ólíkum at-
vinnugeirum sem margir voru með
áratuga reynslu. Ég fór í þetta frek-
ar ung og lærði ekki síður mikið af
þeim.“
Hrefna skilaði lokaverkefni í
formi tímaritsgreinar. Greinin ber
yfirskriftina Community referrals
– Opportunities for improvements
og var birt í Journal of Generic Me-
dicine. „Efnistökin eru nokkuð sér-
hæfð og tengjast núverandi starfi
hjá Actavis en það var vissulega
gaman að fá hana birta.“
Námið opnaði
atvinnumöguleikana
Hrefna Haraldsdóttir hópstjóri hjá Actavis fór í MPM-nám til að auka atvinnumöguleika sína.
Hrefna fór í MPM-nám í stað þess að sérhæfa sig í líffræði sem hún tók til BS prófs. MYND/GVA