Fréttablaðið - 09.02.2012, Side 12

9. febrúar 2012 FIMMTUDAGUR12
Málþing um eflingu
sveitarstjórnarstigsins
Föstudaginn 10. febrúar 2012
í Háskólanum á Akureyri klukkan 11.00 til 15.30
Greint verður frá tillögum nefndar innanríkisráðu-
neytisins um eflingu sveitarstjórnarstigsins,
skýrt verður frá niðurstöðum könnunar HA
um viðhorf sveitarstjórnarmanna og alþingismanna
til eflingar sveitarfélaga og sveitarstjórnarmenn
ræða stöðu og áskoranir í starfi sveitarstjórna.
Málþingið er opið öllum sem áhuga hafa á
starfsemi sveitarfélaga.
TILBOÐ
á 1 lítra
Kókómjólk
Hugmyndir eru uppi hér á
landi um að koma á lagg-
irnar nýju samgöngukerfi
sem miðar að því að fjölga
valkostum í samgöngum og
draga úr þörf almennings á
að eiga marga bíla á hverju
heimili.
Um er að ræða svokallað skyndi-
bílakerfi þar sem hægt er að leigja
bíla til lengri eða skemmri tíma,
eftir nýstárlegum leiðum, en að
fyrirmynd sem er vel þekkt í Evr-
ópu.
Hópur íslenskra stórfyrirtækja,
sem hafa áhuga á að gera starfs-
fólki sínu kleift að nota slíka þjón-
ustu, fundar í dag með fulltrúum
frá bílaleigum, bílaumboðum og
olíufélögum um möguleikana á
aðkomu þeirra að slíku kerfi.
Meðal þeirra eru Landsbankinn,
Landsvirkjun, Orkuveita Reykja-
víkur, Alcoa og Reykjavíkurborg.
Kerfið gengur þannig fyrir sig
að viðskiptavinir kaupa sér aðgang
að þjónustunni og panta svo bíl til
leigu í gegnum vefinn. Þar er hægt
að tiltaka leigutíma og mögulega
akstursvegalengd.
Notendur fara svo að geymslu-
stæði þar sem bíllinn stendur,
opna bílinn annað hvort með lykil-
korti eða símaskilaboðum, og aka
svo af stað. Eftir notkun er bíln-
um svo skilað á sama stað, til reiðu
fyrir næsta viðskiptavin.
Samkvæmt útreikningum fyr-
irtækjanna sem standa að verk-
efninu er vel mögulegt að spara
mögulegum notendum talsverðar
upphæðir, enda má gera ráð fyrir
að kostnaður við rekstur smábíls
sé á bilinu ein til ein og hálf millj-
ón króna á ári.
Finnur Sveinsson, sérfræðingur
í samfélagslegri ábyrgð hjá Lands-
bankanum, er einn af forsprökk-
um þessa verkefnis og í samtali
við Fréttablaðið segist hann hafa
kynnst slíku kerfi er hann bjó
erlendis.
„Ég hugsaði með mér að gott
væri að koma upp sambærilegu
kerfi hér á landi, bæði til að draga
úr fjölda bifreiða á hverju heimili
og ekki síður til að fjölga valmögu-
leikum fólks í samgöngumálum.“
Möguleikar skyndibíla-
kerfis kannaðir hérlendis
Finnur tekur þó fram að þessar
hugmyndir séu ekki settar til höf-
uðs einkabílum.
„Þetta mun ekki endilega koma í
stað fyrsta bíls á heimili, en mögu-
lega í stað annars eða þriðja bíls.“
Fyrirtækin hugsa sér ekki að
reka verkefnið sjálf, heldur opna
augu bílaleiganna, bílaumboðanna
og olíufyrirtækjanna fyrir mögu-
leikunum sem í þessu felast.
„Hugmynd okkar er sú að ef við
getum komið þessu á laggirnar
fyrir okkar vinnustaði og okkar
starfsmenn sé ekkert því til fyr-
irstöðu að rekstraraðilarnir selji
öðrum aðgang að þessari þjón-
ustu.“
Ekki er enn ljóst hvort eða hve-
nær verkefnið gæti komið til fram-
kvæmda, en Finnur segir það
einmitt vera takmarkið með fund-
inum í dag að fá á hreint þarfir
hugsanlegra kaupenda og seljenda
og hvað þurfi til að hugmyndin geti
orðið að veruleika. Hann segist þó
vonast til þess að það verði sem
fyrst, en stærsti þátturinn verði
eflaust hversu fljótt rekstraraðil-
ar geti komið sér upp tæknibúnaði
til að starfrækja kerfið.
„Við höfum fundið fyrir áhuga
frá þessum aðilum, en næstu skref
í málinu munu vonandi skýrast á
þessum fundi.“
Fyrirtækin hafa fengið til sín
sérfræðing frá Svíþjóð, Mats-Ola
Larsson að nafni, sem hefur unnið
að innleiðslu sambærilegs skyndi-
bílakerfis hjá borgaryfirvöldum í
Gautaborg.
Larsson segir í samtali við
Fréttablaðið að þetta fyrirkomulag
eigi uppruna sinn að rekja til Sviss
og það hafi verið nokkuð vaxandi
í Svíþjóð síðustu tíu til fimmtán
árin.
„Núna er að finna um 600
skyndibíla í um 40 borgum og
bæjum í Svíþjóð. Það er að sjálf-
sögðu ekki mikið í samhengi við
þær fjórar milljónir bíla sem eru í
Svíþjóð, en síðustu ár hefur verið
stöðug aukning. Í Gautaborg í
fyrra voru um það bil 5.000 skráð-
ir notendur að slíkri þjónustu og
um 120 bílar, en nú eru notendur
um 7.000 talsins og um 170 bílar.“
Larsson segir bílaleigur koma
að rekstri skyndibílakerfa í Sví-
þjóð og það sé vaxandi þáttur í
þeirra rekstri á meðan hefðbund-
in bílaleiga standi í stað.
„Vöxturinn hefur ekki síst borist
manna á milli þar sem fólk þekk-
ir til einhvers sem hefur góða
reynslu af skyndibílum, og slær
því til.“
Kostirnir eru margir að sögn
Larssons.
„Það er auðveldara að leigja bíla
en að kaupa þá og þrátt fyrir að
aksturskostnaðurinn sé vissulega
hærri þá verður þetta frekar til
þess að fólk verði meðvitaðra um
kostnað við hverja ferð og leggi
ekki af stað að óþörfu.“
Ef gert er ráð fyrir að
rekstur smábíls kosti
um 1.100.000 króna
á ári má álykta að
fyrir sömu upphæð
stæði eftirtalið til
boða í skyndibíla-
kerfinu:
■ 510 stuttar
ökuferðir
■ 125 lengri
ökuferðir
■ 150 næturleigur
■ 60 helgarleigur
Hagræði skyndibíla
Þetta
mun ekki
endilega koma í
stað fyrsta bíls á
heimili, en mögu-
lega í stað annars
eða þriðja bíls.
FINNUR SVEINSSON
SÉRFRÆÐINGUR
HJÁ LANDSBANKANUM
Þorgils
Jónsson
thorgils@frettabladid.is
FRÉTTASKÝRING: Hugmyndir um nýja valmöguleika í samgöngumálum
Einfalt ferli
Einn af kostum skyndibílakerfisins þar sem það hefur verið tekið
í notkun er að það er ekki eins flókið og að leigja bíl eftir hefð-
bundnum leiðum. Notandinn pantar bílinn á netinu, sækir hann
sjálfur og skilar án þess að aðrir þurfi að koma að því. Þá er hægt
að leigja bílinn til skemmri tíma, til dæmis þegar þarf að reka stutt
erindi annars staðar í bænum.
1. 2. 3.
Stutt ferð
90 mín (8 km.)
2.250 kr.
Lengri ferð
4 klst. (150 km.)
9.200 kr.
Bíll yfi r
nótt
8 klst. (80 km.)
7.410 kr.
Bíll yfi r
helgi
56 klst. (300 km.)
21.770 kr.
Bíllinn pantaður í tölvu
Notandi skráir sig hjá skyndibílafyrirtæki. Hann getur svo pantað
sér bíla á netinu og tiltekur þar hvert hann hyggst sækja bílinn,
hversu lengi hann hefur bílinn á leigu hvenær hann hyggst
sækja bílinn og hversu langt hann hyggst keyra hann.
Bíllinn sóttur
Notandinn kemur að bílnum og opnar hann, mögulega með
lykilkorti frá leigufyrirtækinu, eða með því að senda skilaboð
með farsíma. Í bílnum losar hann svo lyklana og eldsneytiskort
með lykilnúmeri sem honum var sent og keyrir af stað.
Bílnum skilað
Eftir notkun er eldsneytistankur fylltur og bílnum skilað á sama
stað. Lyklum og eldsneytiskorti komið fyrir í bílnum, sem er
tilbúinn fyrir næsta notanda.