Fréttablaðið - 25.05.2012, Page 10

25. maí 2012 FÖSTUDAGUR10
Aðalfundur Haga hf. 8. júní 2012
Aðalfundur Haga hf., kt. 670203-2120, verður haldinn
föstudaginn 8. júní 2012 og hefst hann kl. 10:00
á 20. hæð í Turninum, Smáratorgi í Kópavogi.
Dagskrá fundarins:
1. Skýrsla stjórnar félagsins um starfsemina
á liðnu ári.
2. Ársreikningur félagsins fyrir liðið starfsár,
ásamt skýrslu endurskoðanda, lagður fram
til samfiykktar.
3. Ákvörðun um greiðslur til stjórnar- og
skoðunarmanna.
4. Ákvörðun um ráðstöfun hagnaðar félagsins
á reikningsárinu 2011/12.
5. Kosning stjórnar félagsins og endurskoðanda.
6. Tillögur stjórnar um starfskjarastefnu.
7. Heimild til kaupa á eigin hlutabréfum.
8. Umræður og atkvæðagreiðslur um önnur
málefni sem löglega eru upp borin.
Ársreikning og önnur gögn ásamt upplýsingum um rafræna
atkvæðagreiðslu er að finna á vefsíðu félagsins, www.hagar.is
Stjórn Haga hf.
1. Hversu háa sekt var Gunnar
Birgisson dæmdur til að greiða fyrir
að blekkja Fjármálaeftirlitið?
2. Hver skoraði síðara mark
karlaliðs KR gegn FH í Frostaskjóli
í fyrrakvöld?
3. Hvaða fornfræga hljómsveit mun
leika á minningartónleikum um gítar-
leikarann Kristján Eldjárn í júní?
SVÖR
1. 150 þúsund krónur
2. Gunnleifur Gunnleifsson, markvörður FH
3. Þursaflokkurinn
SÝRLAND, AP Rannsóknarnefnd á
vegum Sameinuðu þjóðanna full-
yrðir að bæði stjórnarherinn í
Sýrlandi og æ skipulagðari sveit-
ir uppreisnarmanna hafi staðið að
hrottalegum ofbeldisverkum, þar
á meðal manndrápum og pynting-
um.
Mest af þessu ofbeldi segir
nefndin þó að megi rekja til stjórn-
valda. Niðurstöður sínar byggir
nefndin á hundruðum viðtala við
einstaklinga, sem flúið hafa land
á síðustu vikum.
„Bardagamenn í vopnuðum
hópum stjórnarandstæðinga hafa
verið drepnir eftir að þeir voru
handteknir eða særðir,“ segir í
skýrslu, sem nefndin sendi frá sér
í gær. „Í sumum sérlega alvarleg-
um tilvikum hafa heilu fjölskyld-
urnar verið teknar af lífi á heimili
sínu – yfirleitt fjölskyldumeðlim-
ir þeirra sem andvígir eru stjórn-
inni.“
Meira en 250 friðargæsluliðar
eru í Sýrlandi á vegum Samein-
uðu þjóðanna til þess að hafa eft-
irlit með framkvæmd friðaráætl-
unar, sem Kofi Annan, fyrrverandi
framkvæmdastjóri Sameinuðu
þjóðanna, fékk bæði stjórnina og
uppreisnarmenn til að fallast á.
Vopnahléð er hins vegar brotið
á hverjum degi, bæði af stjórnar-
liðum og af uppreisnarmönnum.
Stjórn Bashar al Assads forseta
heldur enn fast í það að uppreisnin,
sem nú hefur staðið yfir í fimm-
tán mánuði, stafi ekki af almennri
óánægju landsmanna heldur
standi hryðjuverkamenn á bak
við mótmælin. Aukið ofbeldi tengt
mótmælunum geri ekki annað en
að staðfesta þetta.
Uppreisnarmenn segjast á hinn
bóginn hafa nauðbeygðir gripið til
vopna eftir að stjórnarherinn tók
að skjóta á mótmælendur og varpa
sprengjum á almenning. Uppreisn-
armenn hafa einnig sakað stjórn-
ina um að standa að mörgum
sprengjuárásum í landinu í þeim
tilgangi að geta kennt uppreisnar-
mönnum um hryðjuverk.
Í mars síðastliðnum taldist Sam-
einuðu þjóðunum til að átökin í
landinu hafi frá upphafi kostað
meira en níu þúsund manns lífið.
Átökin hafa haldið áfram, svo
hæglega má gera ráð fyrir því að
fjöldi látinna sé kominn vel yfir tíu
þúsund.
Átökin í Sýrlandi hafa einnig
breiðst út til nágrannaríkisins Líb-
anons, þar sem banvæn átök hafa
kostað að minnsta kosti tíu manns
lífið síðasta hálfa mánuðinn.
gudsteinn@frettabladid.is
Mannréttinda-
brot framin
á báða bóga
Bæði stjórnarherinn og sveitir uppreisnarmanna
stunda manndráp og pyntingar í Sýrlandi. Mest
af ofbeldinu má þó rekja til stjórnarhersins. Þetta
kemur fram í nýrri skýrslu rannsókarnefndar SÞ.
FYLGST MEÐ ÁTÖKUM Einn af friðargæsluliðum Sameinuðu þjóðanna tekur myndir
af fólksflutningabifreið stjórnarhersins, sem eyðilagðist í sprengjuárás. FRÉTTABLAÐIÐ/AP
Í sumum sérlega
alvarlegum tilvikum
hafa heilu fjölskyldurnar
verið teknar af lífi á heimili
sínu – yfirleitt fjölskyldumeð-
limir þeirra sem andvígir eru
stjórninni.
ÚR SKÝRSLU RANNSÓKNARNEFNDAR SÞ
KÍNA, AP Eldri bróðir kínverska
flóttamannsins Chen Guang-
cheng, Chen Guangfu, hefur flúið
heimabæ sinn. Hann fór til höf-
uðborgarinnar Peking til þess að
ráðfæra sig við lögfræðinga, en
sonur hans hefur verið ákærður
fyrir morðtilraun.
Sonurinn, Chen Kegui, lenti í
útistöðum við stjórnvöld í bænum
en ráðist var inn á heimili hans
þegar verið var að leita að Chen
Guangcheng í apríl. Fjölskyldan
segir að á hann hafi verið ráð-
ist, en hann var í kjölfarið hand-
tekinn og ákærður fyrir morðtil-
raun.
Fjölskyldan hefur rætt við
lögfræðinga vegna málsins en
stjórnvöld segja að þau muni
skipa Chen Kegui lögmann.
Einn lögmannanna segir að
öryggisgæsla í heimabæ þeirra
hafi verið aukin eftir að Chen
Guangcheng flúði þaðan. Chen
Guangcheng er nú kominn til
Bandaríkjanna ásamt konu sinni
og börnum, en aðrir fjölskyldu-
meðlimir eru enn í Kína. Hann
hefur lýst yfir áhyggjum sínum
af því að þeim verði refsað fyrir
gjörðir hans.
Chen Guangcheng flúði úr ólög-
legu stofufangelsi í apríl og komst
í bandarískt sendiráð. Mál hans
olli miklum vandræðum í sam-
skiptum Bandaríkjanna og Kína.
- þeb
Bróðir flóttamannsins er einnig flúinn til Peking:
Áhyggjur af afdrif-
um fjölskyldu ChenAFGANISTAN Eitrað var fyrir 120 skólastúlkum og þremur kenn-
urum þeirra í skóla í Takhar í
Afganistan síðastliðinn miðviku-
dag, að því er segir á frétta-
vefnum b.dk. Að sögn lögreglu
voru andstæðingar menntunar
kvenna að verki.
Eitruðu dufti hafði verið
komið fyrir í skólastofunum og
leið yfir fjölda stúlkna.
Menntamálaráðuneyti Afgan-
istans greindi frá því í síðustu
viku að uppreisnarmenn hefðu
lokað 550 skólum í 11 héruðum
þar sem talibanar njóta mikils
stuðnings.
Í síðasta mánuði voru 150
skólastúlkur og kennslukon-
ur lagðar inn á sjúkrahús eftir
að hafa drukkið eitrað vatn úr
vatnstanki skóla í Takhar.
- ibs
Árás á skóla í Afganistan:
Eitrað fyrir
skólastúlkum
EVRÓPUMÁL Íslensk stjórnvöld og
framkvæmdastjórn Evrópu til-
kynntu í gær um myndun sameig-
inlegs vinnuhóps um afnám gjald-
eyrishafta á Íslandi. Í tilkynningu
frá utanríkisráðuneytinu segir:
„Frjálst flæði fjármagns er einn
meginþátturinn í fjórfrelsinu á
sameiginlegum innri markaði Evr-
ópu og því liggur fyrir að ríki með
gjaldeyrishöft geta ekki gerst aðil-
ar að Evrópusambandinu.“
Því, að því er segir í tilkynning-
unni, er afnám gjaldeyrishaftanna
viðfangsefni aðildarviðræðnanna
og hlutverk vinnuhópsins að móta
sameiginlegan skilning og meta
leiðirnar út úr höftunum í sam-
vinnu.
Á fundi sínum í gær fóru Össur
og Füle einnig yfir gang viðræðn-
anna og ítrekaði Össur þá afstöðu
Íslands að hefja skyldi sem fyrst
samningaviðræður um veigameiri
málaflokka, til dæmis gjaldmið-
ilsmál, sjávarútveg, landbúnað
og byggðamál. Ísland hafi í þess-
um málum bæði ríka hagsmuni og
skýra sérstöðu sem aðildarsamn-
ingur þyrfti að taka tillit til. - þj
Stefan Füle stækkunarstjóri ESB boðar samstarf í gjaldeyrismálum:
Vinnuhópur meti afnám hafta
RÁÐHERRANN OG STÆKKUNARSTJÓRINN
Össur Skarphéðinsson utanríkisráðherra
hitti Stefan Füle, stækkunarstjóra ESB, í
gær, þar sem þeir ræddu meðal annars
um samstarf um afnám gjaldeyrishafta
á Íslandi. MYND/UTANRÍKISRÁÐUNEYTIÐ
DÓMSMÁL Samherji hefur kært til
Hæstaréttar úrskurð Héraðsdóms
Reykjavíkur um húsleit og hald-
lagningu gagna sem Seðlabankinn
framkvæmdi í mars. Samherji vill
aðgerðirnar dæmdar ólögmætar.
Þetta kemur fram í bréfi sem
Samherji sendi starfsmönnum
sínum í gær. Þar segir að aðgerðir
Seðlabankans séu byggðar á röng-
um forsendum. Þá sé reiknivilla í
aðferðafræði bankans við reikning
á verði á karfa í viðskiptum fyrir-
tækisins við tengda aðila í Þýska-
landi. - þeb
Samherji kærir úrskurð:
Segja vitlaust
reiknað hjá SÍ
VEISTU SVARIÐ?