Fréttablaðið - 09.02.2012, Blaðsíða 8

9. febrúar 2012 FIMMTUDAGUR
Náttúrulegar vítamínblöndur
unnar úr heilum ávöxtum
fyrir börn
Fjölbreytt bætiefnalína
20% afsláttur
2.-12.febrúar
við hlustum!
SÝRLAND, AP Evrópusambandið
hyggst herða refsiaðgerðir gegn
Sýrlandi. Rússar reyna hins vegar
að koma á sáttaviðræðum milli
varaforseta landsins og uppreisn-
armanna.
Harðar loftárásir stjórnarhers-
ins á borgina Homs héldu áfram í
gær og kostuðu tugi manns lífið,
að sögn uppreisnarmanna sem
hafa komið sér upp hersveitum,
að hluta skipuðum liðhlaupum úr
stjórnarhernum.
„Í beggja röðum eru menn sem
stefna að vopnuðum átökum, ekki
samræðum,“ sagði Sergei Lavrov,
utanríkisráðherra Rússlands, sem
hitti Bashar al-Assad Sýrlandsfor-
seta í Damaskus á þriðjudag.
Lavrov sagði bæði stjórnvöld og
uppreisnarmenn eiga sök á átök-
unum, sem samkvæmt samantekt
Sameinuðu þjóðanna hafa kostað
hátt á sjötta þúsund manns lífið
undanfarna mánuði.
Lavrov var kominn aftur til
Moskvu í gær og sagði þar að
Farouk al-Sharra, varaforseti
Sýrlands, hafi fengið það hlutverk
að ræða við fulltrúa uppreisnar-
manna, ef rússneskum stjórnvöld-
um tekst að koma á slíkum við-
ræðum.
Bandaríkin og fleiri Vesturlönd
hafa harðlega gagnrýnt ákvörð-
un Rússa og Kínverja um að beita
neitunarvaldi í Öryggisráði Sam-
einuðu þjóðanna fyrr í vikunni,
þegar þar var til afgreiðslu álykt-
un sem beint var gegn Assad for-
seta og stjórn hans.
Vladimír Pútín, forsætis-
ráðherra Rússlands, sagði hins
vegar í gær að utanaðkomandi
öfl eigi að láta Sýrlendinga um að
leysa ágreininginn sín á milli, án
afskipta annarra.
„Við eigum ekki að haga okkur
eins og naut í postulínsbúð,“ sagði
Pútín.
Embættismenn Evrópusam-
bandsins segja hins vegar að nýju
refsiaðgerðirnar eigi að veikja
stöðu Sýrlandsstjórnar. Til greina
komi að banna flug milli Sýrlands
og Evrópuríkja og banna viðskipti
við Seðlabanka Sýrlands.
Navi Pillay, mannréttinda-
fulltrúi Sameinuðu þjóðanna,
hvatti þjóðir heims til að grípa
strax til aðgerða til að stöðva blóð-
baðið í Sýrlandi.
Ástandið er langverst í Homs,
sem er þriðja stærsta borg lands-
ins. Þar hafa uppreisnarmenn
verið einna öflugastir allt frá því
mótmælin gegn Assad og stjórn
hans hófust snemma á síðasta ári.
gudsteinn@frettabladid.is
Í beggja röðum eru
menn sem stefna
að vopnuðum átökum, ekki
samræðum.
SERGEI LAVROV
UTANRÍKISRÁÐHERRA RÚSSLANDS
Klaki fræstur af götunum
Nýjar aðferðir voru á þriðjudag not-
aðar til að losa mikinn klaka af götum
á Ólafsfirði. Að því er segir á síðunni
625.is reyndist vel að fræsa upp
klakann áður en honum var ýtt burt
með veghefli.
ÓLAFSFJÖRÐUR
AKUREYRI Bæjarstjórn Akureyrar
vill að framkvæmdir við Vaðla-
heiðargöng hefjist hið fyrsta.
Bókun þess efnis var samþykkt
samhljóða á þriðjudag.
Í bókuninni segir að göng-
in auki umferðaröryggi og efli
atvinnulíf. Bæjarstjórnin vill
koma að aukningu hlutafjár í
samstarfi við aðra hluthafa og
skorar á Alþingi að ljúka málinu
sem fyrst svo hægt verði að hefj-
ast handa við framkvæmdina. - sv
Samhljóða bókun um göng:
Bæjarstjórn vill
göng sem fyrst
ESB undirbýr
refsiaðgerðir
gegn Sýrlandi
Rússar vilja reyna að koma á viðræðum milli
stjórnar og uppreisnarmanna í Sýrlandi. Nýjar
refsiaðgerðir gegn Sýrlandsstjórn eru í smíðum.
ÚTFÖR Í IDLIB Á hverjum degi eru borin til grafar karlar, konur og börn sem látist
hafa af völdum árása stjórnarhersins. FRÉTTABLAÐIÐ/AP
AKUREYRI Mikil andstaða virðist
vera meðal Akureyringa við deili-
skipulag sem nú liggur fyrir um
Drottningarbrautarreitinn svo-
kallaða. Akureyrarbæ voru í gær
afhentar um 2.000 undirskriftir
þar sem skipulaginu er mótmælt.
Í tillögu Akureyrarbæjar er gert
ráð fyrir blandaðri byggð íbúða,
verslunar, þjónustu og stofnana. Á
heimasíðu Akureyrarbæjar segir
að nýjar íbúðir verði meðfram
Drottningarbraut og við Hafnar-
stræti, en einnig sé gert ráð fyrir
hótelbyggingu syðst á reitnum og
nýrri aðkomugötu, húsagötu, sam-
síða Drottningarbraut.
Drottningarbrautarreiturinn
afmarkast af Drottningarbraut í
austri, Kaupvangsstræti í norðri,
lóð Akureyrarkirkju og Eyrar-
landsvegi í vestri og lóðarmörkum
Hafnarstrætis 65 og Austurbrú í
suðri.
Í tilkynningu frá mótmælenda-
hópnum segir að skipulagið hafi
það í för með sér að mörg elstu og
sögufrægustu hús bæjarins sem
hafa átt sinn sess í bæjarmyndinni
um árabil hverfi á bak við nýbygg-
ingar.
„Bæjarráð Akureyrar virðist
ætla að fórna þessari fallegu bæj-
armynd fyrir skammtímahags-
muni og án þess að vega og meta
hin sögulegu verðmæti sem eru í
húfi til fulls, en þessar skipulags-
hugmyndir eru algjörlega úr takti
við vilja bæjarbúa.“
- sv
Um 2.000 undirskriftir afhentar þar sem nýju deiliskipulagi er mótmælt:
Akureyringar ósáttir við tillögu
Þessar skipulagshug-
myndir eru algjörlega
úr takti við vilja bæjarbúa.
ÚR YFIRLÝSINGU MÓTMÆLENDA