Fréttablaðið - 25.02.2012, Blaðsíða 72

KYNNING − AUGLÝSINGFerðir LAUGARDAGUR 25. FEBRÚAR 20126
„Þetta tókst svo vel í fyrra að við ákváðum að endur-
taka leikinn,“ segir Helena Dejak hjá Nonni Travel á
Akureyri en ferðaskrifstofan býður upp á beint flug til Ljú-
bljana í Slóveníu frá Akureyri þann 26. júní næstkomandi.
„Flugvélin kemur hingað með 180 ferðamenn frá Sló-
veníu sem munu dvelja hér í sjö daga. Fólki á Norðurlandi
býðst þá sá frábæri kostur að fljúga beint frá Akureyri til
Slóveníu sama dag og dvelja þar í landi til 3. júlí.
Helena segir Íslendingana sem fóru til Slóveníu í fyrra
hafa verið ákaflega ánægða. „Þeir voru afar sáttir bæði
við hótelin, undirbúninginn, veðráttuna og allt það
sem landið hefur upp á að bjóða,“ segir Helena en
hægt er að velja um nokkrar mismunandi leiðir þegar
komið er til Slóveníu. „Fólk getur valið um að fara í
gönguferðir eða hjólaferðir í Júlíönsku Ölpunum, það
getur kosið að spila golf við Bled-vatn eða ákveðið
að dvelja í góðu yfirlæti á Portorož ströndinni við
Adríahafið sem margir Íslendingar hafa heimsótt. Þar
er margt hægt að gera sér til afþreyingar, til dæmis að
fara í skoðunarferð til Feneyja í báti. Þeir sem vilja geta
einnig leigt sér bíl og farið á eigin vegum um landið,“
segir Helena en flestar ferðirnar enda þó með dvöl í
Ljúbljana, höfuðborg Slóveníu.
Helena hefur unnið ötullega að því að kynna Norður-
land fyrir umheiminum. Hún segir það mikla vinnu
en það mjakist þó. „Við verðum öll að vinna að þessu
verkefni saman,“ segir hún og hvetur Norðlendinga og
raunar alla landsmenn til þess að nýta þau tækifæri
sem þó gefast til að fljúga beint frá Akureyrarflugvelli.
„Margir hafa óskað eftir því að meira sé flogið frá Akur-
eyri en þá verður fólk líka að grípa tækifærin þegar þau
gefast,“ segir Helena með áherslu. Hún segir allt eins
líklegt að framhald verði á Slóveníuferðum næstu árin
ef vel tekst til í ár.
Býður beint flug til Slóveníu
Ferðavefsíðan Travel + Leisure á travelandleisure.com gerði nýlega
könnun á því á netinu hvaða borg í Bandaríkjunum þykir sú rudda-
legasta. Í könnuninni, sem er gerð árlega, fá lesendur að raða 35 borg-
um eftir ýmsum flokkum, til dæmis hvar besta pítsan fæst, hvar er
að finna bestu göturnar fyrir gangandi fólk, já og hvar ruddalegustu
íbúarnir eru.
Keppnin var hörð en á endanum stóð uppi sem „sigurvegari“ sem
ruddalegasta borgin, stórborgin New York. Aðrar borgir sem þóttu
með þeim ruddalegri voru Los Angeles, Boston og Washington DC.
Þegar litið var á efstu tuttugu borgirnar kemur í ljós ákveðið mynst-
ur. Eftir því sem borgin er stærri, því líklegra er að hún sé talin vera
ruddaleg enda á fólk í stórborgum það til að vera mjög beinskeytt.
Hraðinn í minni borgum er hins vegar minni sem gæti útskýrt af
hverju suðlægu borgirnar New Orleans, Savannah og Charleston voru
meðal fimm efstu borga á lista yfir vinalegustu borgir Bandaríkjanna.
New York þykir
ruddalegasta borgin
Hraðinn í stórborginni New York er mikill og íbúar þar þykja beinskeyttir og jafnvel
ókurteisir.
Þar sem margt er að sjá og skoða í Rómarborg er gott að undirbúa dagana vel.
Ákveða fyrirfram hvað eigi að
skoða og í hvaða röð. Eftir göngu-
ferðir um borgina fyrstu dagana er
nauðsynlegt að bregða sér á aðra
staði. Á f lestum hótelum í Róm
liggja bæklingar í hillum um rútu-
ferðir til spennandi staða. Hægt
er að velja um dagsferð, tveggja
eða þriggja daga ferð. Farþegar
eru sóttir á hótelið brottfaradag
og skilað þangað aftur að ferðinni
lokinni.
Vel er hægt að ákveða slíkt
ferðalag þegar á staðinn er komið.
Miklu betra er að vera skipulagð-
ur og ákveða rútuferðina fyrirfram.
Hægt er að kynna sér slíkar ferðir á
netinu og panta séu menn ákveðn-
ir að ferðast. Enskumælandi leið-
sögumaður er með í ferðinni.
Ógleymanlegt ævintýri
Dæmi um ferð er tveggja daga
ferð til Napólí, Pompei, Sorrento
og eyjunnar undurfögru Capri
sem er ógleymanleg. Ekið er frá
Róm snemma morguns til Napólí
þar sem ferðamönnum gefst kost-
ur á að skoða borgina. Þaðan ligg-
ur leiðin til hinnar sögufrægu
Pompei sem eyðilagðist og grófst
undir ösku þegar eldgos varð í
fjallinu Vesúvíusi árið 79. Borg-
in er á heimsminjaskrá UNESCO.
Árið 1748 var byrjað að grafa borg-
ina upp og hefur hún varðveist
ótrúlega vel.
Frá Pompei er ekið til Sorrento,
þorpsins sem hangir í klettunum
við Napólíflóann. Sorrento stendur
á afar fallegum stað og gríðarlega
fallegt útsýni er þaðan. Sítrónutré
vaxa vel í Sorrento og boðið er upp
á Limoncello-sítrónulíkjör á hverju
götuhorni.
Hin fræga Capri
Morguninn eftir er siglt til hinnar
undurfögru Capri. Þar er boðið upp
á bátsferð í Blue Grotto sem eyjan er
fræg fyrir. Siglt er á litlum báti inn
um agnarsmátt hellisop en þar fyrir
innan blasir við stór hellir og fagur-
blár sjórinn. Á þeirri stundu syngur
ræðarinn óperuaríu svo undir tekur
í hellinum. Að þeirri ferð lokinni
er farið í gönguferð um eyjuna og
tími gefst til að setjast á útikaffi-
hús þar sem frægar kvikmyndir
hafa verið teknar, m.a. með Sophiu
Loren og Clark Gable. Fræga fólk-
ið sækir til Capri og þar er hægt að
rekast á heimsfrægar kvikmynda-
stjörnur. Eftir dagsferð um Capri er
haldið aftur til Sorrento og þaðan
til Rómar. Svona ferð kostar rúmar
fjörutíu þúsund krónur og er hverr-
ar krónu virði. Þeir sem ákveða
sumarfríið snemma geta gert góð
kaup á flugi til London og þaðan til
Rómar með hinum ýmsu lággjalda-
flugfélögum.
Í rútu um sögu fræga staði frá Róm
Þeir sem hyggjast ferðast til Rómar í sumarfríinu ættu að nýta ferðina og taka tveggja eða þriggja daga rútuferð á sögufræga staði í leiðinni. Gott er að
skipuleggja Rómarferð vel áður en lagt er af stað.
Hin undurfagra Capri er ógleymanleg öllum þeim sem þangað koma.Hið fræga kaffihúsatorg, Piazzetta, á Capri.
Sími: 461 1841 - www.nonnitravel.is
Beint flug frá Akureyri til Ljubljana 26.6 - 3.7
Ferðir í boði: Portoroz - Slóvenía & Króatía - Gönguferð - Hjólreiðaferð
NAFLI ALHEIMSINS?
7 nætur / 8 dagar - íslensk fararstjórn
Verð frá kr. 158.500 (skattar innifaldir)
Sumar 2012