Fréttablaðið - 09.02.2012, Blaðsíða 6

9. febrúar 2012 FIMMTUDAGUR6
IÐNAÐUR „Þetta getur orðið gíf-
urleg innspýting í kerfið,“ segir
Einar Valur Kristinsson, fram-
kvæmdastjóri Hraðfrystihúss-
ins Gunnvarar sem hefur kynnt
áform um sjö þúsund tonna
sjókvíaeldi á nokkrum stöðum í
Ísafjarðardjúpi.
Áætlanir Gunnvarar ná til
þriggja sveitarfélaga: Ísafjarð-
arbæjar, Súðavíkurhrepps og
Strandabyggðar. Almennt virð-
ist viðhorfið jákvætt til málsins
þótt því hafi engu að síður verið
vísað í umhverfismat.
Gunnvör hefur hingað til verið
á þremur stöðum í Djúpinu, mest
í Súðavíkurhreppi: Í Álftafirði,
Seyðisfirði og Skötufirði. Einar
segir að þótt fyrirtækið hafi nú
þegar leyfi til eldis á tvö þúsund
tonnum af þorski hafi eins árs
framleiðsla mest náð eitt þúsund
tonnum. Með því að fá heimild til
að framleiða allt að sjö þúsund
tonnum á útvíkkuðu starfssvæði
má segja að stefnt sé að því að
sjöfalda framleiðsluna.
Að sögn Einars hefur þróun-
in í tilraunaeldi á þorski sem
staðið hafi í tíu ár gengið hægar
en menn væntu. Því vilji menn
styrkja eldisþátt fyrirtækisins
með eldi á laxi og regnbogasil-
ungi sem sé einfaldari fram-
leiðsla. „Það er allt þekkt í því
varðandi sjúkdóma og varnir en
það er svolítið í land með þorsk-
inn,“ segir hann.
Að sögn Einars hafa hátt í þrjá-
tíu manns þegar lífsviðurværi
sitt af þorskeldinu. Fyrirtækið
hafi allar forsendur til að færa
út kvíarnar. „Við erum með eldis-
búnaðinn, fólkið, skipin og slátur-
hús þannig að við erum með alla
grunngerðina,“ segir hann.
Jón Gísli Jónsson, oddviti í
Strandabyggð, segir að sér lítist
mjög vel á fyrirætlanir Gunn-
varar. Í Strandabyggð er ætlun-
in að vera með kvíar við Naut-
eyri, innst í Ísafjarðardjúpi. Í
bókun Strandamanna er vísað til
umfangs málsins og hugsanlegra
áhrifa á laxveiðiár á svæðinu. Því
þyki rétt að gert sé umhverfismat.
„Veiðimenn óttast að fiskur sleppi
og fari upp í árnar,“ segir Jón.
Einar Valur segir hins vegar að
í áætlunum Gunnvarar sé að öllu
leyti farið eftir lögum og reglum.
„Allar fjarlægðir og slíkt er
innan allra marka,“ segir fram-
kvæmdastjóri Gunnvarar.
gar@frettabladid.is
Veiðimenn óttast að
fiskur sleppi og fari
upp í árnar.
JÓN GÍSLI JÓNSSON
ODDVITI Í STRANDABYGGÐ
Vilja sjöfalda fiskeldi
sitt í Ísafjarðardjúpi
Hraðfrystihúsið Gunnvör hyggst koma á fót samtals sjö þúsund tonna fiskeldi á
nokkrum stöðum í Ísafjarðardjúpi. Hingað til hefur Gunnvör mest náð að fram-
leiða eitt þúsund tonn af þorski á ári. Bæta á við laxi og regnbogasilungi.
SLÁTURTÍÐ HJÁ GUNNVÖRU Þorskeldi hefur verið stundað í nokkrum innfjörðum
Ísafjarðardjúps í tíu ár. Nú vilja menn víkka út með eldi á regnbogasilungi og laxi.
MYND/VALDIMAR INGI GUNNARSSON
Lesa skal vandlega leiðbeiningar á umbúðum og fylgiseðli.
Nicotinell lyfjatyggigúmmí inniheldur 2 mg eða 4 mg nikótín (nikótínpólacrillín). Nicotinell lyfjatyggigúmmí er notað til að draga úr nikótínþörf og
fráhvarfseinkennum nikótíns hjá einstaklingum sem eru háðir nikótíni. Þannig getur það auðveldað reykingafólki sem vill hætta að reykja að hætta
eða að draga úr reykingum. Ekki má nota fleiri en 25 stk. 2 mg lyfjatyggigúmmí eða meira en 15 stk. 4 mg lyfjatyggigúmmí á sólarhring. Ef þú ert
með ofnæmi fyrir nikótíni eða einhverju öðrum innihaldsefnum eða reykir ekki má ekki nota Nicotinell lyfjatyggigúmmí. Ráðfærðu þig við lækninn
eða lyfjafræðing ef þú hefur nýlega fengið hjartabilun eða hjartastopp - ert með hjartasjúkdóma, of háan blóðþrýsting, sykursýki, ofvirkan
skjaldkirtil, ofvirkar nýrnahettur, alvarlega skerta nýrna- og/eða lifrarstarfsemi eða magasár. Ef þú ert barnshafandi eða með barn á brjósti máttu
einungis nota lyfið í samráði við lækni. Lyfið er ekki ætlað börnum yngri en 18 ára nema í samráði við lækni. Geymið þar sem börn hvorki ná til né
sjá. Markaðsleyfishafi: Novartis Healthcare. Umboð á Íslandi: Artasan ehf., Suðurhraun 12a, 210 Garðabæ.
20%
afslátturGildir einungis í verslunum Lyfja & heilsu
KEMUR HEILSUNNI Í LAG
20% AFSLÁTTUR
1.FEB-29. FEB
EFNAHAGSMÁL Lán til heimila höfðu
verið færð niður um samtals 196,4
milljarða króna frá hruni hjá
íslenskum fjármálafyrirtækjum
í lok árs 2011. Þetta kemur fram í
tölum sem Samtök fjármálafyrir-
tækja hafa safnað saman. Til sam-
anburðar höfðu lán verið færð niður
um 172,6 milljarða í lok september.
Í þessum tölum eru tekin saman
öll fjármálafyrirtæki á lánamark-
aði auk Íbúðalánasjóðs og lífeyris-
sjóðanna en taka ber fram að tölur
frá lífeyrissjóðunum miðast við
lok september.
Í tölunum kemur fram að alls
bárust 16.475 umsóknir um hina
svokölluðu 110% leið stjórnvalda.
Vinna við afgreiðslu þeirra er
langt komin en um áramótin höfðu
15.589 umsóknir verið afgreiddar.
Niðurfærsla vegna 110% leiðar-
innar nam um áramótin samtals
43,6 milljörðum króna frá árs-
byrjun 2009.
Þá bárust 1.329 umsóknir um
sértæka skuldaaðlögun og var
búið að afgreiða 903 þeirra um
áramótin. Samþykktar umsóknir
voru 824 og heildarniðurfærsla
hefur numið 6,2 milljörðum króna.
Meirihluti heildarniðurfærslu
lána er hins vegar vegna endur-
útreikninga á gengistryggðum
lánum sem dæmd hafa verið ólög-
mæt. Höfðu fjármálafyrirtækin
lokið endurútreikningi rúmlega
70 þúsund gengistryggðra lána
um áramót, þar af 13 þúsund fast-
eignalána og 57 þúsund bílalána.
Heildarniðurfærsla vegna þessara
lána er 146,5 milljarðar króna en
enn á eftir að endurreikna um 340
lán, þar af 208 vegna fasteigna.
- mþl
Samtök fjármálafyrirtækja birta uppfærðar tölur um niðurfærslu á lánum til heimila:
Lán heimila verið færð niður um 196,4 milljarða
HEIMILI Lán til heimila voru færð niður
um 23,8 milljarða króna í október,
nóvember og desember.
FRÉTTABLAÐIÐ/VILHELM
EVRÓPUMÁL Utanríkismálanefnd
Evrópuþingsins leggur áherslu
á að Icesave-deilan hafi ekki nei-
kvæð áhrif á aðildarviðræður
Íslands og ESB. Þá fagnar nefnd-
in viðleitni íslenskra stjórnvalda
til lausnar deilunni.
Þetta kemur fram í tillögu að
ályktun sem verður lögð fyrir
allsherjarfund þingsins um miðj-
an mars vegna stöðuskýrslu
umsóknarferlis Íslands að ESB
fyrir árið 2011.
Í tillögunni, sem var samþykkt
í nefndinni fyrr í vikunni, er
drepið á helstu álitamál, meðal
annars að ekki sé eining um aðild-
arferlið innan ríkisstjórnar, þings
og flokka og lýst er yfir ánægju
með að vilji meirihluta Íslendinga
sé að halda áfram aðildarviðræð-
unum.
Íslendingar eru einnig hvatt-
ir til að efla undirbúning að því
að geta tekið upp lagabálk ESB
þegar til aðildar kemur og hvatt
er til uppbyggilegra viðræðna
um sjávarútvegsmál, þar á meðal
makrílveiðar og hvalveiðar.
Nefndin tekur einnig fram að
aðild Íslands muni efla verulega
stöðu ESB í málefnum sem tengj-
ast norðurslóðum.
Tillagan verður rædd á alls-
herjarfundi þingsins í næsta mán-
uði, eins og áður sagði, en við þá
meðferð gæti ályktunin tekið
frekari breytingum. - þj
Utanríkismálanefnd Evrópuþingsins um stöðuskýrslu aðildarviðræðna Íslands:
Icesave spilli ekki viðræðunum
ICESAVE SKAÐI EKKI Utanríkismálanefnd Evrópuþingsins hefur lagt fram tillögu að
ályktun um stöðu aðildarviðræðnanna við Ísland.
Telur þú að ný stjórnmálaöfl
muni njóta mikils fylgis í næstu
alþingiskosningum?
JÁ 49%
NEI 51%
SPURNING DAGSINS Í DAG:
Á Ísland að draga sig úr Euro-
vision-keppninni í Aserbaíd-
sjan?
Segðu skoðun þína á Visir.is.
KJÖRKASSINN