Fréttablaðið - 10.03.2012, Blaðsíða 86

10. mars 2012 LAUGARDAGUR54
HVAÐ? HVENÆR? HVAR?
Laugardagur 10. mars 2012
➜ Tónleikar
15.00 Síðdegistónleikar verða haldnir
á Draugasetrinu á Stokkseyri í tengslum
við Folk Festival tónlistarhátíðina.
Hljómsveitirnar Kryss frá Danmörku,
Kvonn frá Færeyjum og South River
Band stíga á svið. Miðaverð er kr. 1.900.
➜ Listasmiðja
12.00 Þórey Mjallhvít sér um vatnslita-
smiðju fyrir börn á öllum aldri í tengslum
við sýninguna Sjáðu svarta rassinn minn
í kjallara Þjóðmenningarhússins. Enginn
aðgangseyrir og allir velkomnir.
➜ Sýningar
15.00 Sýningin Rætur - íslensk sam-
tímaskartgripahönnun verður opnuð í
Hafnarborg. Sýningin er unnin í sam-
starfi við Gullsmíðafélag Íslands og er
hluti af HönnunarMars 2012.
15.00 Ljósmyndasýning Einars Fals
Ingólfssonar opnar í Listasafni ASÍ. Á
sýningunni eru þrjár tengdar ljósmynda-
raðir. Aðgangur er ókeypis.
16.00 Sýningin Losun með verkum
eftir Gunnhildi Þórðardóttir verður
opnuð í sal Íslenskrar grafíkur. Verkin
eru unnin úr efnivið sem annars hefði
lent á Sorpu. Aðgangur er ókeypis.
16.00 Víðir Mýrmann opnar málverka-
sýningu í Reykjavík Art Gallery, Skúla-
götu 30. Léttar veitingar verða í boði og
óvænt uppákoma. Allir velkomnir.
17.00 Lilja Bragadóttir opnar sýn-
inguna Lilja - Á ferð og flugi í Listasal
Mosfellsbæjar. Allir eru velkomnir og
aðgangur er ókeypis.
➜ Leikrit
14.00 Möguleikhúsið sýnir barnaleik-
ritið Alli Nalli og tunglið í Menningar-
miðstöðinni Gerðubergi. Sýningin er
ætluð áhorfendum á aldrinum tveggja
til átta ára og tekur 45 mínútur í flutn-
ingi. Miðaverð er kr. 2.000.
➜ Málþing
11.00 Málþing um listir og menntum
til sjálfbærni verður haldið í Listasafni
Íslands við Fríkirkjuveg 7. Málþingið er
ætlað myndlistarkennurum og öðrum
áhugasömum sem vilja kynna sér verk
Rúríar og tengjast náminu í skólanum.
Allir velkomnir meðan húsrúm leyfir og
aðgangseyrir er enginn.
➜ Tónlist
11.00 Nótan, uppskeruhátíð tón-
listarskólanna verður haldin í sal FÍH
við Rauðagerði. Boðið verður upp á
svæðistónleika grunn- og miðdeildar-
nema tónlistarskólanna í Reykjavík og
að þeim loknum svæðistónleika fram-
haldsdeildarnema tónlistarskólanna í
Reykjavík.
20.00 Andrius Mamontovas frá Litháen
syngur og spilar eigin lög á tónleikum
í Salnum, Kópavogi. Andrius er einn
af stofnendum Foje, sem er þekktasta
rokkhljómsveit Litháens. Miðaverð er
kr. 3.000.
Myndlistarkonan Gunnhild-
ur Þórðardóttir fagnar 33 ára
afmæli sínu í dag með opnun
sýningarinnar Losun/Emission í
sal Íslenskrar grafíkur í Hafnar-
húsinu. Verk hennar eru öll unnin
úr verðmætum úr hennar eigin
umhverfi, sem hjá flestum öðrum
hefðu lent á haugunum. „Ég nota
meðal annars textíl, afskurð af
ýmsum toga og matarumbúðir.
Það er hægt að búa til fallega
hluti úr hlutum sem fólk hendir
umhugsunarlaust,“ segir Gunn-
hildur.
Á sýningunni eru veggverk,
innsetning og skúlptúrar, en þá
hefur Gunnhildur unnið ofan í
timburkössum utan af vínflösk-
um. „Þetta eru svona vínkass-
ar eins og hipparnir notuðu sem
bókahillur í gamla daga,“ útskýr-
ir Gunnhildur hlæjandi. „Á sýn-
ingunni eru verk úr mismunandi
hráefni, en það sem sameinar þau
eru grunnlitirnir og grunnformin
sem ég nota. Þau gera sýninguna
svolítið „happy“, því hún er svo
litrík.“
Á sýningunni verður barna-
horn, þar sem börnum er velkom-
ið að sitja og gera sín eigin lista-
verk úr endurvinnanlegu hráefni.
„Mér fannst þetta gráupplagt,
enda á ég sjálf þrjú lítil börn. Ég
vildi líka búa til umhverfi sem
væri svolítið kunnuglegt og heim-
ilislegt. Ég stilli til dæmis verk-
unum upp á húsgögn sem ég fann
á nytjamarkaði og lakkaði hvít.
Þannig verður stemningin ekki
alveg eins formleg, eins og oft er
á listasöfnum.“
Gengið er inn í sal Íslenskrar
grafíkur hafnarmegin í Hafnar-
húsinu. Sýningin hefst klukkan
16. - hhs
Opnar sýningu á afmælisdaginn
SÝNIR Í HAFNARHÚSINU Gunnhildur Þórðardóttir myndlistarkona situr fyrir framan
nokkur af verkum sínum sem verða á sýningunni Losun, sem opnar í sal Íslenskrar
grafíkur í Hafnarhúsinu í dag. FRÉTTABLAÐIÐ/STEFÁN