Fréttablaðið - 10.03.2012, Blaðsíða 2

10. mars 2012 LAUGARDAGUR2
SPURNING DAGSINS
JARÐVÁ Norskir sveitarstjórnar-
menn horfa til reynslu Íslendinga
af viðbúnaðar- og rýmingaráætl-
unum. Í kjölfar nýrrar skýrslu
norskra jarðfræðinga hefur vakn-
að á ný umræða í landinu um
hættuástand sem skapast getur
vegna bergskriðs. Bæði er horft til
hættunnar af skriðum yfir byggð
og flóðbylgjum sem myndast geta
þegar gríðarmagn af bergstáli
hrynur ofan í þröngan fjörð.
Í júní stendur til að Sveinn
Kristján Rúnarsson, yfirlögreglu-
þjónn á Hvolsvelli, og Víðir Reyn-
isson, deildarstjóri almannavarna-
deildar Ríkislögreglustjóra, fari
til Tromsø Kommune og aðstoði
við gerð rýmingaráætlana þar.
Þar snúa áhyggjur manna helst að
byggð í grennd við Lyngen-fjörð-
inn, austur af Tromsø.
Í vikunni kynnti Norska jarðvís-
indastofnunin (NGU) hins vegar
skýrslu um Storhaugen-berg-
ið í Manndalen í Norður Noregi
sem talið er að geti hrunið hvað
úr hverju. Sveitarstjórn Kåfjord
fundaði um málið á miðvikudags-
kvöld.
Þá fjölluðu fjölmiðlar í Noregi
nú í vikunni um hættuna á risa-
vaxinni flóðbylgju í Storfjorden,
skammt frá Álasundi, í vestur-
hluta landsins.
Þar er bergstál í stóru fjalli,
Åkneset, talið geta hrunið niður
í fjörðinn með litlum fyrirvara.
Bergið er um 54 milljónir rúm-
metra og gæti valdið 85 metra háa
flóðbylgju, að því er fram kom í
umfjöllun norska ríkisútvarpsins,
NRK.
Þar er reiknað með því að rýma
þurfi svæði þar sem búa 5 til 7 þús-
und manns. Vonir standa til þess
að allt að þriggja daga fyrirvari
verði áður en að hruni kemur, en
það gæti hvort heldur sem er orðið
á morgun eða eftir 20 ár.
Mælingar hafa að jafnaði sýnt
um 15 sentimetra skrið á berginu
síðustu ár. Síðustu ár hefur skriðið
hins vegar aukist og ekki stoppað
að vetri líkt og verið hefur.
Sveinn Kristján segir fyrirhug-
aða ferð þeirra Víðis til komna
vegna áhuga sveitarstjórnar-
mannsins Sveins Ludvigsen í
Tromsø. „Þeir komu hingað í
haust frá Tromsø til að kynna sér
rýmingar og hvernig að þessum
málum er staðið hér,“ segir Sveinn.
Þar er litið til þess hvernig til tókst
vegna eldgosa í Eyjafjallajökli og
svo Grímsvötnum, sem og til áætl-
ana sem til eru vegna Kötlugoss.
„Þeir vilja fræðast um hvern-
ig við nálgumst fólkið og læra að
fræða án þess að hræða,“ segir
Sveinn. olikr@frettabladid.is
Aðstoða Norðmenn
vegna hættuástands
Íslenskir sérfræðingar á sviði almannavarna og rýmingaráætlana aðstoða
Norðmenn vegna hættu sem þar er til staðar vegna berghruns í sjó. Þar gæti
þurft að forða fleiri þúsund manns vegna hruns og hættu á flóðbylgjum.
SÉÐ YFIR TROMSØ Langir mjóir firðir og há fjöll geta skapað hættu á nokkrum
stöðum í Noregi, bæði vegna hruns og svo vegna flóðbylgja sem geta myndast. Flóð-
bylgja í mjóum firði getur orðið margir tugir metra á hæð falli mörg þúsund tonn af
bergi í sjóinn. MYND/TROMSØ KOMMUNE
ÁLASUND Byggðarlög nærri Álasundi í
V-Noregi eru í hættu vegna yfirvofandi
berghruns. FRÉTTABLAÐIÐ/ÓKÁ
NEYTENDAMÁL Gosrisarnir Coca-
Cola og Pepsi ætla að breyta upp-
skriftunum að drykkjum sínum
til þess að þurfa ekki að setja við-
vörun á umbúðirnar. Fréttavefur
BBC greinir frá því að rannsókn-
ir á músum og rottum hafi leitt í
ljós að efnið 4-metylimidazol, sem
gefur drykkjunum lit, geti valdið
krabbameini. Bandaríska mat-
væla- og lyfjaeftirlitið segir að
drekka þurfi innihald úr eitt þús-
und dósum til þess að fá í sig sama
skammt og tilraunadýrunum var
gefinn. Í nýju uppskriftunum verð-
ur minna af fyrrgreindu efni. - ibs
Varasamt litarefni:
Kók og Pepsi
breyta upp-
skriftunum
FINNLAND Finnska lögreglan hefur
handtekið tíu karlmenn, þar á
meðal nokkra fjölskyldufeður,
vegna gruns um kynferðisbrot og
tilrauna til kynferðisbrots gegn
stúlkubörnum.
Talið er að mennirnir hafi frá
árinu 2009 haft samskipti við
hundruð stúlkna á aldrinum níu
til 15 ára á samskiptasíðum, sam-
kvæmt frásögn á vef Hufvud-
stadsbladet.
Karlarnir, sem villtu á sér
heimildir, greiddu stúlkunum
með smávegis af peningum,
áfengi eða sígarettum.
Hinir grunuðu, sem þekkjast
ekki, eru á aldrinum 20 til 46 ára.
Sumir þeirra hafa brotið gegn
sömu stúlkunum. - ibs
Fjölskyldufeður afhjúpaðir:
Kynferðisbrot
gegn stúlkum
LÖGREGLUMÁL Guðgeir Guðmunds-
son var í gær úrskurðaður í áfram-
haldandi gæsluvarðhald til 4. apríl.
Guðgeir stakk Skúla Eggert Sig-
urz, framkvæmdastjóra Lagastoð-
ar, og særði hann lífshættulega á
mánudaginn. Annar starfsmaður
lögmannsstofunnar særðist einnig
í árásinni. Guðgeir var upphaflega
úrskurðaður í gæsluvarðhald til
föstudags á grundvelli rannsókn-
arhagsmuna, en lögregla fór fram
á áframhaldandi varðhald á grund-
velli almannahagsmuna. Honum
er gert að sæta geðrannsókn. - sv
Árásarmaður áfram í haldi:
Gæsluvarðhald
framlengt í gær
Helgi, andaði köldu á milli
ykkar?
„Nei, það var svo funheitt á milli
okkar að maður varð að vera veru-
lega svalur til að kæla þetta niður.“
Bandaríski söngvarinn John Grant hefur
samið og tekið upp nýtt lag með Helga
Björnssyni. Grant segir það hafa verið
virkilega svalt að vinna með Helga.
FÓLK Arnaldur Birgir Konráðs-
son, framkvæmdastjóri og annar
eigenda Boot Camp, og Ágúst
Guðmundsson, slökkviliðsmaður
á höfuðborgarsvæðinu, luku í dag
eyðimerkurhlaupi í Sahara-eyði-
mörkinni fyrstir Íslendinga. Það
má segja að þetta hafi ekki verið
neitt skemmtiskokk hjá félögunum
en hlaupið er 112 kílómetrar.
Um 160 manns tóku þátt í hlaup-
inu. Lagt var af stað frá Túnis
á þriðjudaginn og tók hlaupið
fjóra daga. Á fyrstu dögunum var
hlaupið 23 kílómetra og í fyrradag
var hlaupið heilt maraþon. Hlaup-
inu lauk í dag með 23 kílómetra
hlaupi.
Íslenskir hlaupagarpar:
Hlupu 112 kíló-
metra í Sahara
MEÐ FÁNANN Íslendingarnir báru
íslenska fánann í eyðimörkinni.
FJÁRMÁL Slitastjórn gamla Lands-
banka hefur stefnt endurskoð-
unarfyrirtækinu Pricewater-
houseCoopers (PwC) fyrir að
hafa fallist á ranga ársreikninga
sem hafi blekkt markaði með því
að gefa villandi mynd af stöðu
Landsbankans fyrir hrun. RÚV
sagði frá þessu í kvöldfréttum
í gær, en bótakrafan á hendur
PwC hleypur á hunduðum millj-
óna króna.
Í frétt RÚV kom jafnframt
fram að endurskoðendur frá
PwC, sem voru ytri endurskoð-
endur Landsbankans á árunum
fyrir hrun, eru taldir hafa vitað af
bágri stöðu bankans í árslok 2007.
Þá hafi endurskoðendur vitað af
því að veð sem lágu að baki lánum
til fyrirtækjanna Eimskips, Ice-
landic Group, FL-Group og tengd-
um félögum upp á tæpa 200 millj-
arða króna, hafi verið ótrygg eða
engin.
Í frétt RÚV segir jafnframt að
í stefnu slitastjórnar sé því haldið
fram að PriceWaterhouseCoopers
hafi engu að síður ákveðið í sam-
ráði við stjórnendur bankans að
birta röng uppgjör ársreikninga
2007 og árshlutareikninga 2008.
Leiða megi líkur að því að ef
réttir reikningar hefðu verið lagð-
ir fram hefði Landsbankinn misst
starfsleyfi sitt, Icesave-innlána-
söfnun í Bretlandi hefði stöðvast
og aldrei hafist í Hollandi. Þar
af leiðandi hefði umfang banka-
hrunsins orðið mun minna.
- þj
Slitastjórn Landsbanka Íslands stefnir endurskoðunarfyrirtækinu PwC:
Sagðir hafa fegrað stöðu bankans
ENDURSKOÐENDUM STEFNT Slitastjórn gamla Landsbanka hefur stefnt endurskoðun-
arfyrirtækinu PricewaterhouseCoopers fyrir að hafa vísvitandi fegrað stöðu bankans í
aðdraganda hrunsins. FRÉTTABLAÐIÐ/ANTON
BESSASTAÐIR Forseti Íslands Ólaf-
ur Ragnar Grímsson og Dorrit
Moussaieff forsetafrú hafa
þekkst boð Haraldar Noregskon-
ungs og Sonju drottningar um að
vera nú um helgina gestir kon-
ungshjónanna á Holmenkollen
skíðahátíðinni.
Í tilkynningu segir að Holmen-
kollen hátíðin sé einn helsti skíða-
viðburður Noregs og fjölsóttur af
almenningi enda fara þar fram
Heimsleikar í norrænum grein-
um, svo sem í göngu og stökki.
Ólafur og Dorrit til Noregs:
Heimsækja
Holmenkollen
Fjórir drepnir í loftárásum
Fjórir létu lífið í loftárásum Ísraelshers á
Gaza í gær. Meðal þeirra sem féllu var
Zohair al-Qaisi, forsprakki andspyrnu-
hóps Palestínumanna. Talsmaður
hersins fullyrðir að hann hafi verið að
undirbúa hryðjuverkaárás í Ísrael.
ÍSRAEL
VIÐSKIPTI Raunaukning á áætluðum
endurheimtum vegna sölu Skila-
stjórnar Landsbanka Íslands (LBI)
á bresku verslanakeðjunni Iceland
Foods nam um 85 milljörðum króna,
að því er kemur fram í áætlun sem
birt var á vef LBI í gær. Þá var til-
kynnt um að endanlega hafi verið
gengið frá sölunni á öllum hlut LBI
í Iceland til félags í eigu Malcolm
Walker forstjóra og fleiri stjórnenda
fyrirtækisins.
Heildarsöluverðmæti hlutarins
í Iceland er tæpir 200 milljarðar
króna og er greitt fyrir hlutinn í
reiðufé að mestu, en bankinn lánar
kaupendum um 50 milljarða vegna
kaupanna. Endurheimtur í þrotabú
Landsbanka Íslands eru nú áætlaðar
nærri 1.440 milljörðum króna sem
er um 121 milljarði króna hærri en
sem nemur heildarforgangskröfum.
Hluturinn í Iceland var lang-
stærsta einstaka eign LBI en eftir
standa meðal annars eignir í versl-
unakeðjunum Hamley‘s, House of
Fraser og Aurum auk 18,7% hlutar
í nýja Landsbankanum. Greiðslur
úr búi gamla Landsbankans hófust
í desember á síðasta ári þegar slita-
stjórn LBI greiddi út samtals 432
milljarða króna til kröfuhafa. - þj
Salan á Iceland Foods til Malcolm Walker og félaga hans frágengin:
Tugmilljarða auking á virði Iceland
SELT Gengið hefur verið frá sölunni
á hlut gamla Landsbankans í Iceland
Foods. Áætlað er að endurheimtur í
þrotabú Landsbankans muni verða um
1.440 milljarðar króna.