Fréttablaðið - 24.03.2012, Page 10

24. mars 2012 LAUGARDAGUR10
FRÉTTASKÝRING
Hvernig var láni Seðlabanka Íslands til
Kaupþings háttað?
Seðlabanki Íslands lánaði Kaup-
þingi 500 milljón evrur, um 80
milljarða króna, 6. október 2008.
Mikill flýtir var við afgreiðslu
lánsins en með því átti að reyna
að bjarga lausafjárþurrð Kaup-
þings. Nær allur gjaldeyrisvara-
forði Seðlabankans fór í lánið, en
Kaupþing féll engu að síður nokkr-
um dögum síðar.
Kaupþing lagði hlutabréf sín í
danska bankanum FIH sem veð,
en lán Seðlabankans var veitt til
fjögurra daga.
Sigurður Einarsson, stjórnarfor-
maður Kaupþings, fullyrti í sam-
tali við Kastljós 6. október 2008,
sama dag og lánið var veitt, að
hann gæti kinnroðalaust fullyrt
að lánið væri öruggt.
Hann gæti því vel réttlætt „það
að við höfum fengið þessa fyrir-
greiðslu þar sem þetta er mjög
öruggt lán. Vegna þess að við
stöndum mjög vel og Seðlabankinn
er öruggur um að fá þessa peninga
til baka.“
Davíð Oddsson, sem þá var for-
maður bankastjórnar Seðlabank-
ans, sagðist í sama þætti engar
áhyggjur hafa þótt lánið fengist
ekki greitt, því þá myndi „Seðla-
bankinn eignast mjög góðan banka
í Danmörku, FIH.“
Þremur dögum eftir veitingu
lánsins féll Kaupþing og Seðla-
bankinn viðurkennir nú að hluti
lánsins muni tapast. Hann hefur
upplýst að ekki hafi unnist tími
til að kanna stöðu Seðlabankans
gagnvart fullnustu á veðunum. Þá
hafi verklagsreglum ekki verið
fylgt varðandi afgreiðslu lánsins,
en öll meðferð þess og ákvarðana-
taka hafi verið hjá æðstu stjórn
bankans.
Seðlabankinn seldi hlut sinn í
FIH í september 2010, ekki síst
þar sem raunveruleg hætta var
á því að dönsk stjórnvöld myndu
taka hann yfir. Kaupverðið var
109 milljarðar króna, en aðeins 41
milljarður af þeim var staðgreidd-
ur. Hann lánaði nýjum eigendum
afganginn, um 68 milljarða króna,
til loka ársins 2014. Það seljanda-
lán ber enga vexti.
Helgi Hjörvar, formaður efna-
hags- og viðskiptanefndar Alþing-
is, spurði Seðlabankann út í málið
á dögunum. Í svari bankans kemur
fram að aðstæður þennan dag í
október hafi verið með þeim hætti
að ekki hafi gefist tími til að fylgja
verklagsreglum eftir. Davíð Odds-
son hafi hins vegar verið í sam-
skiptum við Geir H. Haarde um
málið og upptaka af símtali þeirra
sé til í bankanum.
Þá kemur fram að talsverð
óvissa ríki um heimturnar á selj-
endaláninu sem veitt var við söl-
una á FIH-bankanum „ekki síst í
ljósi ástands á alþjóðlegum fjár-
málamörkuðum og efnahagslífi
Danmerkur. Það verður ekki fyrr
en á árinu 2016 sem endanlega
getur legið fyrir hvert verðmæti
seljendalánsins verður. Miðað við
núverandi stöðu eru líkur á að
hluti þess muni tapast.“
Seðlabankinn hefur því fengið
41 af þeim u.þ.b. 80 milljörðum
króna, eða helminginn, til baka.
Óvíst er með heimtur á hinum
helmingnum.
kolbeinn@frettabladid.is
Fullyrtu að lánið til
Kaupþings væri traust
Davíð Oddsson, fyrrverandi Seðlabankastjóri, fullyrti að veð Kaupþings fyrir 500
milljón evra láni 2008 væru traust. Þau voru ekki rannsökuð. Stjórnarformaður
Kaupþings sagði lánið öruggt. Seðlabankinn segir nú hluta lánsins munu tapast.
KAUPÞING Verklagsreglum Seðlabanka Íslands var ekki fylgt þegar bankinn lánaði
Kaupþingi 500 milljónir evra 6. október 2008. Bankinn segir líklegt að hann muni
tapa hluta lánsins. FRÉTTABLAÐIÐ/STEFÁN
SIGURÐUR
EINARSSON
DAVÍÐ ODDSSON
FÓLK Sjö einstaklingar hafa frá
síðasta sumri gegnt stöðu sendi-
herra samnings Sameinuðu
þjóðanna um réttindi fatlaðs
fólks hér á landi og hafa gert
víðreist.
„Við erum að kynna samning
Sameinuðu Þjóðanna um rétt-
indi fatlaðs fólk um allt land.
Við erum búin að fara á vernd-
aða vinnustaði og erum nú að
fara í framhaldsskólana og
víðar,“ segir Þorvarður Karl
Þorvarðarson, einn sendiherr-
anna í samtali við Fréttablaðið.
Þorvarður bætir því við að
starfið hafi verið skemmtilegt
og gaman væri að kynna sendi-
herraverkefnið víðar.
Meginmarkmið verkefnisins,
sem er samstarfsverkefni Fjöl-
menntar og Þroskahjálpar, er
að fræða Íslendinga um réttindi
fatlaðs fólks og freista þess að
breyta ímynd fatlaðra einstak-
linga.
Samningur SÞ kveður á um að
fatlað fólk njóti allra almennra
mannréttinda, hvort sem um er
að ræða efnahagsleg, félagsleg,
menningarleg, borgaraleg eða
stjórnmálaleg. - þj
Verkefni um sendiherra samnings SÞ um réttindi fatlaðs fólks hefur gengið vel:
Kynna réttindi fatlaðra um land allt
SENDIHERRA Þorvarður Karl Þorvarðar-
son er einn sjö sendiherra samnings SÞ
um réttindi fatlaðra. Hann segir verk-
efnið afar skemmtilegt. FRÉTTABLAÐIÐ/VALLI
-15 kr.
af lítranum í 10. hvert skipti sem þú
dælir 25 lítrum eða meira
með ÓB-lyklinum!
Sæktu um ÓB-lykil núna
á ob.is.
Ármúla 7 | 108 Reykjavík | 5 500 600 | www.icelandexpress.is
Verð frá
Við ætlum að vera mikið á ferðinni um Skandinavíu
í sumar og verðum meðal annars í Billund og
Gautaborg þar sem öll fjölskyldan getur haft það
huggulegt. Settu upp sparibrosið og bókaðu flug til
Gautaborgar eða Billund á www.icelandexpress.is
Aðra leið með sköttum og öðrum greiðslum
Skemmtu þér
í Skandinavíu!
16.700 kr.
FRÁBÆR FJÖLSKYLDU-STEMNING í skemmtigörðunum Liseberg, Legolandog Lalandia
alla sunnudaga klukkan 16.
Njótið vel
Hemmi Gunn
– og svaraðu nú!
Fjölbreyttur og fjörugur þáttur
UMHVERFISMÁL Veikindi hrossa á
bænum Kúludalsá í Hvalfirði eru
ekki af völdum mengunar iðjuver-
anna á Grundartanga, er niðurstaða
rannsóknar Matvælastofnunar og
Tilraunastöðvarinnar á Keldum.
Veikindi hrossanna má rekja til
efnaskiptaröskunar.
Matvælastofnun barst þann 19.
maí 2011 erindi frá ábúanda á Kúlu-
dalsá í Hvalfirði með ósk um rann-
sókn á veikindum hrossa á bænum
með tilliti til mengandi efna frá
útblæstri iðjuveranna á Grundar-
tanga. Rannsóknin fólst í skoðun
á hrossunum, rannsóknir á líffær-
um þriggja hrossa frá Kúludalsá,
skoðun á líffærum, þ.m.t. tönnum,
vefjaskoðun á líffærum og röntgen-
skoðun á hófum og leggjum. Þá var
flúor mælt í beinvef og þungmálm-
ar í lifur.
Niðurstöður þessara rannsókna
gefa engar vísbendingar um að
hrossin hafi orðið fyrir eitrun af
völdum flúors eða þungmálma.
Í tilkynningu Matvælastofnun-
ar segir að veikindin megi rekja til
efnaskiptaröskunar og krónískrar
hófsperru af þeim sökum. Hross
sem hafa verið feit frá unga aldri
og einkum þau sem safna fitu stað-
bundið í makka eru líklegust til að
fá þessa röskun.
Hófsperra er sársaukafullur
sjúkdómur sem með tímanum
kemur niður á holdafari hrossa.
Erfitt er að lækna sjúkdóminn eftir
að hann hefur þróast. - shá
Rannsókn á hrossum í Hvalfirði sýndi veikindi vegna efnaskiptaröskunar:
Veikindi ekki vegna mengunar
Vegna þess að við
stöndum mjög vel og
Seðlabankinn er öruggur um
að fá þessa peninga til baka.
SIGURÐUR EINARSSON,
ÞÁVERANDI STJÓRNAR-
FORMAÐUR KAUPÞINGS.