Fréttablaðið - 09.02.2012, Side 62

9. febrúar 2012 FIMMTUDAGUR50
MORGUNMATURINN
„Ekki meiri meðvirkni – við verð-
um að setja mörk þegar mannrétt-
indi eru brotin, halda eigin sjálfs-
virðingu og sýna fórnarlömbunum
samhug í verki,“ segir söngvarinn
Páll Óskar Hjálmtýsson í pistli
sem hann birti á Facebook í vik-
unni.
Páll Óskar hefur hvatt Pál
Magnússon útvarpsstjóra til
að afþakka þátttöku Íslands í
Eurovision í Bakú í maí, vegna
mannréttindabrota stjórnvalda
í Aserbaídsjan. Skiptar skoðanir
eru á meðal keppenda um málið,
þó enginn ætli að draga lag sitt úr
keppni. Úrslitin í undankeppninni
ráðast í Hörpu á laugardaginn.
Ingólfur Þórarinsson, sem
samdi lagið Stattu upp ásamt Axel
Árnasyni, segir þá félaga ekki
hafa rætt málið. „En eins og stað-
an er í dag býst ég ekki við neinu
öðru en að við myndum fara út
og gera okkar besta,“ segir hann.
„Það væri falleg hugsun að mót-
mæla og fara ekki, en ég held að
það myndi litlu breyta ef Ísland
segist ekki ætla að mæta.“
María Björk, einn af höfundum
lagsins Hjartað brennur, telur að
það þurfi meira til en að Ísland
dragi sig úr keppni. „Ég held
hins vegar að það verði hræðilegt
að standa á sviði úti vitandi um
þau mannréttindabrot sem eiga
sér stað þarna,“ segir hún. „Best
væri ef Norðurlöndin tækju sam-
eiginlega ákvörðun varðandi þetta
mál.“
Greta Salóme Stefánsdóttir, höf-
undur laganna Aldrei sleppir mér
og Mundu eftir mér, segir allt
of snemmt að segja til um hvort
Ísland eigi að hætta við þátttöku.
„Það eru allir í sama pakka að
einbeita sér að laugardeginum og
taka svo stöðuna aftur eftir það,“
segir hún. „Þetta eru alveg hræði-
legar fréttir. En það eru samt
mannréttindabrot framin út um
allt á hverjum einasta degi. Maður
er alltaf að kaupa vörur og svona,
það væri erfitt að sniðganga allt.“
Magnús Hávarðsson, höfund-
ur lagsins Hey, segir mannrétt-
indabrot af mörgum toga og að
hann geri ekki greinarmun á
þeim. „Okkar helstu átrúnaðar-
goð Bandaríkjamenn komast upp
með að pynta fólk og taka af lífi og
míga á lík óvina sinna. Ég hef ekki
séð tillögu um það að Íslendingar
slíti stjórnmálasambandi við þá,“
segir hann. „Íslendingar eiga að
læra að líta í eigin barm áður en
þeir ráðast að öðrum þjóðum með
gagnrýni og yfirlýsingum.“
Ekki náðist í Svein Rúnar Sig-
urðsson, höfund laganna Hugarró
og Stund með þér, við vinnslu
fréttarinnar. atlifannar@frettabladid.is
PÁLL ÓSKAR HJÁLMTÝSSON: BLÁFÁTÆKT FÓLK REKIÐ ÚT ÚR HREYSUM SÍNUM MEÐ VALDI
Enginn hefur ákveðið að draga
lag sitt úr undankeppni Eurovision
Í pistli sem Páll Óskar birti á Facebook fyrr í vikunni sagði hann borgaryfir-
völd í Bakú reka bláfátækt fólk með valdi út úr hreysum sínum og jafna svo
heimili þeirra við jörðu til að koma fyrir Kristalshöll og öðrum glæsihýsum
fyrir Eurovision-keppnina.
„Lokað er fyrir rafmagn, gas og vatn í íbúðunum ef fólk drullar sér ekki
þaðan út,“ skrifar Páll. „Hús þeirra eru ekki lengur til í opinberum skjölum.
Bæturnar sem fólkinu er boðið eru helmingi lægri en markaðsvirði eigna í
miðborginni, og nægja því aðeins fyrir lítilli íbúð fyrir utan borgina.“
PÁLL ÓSKAR VILL AÐ ÍSLAND TAKI EKKI ÞÁTT
KEPPENDUR HALDA SÍNU
STRIKI Enginn af höf-
undum laganna sem keppa
til úrslita í undankeppni
Eurovision á laugardaginn
hefur ákveðið að draga lag
sitt úr keppni. Páll Óskar
Hjálmtýsson vill að Ísland
taki ekki þátt vegna mann-
réttndabrota stjórnvalda í
Aserbaídsjan.
„Það verður mjög spennandi að spila
þarna,“ segir tónlistarkonan Jarþrúður
Karlsdóttir, Jara, sem hefur verið boðið
að spila í Pompidou, nýlistasafni Frakk-
lands og einu virtasta listasafni heims.
„Þetta er mikill heiður. Það er ekkert auð-
velt að komast þarna inn.“
Henni var boðið að halda tónleikana í
tilefni af frumsýningu heimildarmynd-
arinnar Sweet Viking eftir marokkósku
kvikmyndagerðarkonuna Sölmu Cheddadi
sem fjallar um Jöru og var tekin á 16mm
filmu á Íslandi síðasta sumar. Myndin er
30 mínútna löng og fylgir Jöru á ferðalagi
um landið þar sem hún veitir áhorfandan-
um innsýn í líf sitt og sögu eyjarinnar.
Sweet Viking verður frumsýnd á laug-
ardaginn á hátíðinni Hors Pistes 2012 sem
Pompidou stendur fyrir og tónleikarnir
verða strax að sýningu lokinni. Aðspurð
segist Jara hafa hitt Sölmu Cheddadi í
áramótapartíi í París. „Hún hafði sam-
band nokkrum mánuðum seinna og
vildi gera mynd um mig. Það var mjög
óvænt,“ segir Jara, sem var strax klár í
bátana. „Ég er alltaf til í að gera eitthvað
skemmtilegt og þetta hljómaði skemmti-
lega.“
Jara, sem flýgur til Parísar í dag, er
búin að sjá myndina og er ánægð með
útkomuna. „Hún lítur rosalega vel út.
Það er mjög skrítið að horfa á sjálfa sig
í mynd en fyrir utan það er þetta bara
skemmtilegt.“ - fb
Spilar í Pompidou-listasafninu
SPILAR Í POMPIDOU Jarþrúður Karlsdóttir í myndinni Sweet Vik-
ing. Hún spilar í franska listasafninu Pompidou á laugardaginn.
Opið laugard. kl. 10-14
2 fyrir 1
af lambasamlokum
í febrúar.
Nýbýlavegi 32 www.supersub.is
FRÉTTIR VIÐSKIPTI SPORT UMRÆÐAN LÍFIÐ SJÓNVARP
TAKTU VÍSI
Á HVERJUM
MORGNI!
Leikarinn Hilmar Guðjónsson fer
á Kvikmyndahátíðina í Berlín
um næstu helgi þar sem hann
tekur þátt í verkefninu Shooting
Stars á kvikmyndahátíðinni.
Hilmar er einn af tíu upprenn-
andi leikurum í Evrópu sem eru
boðaðir á viðburðinn og var hann
sérstaklega valinn vegna
frammistöðu sinnar
í bíómyndinni Á
annan veg undir
leikstjórn Hafsteins
Sigurðssonar. Hilmar
er einnig til-
nefndur til
Eddu-verð-
launanna
fyrir leik
sinn í
myndinni
en Á
annan
veg er
tilnefnd
til ellefu
verðlauna á
hátíðinni í ár.
Hljómsveitin Bítladrengirnir blíðu
sem spilar Bítlalögin á barnum
Obla-di-obla-da ætlar að heiðra
Gunnar Þórðarson á morgun.
Lítið hliðarherbergi er á staðnum
sem kallað er hvíta herbergið,
og þar verður silfurplatti með
nafni Gunnars hengt upp. „Hann
er hetjan okkar allra,“ segir
Bítladrengurinn Tómas Tómas-
son. Veggurinn þar sem plattinn
verður festur er svokallaður
„hall of fame“
veggur. Síðast
komst Andrea
Gylfadóttir
þangað upp en
hún hefur stigið
á svið með
Bítladrengj-
unum
undan-
farin ár,
rétt eins
og Gunni
Þórðar.
- áp, - fb
FÓLK Í FRÉTTUM
Það er alltaf annað hvort AB-
mjólk með múslí og banana-
bitum eða hafragrauturinn góði.
Síðan er kaffibolli ómissandi,
oftast cappuccino úr dásamlega
Zinzinio-heimakaffihúsinu mínu.
Erla Björg Káradóttir óperusöngkona.
„Ég elska Ísland. Þetta er í fyrsta sinn sem ég kem
hingað og þetta er mjög fallegt land,“ segir plötu-
snúðurinn DJ Slim sem kom til Akureyrar í gær
eftir sólarhringsferðalag frá Katar. „Ég gæti vel
hugsað mér að taka upp næsta tónlistarmyndband
mitt hérna.“
Slim hóf feril sinn sem rappari fyrir um tuttugu
árum og spilaði m.a. á tónleikum með Coolio í París.
Hann var á meðal fyrstu arabísku rapparanna til að
koma fram á sjónarsviðið en sagði á endanum skilið
við rappið.
Nokkrum árum síðar ákvað hann að gerast plötu-
snúður og hefur spilað house-tónlist af miklum
krafti undanfarin þrjú ár. „Ég nota nýja tækni
þar sem ég endurhljóðblanda og sem nýja tónlist
á meðan ég er að spila,“ segir Slim sem notast við
Midi-græjur í fagi sínu.
Slim, sem er fæddur í Túnis, starfar við þrívídd-
argerð á sjónvarpsstöð í Katar og hefur Fréttablað-
ið heimildir fyrir því að hann ætli að taka upp efni
fyrir stöðina um næturlífið á Íslandi. Hann vildi
ekkert tala um dagvinnuna sína við blaðamann
heldur miklu frekar um plötusnúðaferilinn. Hann
spilar þrívegis hér á landi, eða á Akureyri í kvöld
og annað kvöld og á 800 Bar á Selfossi á laugardags-
kvöld.
Með honum á Akureyri spilar plötusnúðurinn
Birgir Rafn Ólason, sem flutti Slim til landsins. „Við
erum búnir að vinna tónlist saman í gegnum netið.
Ég hélt að þessi maður myndi aldrei samþykkja að
koma til Íslands nema fyrir stórar fúlgur fjár en
honum fannst það ekkert mál,“ segir Birgir og bætir
við: „Hann er að gera hluti sem enginn annar plötu-
snúður er að gera.“ - fb
Arabískur plötusnúður á Selfossi
KOMINN TIL ÍSLANDS DJ Slim spilar á þrennum tónleikum
hérlendis á næstunni.