Fréttablaðið - 10.03.2012, Blaðsíða 102
10. mars 2012 LAUGARDAGUR70
PERSÓNAN
Nafn: Elsa Nielsen
Starf: Grafískur hönnuður
Aldur: 37 ára
Búseta: Seltjarnarnes
Foreldrar: Anna Harðardóttir
aðstoðarleikskólastjóri og Kjartan
Nielsen kerfisfræðingur.
Fjölskylda: Gift Páli Ásgeiri Guð-
mundssyni og á þrjú börn.
Stjörnumerki: Krabbi.
Elsa er grafískur hönnuður og
hannaði klukkuna Lukku ásamt Þor-
björgu Helgu Ólafsdóttur.
„Þetta er auðvitað svekkjandi
en ég er ekki þannig týpa að ég
svekki mig á hlutum sem ég get
ekki breytt,“ segir fyrirsætan Kol-
finna Kristófersdóttir sem missti
af tískuvikunni í París vegna þess
að hún tognaði á fæti.
Kolfinna er nú komin heim til
Íslands þar sem hún hvílir fótinn
samkvæmt fyrirmælum frá lækni.
Ástæðan fyrir tognuninni ku vera
mikið álag en Kolfinna þurfti að
klæðast himinháum hælum í flest-
um sýningum á tískuvikunni. „Ég
byrjaði að finna til í London því að
skórnir sem við fengum voru fárán-
legar háir og óþægilegir. Ég hélt
samt áfram og fór til Mílanó þar
sem ég hitti hönnuði og vann oft
alla nóttina. Þegar ég var svo á leið-
inni til Parísar versnaði þetta svo
mikið að ég þurfti að leita til læknis
sem sagði mér að hvíla í allavega
tvær vikur,“ segir Kolfinna sem
nýtur þess núna að slappa af á
Íslandi með vinum og fjölskyldu.
Kolfinna, sem er á mála hjá
Eskimo, hefur heldur betur sleg-
ið í gegn í fyrirsætuheiminum en
hún hefur gengið tískupallana fyrir
hönnuði á borð við Marc Jacobs,
Karl Lagerfeld og Donatellu Ver-
sace á tískuvikunum. Einnig var
Kolfinna valin flottasta fyrirsæta
tískuvikunnar í London af lesend-
um Style.com.
„Þetta er búið að vera mikil törn
og mér fannst geðveikt að hitta og
vinna með Karl Lagerfeld og Dona-
tellu Versace,“ segir Kolfinna og
viðurkennir að það hafi fyrst verið
stressandi að ganga tískupallana og
vera mynduð bak og fyrir af heims-
pressunni. „Ég var rosa stressuð
fyrst í New York en svo vandist
þetta. Ég fæ samt fiðrildi í magann
fyrir hverja sýningu en það er bara
skemmtilegt,“ segir Kolfinna sem
heldur aftur út á vit ævintýranna í
næstu viku. - áp
Missti af tískuvikunni í París sökum meiðsla
SVEKKJANDI Heitasta fyrirsæta landsins,
Kolfinna Kristófersdóttir, missti af
tískuvikunni í París er hún tognaði á fæti
en hún hvílir sig nú á Íslandi.
Lifestream Bowel+
meltingarensímin tryggja betri meltingu,
meiri upptöku á næringaefnum.
Lagar uppþembu og verki í maga og ristli.
Gott við Candida. Fljótvirkt.
Regluleg inntaka tryggir vellíðan.
Inniheldur:
Meltingarensím • HUSK trefjar
5 teg acidofilusgerla • Inulin FOS
probiotic og prebiotics.
Nútíma meðhöndlun á matvælum
eyðileggur ensímin í matnum því
skortir flesta meltingarensím.
lífræn bætiefni fyrir alla - heilsa til framtíðar
Fæst: Apótekum, heilsubúðum, Krónunni
og Nettó.
Bragðgott, 2 tsk á dag
Krassandi ævintýraleikrit
í leikstjórn Sigga Sigurjóns
MIÐASALA Á NETINU: LEIKFELAG.IS
NETFANG: MIDASALA@LEIKFELAG.IS
MIÐASÖLUSÍMI: 4 600 200
TRYGGÐU ÞÉR MIÐA STRAX
FRAMLEITT AF LEIKFÉLAGI AKUREYRAR Í SAMSTARFI VIÐ BORGARLEIKHÚSIÐ
Lau 10/3 kl.19 UPPSELT
Sun 11/3 kl.16 örfá sæti laus
Fim 15/3 kl.19 aukasýning
Fös 16/3 kl.19 örfá sæti laus
Lau 17/3 kl.19 UPPSELT
Sun 18/3 kl.16 ný sýning
Fös 23/3 kl.19 ný sýning
Lau 24/3 kl.19 ný sýning
Sjónvarpsþættirnir Game of Thro-
nes verða Evrópufrumsýndir á
Stöð 2 þann 2. apríl. Fyrsti þáttur-
inn verður því sýndur á sjónvarps-
stöðinni innan við sólarhring eftir
frumsýninguna á HBO í Banda-
ríkjunum.
Fyrsta þáttaröð Game of
Thrones sló í gegn er hún var sýnd
í fyrra og bíða því margir fullir
eftirvæntingar eftir framhaldi
þáttanna. Nýja þáttaröðin var að
hluta til tekin upp hér á landi síð-
asta haust og flutti Fréttablað-
ið meðal annars fréttir af því.
Að sögn Pálma Guðmundssonar,
framkvæmdastjóra dagskrár-
sviðs 365, þykir fréttnæmt að
sjónvarpsstöð á Íslandi skuli slá
öðrum evrópskum sjónvarpsstöðv-
um við í þessum málum, en í fyrra
var það sjónvarpsstöðin Sky sem
hlaut frumsýningarréttinn. Þátta-
röðin verður ekki sýnd í flestum
Evrópulöndum fyrr en í maí.
„Við óskuðum eftir því við HBO
að fá að sýna fyrsta þáttinn sól-
arhring á eftir frumsýningunni í
Bandaríkjunum og fengum það.
Það kann að vera að Íslands-
tengingin hafi liðkað aðeins til
fyrir okkur,“ segir Pálmi sem
fékk góðu fregnirnar á fimmtu-
daginn. Einhverjar tilfæringar
verða gerðar á dagskrá Stöðvar 2
í kjölfarið svo hægt verði að hefja
sýningar á Game of Thrones svo
snemma.
Pálmi kveðst afar ánægður
með fréttirnar enda sé þáttaröð-
in mjög vinsæl og eigi sér marga
aðdáendur hér á landi. „Ég er
sjálfur mikill aðdáandi þáttanna
og er mjög spenntur fyrir næstu
seríu. Það kitlar auðvitað líka að
fá að sjá Ísland á sjónvarpsskján-
um.“
Game of Thrones verða á dag-
skrá á mánudagskvöldum klukk-
an 21. - sm
Fyrstir með Game of Thrones
FRUMSÝNDIR Á ÍSLANDI Kit Harington
fer með hlutverk í Game of Thrones sem
voru að hluta til teknir upp á Íslandi.
FRÉTTABLAÐIÐ/VILHELM
„Við fáum útrás fyrir sköpunargáf-
una í gerð sjónvarpsefnis,“ segir
Sigmar Vilhjálmsson, annar hluti
tvíeykisins Simmi og Jói.
Margir ráku upp stór augu á
fimmtudagskvöld þegar þeir sáu
að félagarnir eru meðframleiðend-
ur þáttanna Andraland, sem hófu
göngu sína á RÚV á fimmtudags-
kvöld. Það á sér eðlilegar skýr-
ingar þar sem Simmi og Jói eiga
fjórðungshlut í Stórveldinu, sem
framleiðir Andraland ásamt fjöl-
mörgum öðrum þáttum.
„Hugi Halldórsson, félagi okkar
úr Popptíví, kom með þessa spenn-
andi hugmynd á sínum tíma,“
segir Simmi. Þeir Jói slógu til og
stofnuðu Stórveldið með honum.
Simmi segir þá vinina því hafa
komið heilmikið að framleiðslu
sjónvarpsþátta þótt þeir séu jafn-
framt áberandi í fjölmiðlum. Þeir
hafi framleitt marga þætti með
Stórveldinu, til dæmis Ameríska
drauminn með Audda, Sveppa,
Villa og Gillz, Mannasiði með
Gillz og matreiðsluþætti Rikku.
Auk framleiðslu sjónvarpsefn-
is og þáttarins Simma og Jóa á
Bylgjunni á laugardagsmorgnum
reka þeir Hamborgarafabrikkuna.
Simmi segir áhersluna á verk-
efni ráðast af þeim hugmyndum
sem þeir fái. „Við erum svo lán-
samir að geta valið okkur verk-
efni þar sem sköpunarkrafturinn
nýtur sín, bæði í Stórveldinu og á
Bylgjunni.“ Simma finnst vanta
frjóa skapandi fjölmiðlamenn í
sjónvarp og auglýsir eftir þeim
hér með.
SIGMAR VILHJÁLMSSON: VIÐ FÁUM ÚTRÁS FYRIR SKÖPUNARGÁFUNA
HAMBORGARAGREIFAR
FRAMLEIÐA SJÓNVARPSEFNI
SJÓNVARPSEFNI OG
HAMBORGARAR
Simmi og Jói eru meðframleiðendur Andra-
lands, sem var frumsýndur á RÚV á fimmtu-
daginn. Þeir eiga fjórðungshlut í Stórveldinu,
sem hefur framleitt fjölmarga þætti undan-
farið, t.d matreiðsluþátt Rikku.