Fréttablaðið - 24.03.2012, Page 92

24. mars 2012 LAUGARDAGUR56
Lady Gaga hefur verið í stífum
æfingum fyrir tónleikaferð sína
um heiminn, Born This Way Ball,
sem hefst í næsta mánuði. Fyrstu
tónleikarnir verða í Seúl í Suður-
Kóreu 27. apríl. Í tónleikaferðinni
verður risastór miðaldakastali
hluti af sviðsmyndinni.
„Fór í hot-yoga eftir æfingu. Er
búin á því eftir dansæfinguna,“
skrifaði Gaga á Twitter-síðu sína.
Hún bætti því við að hún saknaði
skrímslanna sinna, sem er nafnið
sem hún hefur gefið aðdáendum
sínum.
Æfir stíft
fyrir tónleika
LADY GAGA Æfir stíft fyrir tónleikaferð
sína um heiminn.
Sharon Stone og kólumbíska leik-
konan Sofia Vergara úr sjón-
varpsþáttunum Modern Family
leika tvíkynhneigðar ástkonur í
nýrri gamanmynd. Stone leikur
lækni sem fer í ástarleik með
Vergara og persónu úr fylgdar-
þjónustu sem John Turturro leik-
ur. Myndin nefnist Fading Gigolo
og hefjast tökur í New York í
apríl. Turturro verður einnig
leikstjóri, auk þess sem annar
kunnur leikstjóri,
Woody Allen, fer
með lítið hlut-
verk mellu-
dólgs.
Stone er
ekki ókunn-
ug lesbísk-
um kvik-
mynda-
senum
því hún
sængaði
með konu
í spennu-
myndinni Basic
Instinct og lék
ástkonu Ellen
DeGeneres í
sjónvarpsmynd-
inni If These
Walls Could
Talk.
Saman í
ástarsenu
LEIKUR Á MÓTI
STONE Sofia
Vergara leikur
ástkonu Sharon
Stone í nýrri
gamanmynd.
Bíó ★★★★ ★
Margin Call
Leikstjórn: J.C.Chandor
Leikarar: Kevin Spacey, Paul Bettany,
Jeremy Irons, Stanley Tucci, Demi Moore,
Zachary Quinto, Penn Badgley, Simon
Baker, Aasif Mandvi, Mary McDonnell
Þessi fyrsta mynd leikstjórans J.C. Chandor
segir frá baktjaldamakki ónefnds fjárfest-
ingabanka á Wall Street í árdaga efnahags-
kreppunnar sem nú stendur yfir. Starfs-
menn bankans fá veður af stóra skellinum
rétt áður en hann dynur yfir, og standa
frammi fyrir siðferðislegum spurningum
í kjölfarið. Eiga þeir að vara aðra við eða
reyna að bjarga bankanum á kostnað þeirra
sem vita ekki betur?
Viðskiptafræðimenntun er síður en svo
nauðsynleg til að geta notið myndarinnar,
en handritið (eftir Chandor sjálfan) er ein-
falt og þétt. Ógnin er undirliggjandi og við-
horf starfsfólksins misjöfn, líklega í ein-
hverju samhengi við þeirra eigin tekjur.
Það er deildarstjórinn Sam Rogers (leik-
inn af Kevin Spacey) sem er rödd samvisk-
unnar og reynir af öllum mætti að breyta
rétt, en uppsker vantraust og háðsglósur
samstarfsmanna sinna fyrir vikið. Leikara-
hópurinn er ótrúlegur þó vissulega skyggi
gömlu jálkarnir eilítið á ungviðið. Spacey,
Irons, Tucci og Moore (hljómar eins og
nafn á lögfræðistofu) eru öll í banastuði,
og þá sérstaklega Irons, en hann er einkar
ógeðfelldur í hlutverki forstjórans.
Það er afar lítið um hamingju í stóra
turninum sem hýsir bankann og svo virðist
sem öllu hinu mannlega hafi verið úthýst.
Þetta undirstrikar leikstjórinn með gráum
og kuldalegum lit á öllum veggjum og í
öllum skotum, en það er varla fallegan
ramma að finna í myndinni. Margin Call
tekur þrátt fyrir þetta ekki beina afstöðu
gegn kapítalisma, þó hún dragi upp dökka
og dapurlega mynd af fjármálageira dags-
ins í dag. Í það minnsta borðar forstjórinn
alltaf einn.
Haukur Viðar Alfreðsson
Niðurstaða: Spennandi fjármáladrama, drekk-
hlaðið úrvalsleikurum.
Rotturnar flýja frá borði
DÖKK MYND Margin Call dregur upp dökka og
dapurlega mynd af fjármálageira dagsins í dag.