Fréttablaðið - 25.05.2012, Page 62

25. maí 2012 FÖSTUDAGUR46
EUROVISIONLAGIÐ
„Ég á alltof erfitt með að
velja eitthvað uppáhalds úr
öllum keppnunum hingað til en
uppáhaldslagið mitt í keppninni
í ár er sænska lagið. Það er ekki
spurning í mínum huga að hún
á eftir að bursta keppnina á
laugardaginn.“
Regína Ósk Óskarsdóttir, söngkona og
Eurovision-fari.
Skerjafjarðarskáldið Kristján Hreinsson samdi nán-
ast öll lög og texta á væntanlegri plötu kántrísveit-
arinnar Klaufarnir.
„Þetta er í fyrsta skipti sem ég er í samstarfi við
þá,“ segir Kristján, sem tók að sér verkefnið í gegn-
um gítarleikarann Sigurgeir Sigmundsson. „Ég á
alltaf soddan hrúgu af lögum og þeir völdu úr þeim.
Þeir eru með tíu til tólf lög í viðbót sem þá langar
að gefa út líka,“ segir Kristján, sem hingað til hefur
verið þekktari fyrir texta sína en lagasmíðar. „Þetta
er tónlist í anda Brimklóar og alls hins besta sem
boðið hefur verið upp á í íslenskri kántrítónlist síð-
ustu ár og áratugi. Þetta er dillandi gamansemi og
100% hressleiki.“
Magnús Kjartansson kemur við sögu á plötunni.
Hann leikur á hljómborð og stjórnar heilum kór
hestamanna sem nefnist Brokkkórinn. Einnig syng-
ur Selma Björnsdóttir í einu lagi, Aldrei, sem fer í
spilun fljótlega. Annað lag af plötunni, Lífið er fer-
lega flókið, er þegar komið í spilun.
Kristján hafði mjög gaman af samstarfinu við
Klaufana en hljómsveitin er skipuð þeim Friðriki
Sturlusyni, Kristjáni Grétarssyni, Sigurgeiri Sig-
mundssyni, Guðmundi Annas og Birgi Nielsen. „Við
erum kannski hinir mestu klaufar á ýmsum sviðum
en þegar við slettum úr klaufunum, þá erum við á
heimavelli.“ - fb
Kristján samdi fyrir Klaufana
SAMSTARF Kristján Hreinsson ásamt Klaufunum. Nýja platan,
Óbyggðir, kemur út á næstunni.
„Ég er ekkert þekktur sem
Björn þannig að það lá ein-
hvern veginn beint við að kýla
þetta loksins í gegn,“ segir Bassi
Ólafsson, trommari hljómsveit-
arinnar Kiriyama Family, sem
nýlega gaf út sína fyrstu plötu.
Hann breytti nafninu sínu nýver-
ið úr Björn Sigmundur í Bassi og
þar með er hann sá eini sem heitir
því nafni á landinu. Bassi var dálít-
ið hræddur við að styggja mömmu
sína og pabba með nafnabreyting-
unni, því langafar hans hétu Björn
og Sigmundur. „Maður vildi ekki
mikið vera að „dissa“ þá. Svo ákvað
ég bara að hugsa um sjálfan mig í
þessu tilfelli. Þetta er búið að vera
nafnið mitt frá því ég fæddist og
fæstir vita raunverulega nafnið,
þannig að ég ákvað bara að svissa.“
Aðspurður segir hann að pabbi
hans, Labbi í hljómsveitinni
Mánum, sé enn þá að venjast
þessum umskiptum en mamma
hans hefur tekið betur í þau.
„Ég elda handa þeim mat og
eitthvað til að redda þessu.“
Bassanafnið festist við hann
vegna þess að bróðir pabba hans,
Björn Þórarinsson, einnig úr
Mánum, hefur alltaf verið kall-
aður Bassi. „Hann hefur verið
kallaður stóri Bassi og ég litli
Bassi en samt er ég tuttugu senti-
metrum hærri en hann. Þann-
ig að það er búið að svissa þessu
í gamli Bassi og ungi Bassi.“
Mannanafnanefnd hafði ekkert við
Bassanafnið að athuga, sem kom
honum nokkuð á óvart. Kom það
upp úr dúrnum að Bassi er sá níundi
sem hefur borið nafnið á Íslandi frá
landnámsöld en er sá eini sem er á
lífi í dag. „Ég hélt ég þyrfti að fara
í svakalegt vesen til að sækja um
en þau vildu bara fá útskýringu á
þessu. Ég sagði bara sömu sögu
um að þetta er bara nafnið mitt.“
Þrátt fyrir nafngiftina spilar Bassi
á trommur en ekki bassa og þykir
mörgum það fyndið. „Ég held ég sé
búinn að heyra alla brandara sem
til eru í sambandi við þetta, þessa
bassatrommubrandara. Það er búið
að hrjá mig í gegnum ævina að ég
sé trommari.“ Reyndar kann hann
alveg á bassa og spilar á hann í hjá-
verkum. „Þegar ég var að spila með
Lay Low tók ég bassa í einu lagi.
Þetta blundar alveg í manni. Næsta
hljóðfæri sem ég ætla að taka fyrir
verður alveg örugglega bassi, það
liggur eiginlega beinast við.“
freyr@frettabladid.is
BASSI ÓLAFSSON: LÁ BEINT VIÐ AÐ KÝLA ÞETTA LOKSINS Í GEGN
Bassi heitir loksins Bassi
BASSI Bassi Ólafsson hét áður Björn Sigmundur Ólafsson. Hann er sá níundi sem
hefur borið nafnið frá landnámsöld. FRÉTTABLAÐIÐ/STEFÁN
„Þetta er ein af þessum stóru auglýsingum sem
maður vill gjarnan næla sér í,“ segir leikarinn
Ívar Örn Sverrisson sem á dögunum landaði
burðarhlutverki í alþjóðlegri sjónvarpsauglýs-
ingu fyrir Fisherman´s Friend hálstöflurnar.
Ívar fékk verkefnið í gegnum norska umboðs-
skrifstofu sína en hann hefur verið búsettur í
Noregi með eiginkonu og tveimur börnum í tæp
tvö ár. Hann bjóst aldrei við að fá hlutverkið
og segir þetta oftast byggjast á heppni og að
vera með rétt útlit á réttum tíma. „Ég er mjög
ánægður með þetta og mér var sagt að ég hafi
verið valinn umfram marga þekkta norska leik-
ara,“ segir Ívar og giskar á að skeggið hafi heill-
að aðstandendur auglýsingarinnar. „Ég var ekki
búinn að raka mig í nokkra daga fyrir prufuna
og útlitið hentaði því vel í þennan sjóara.“
Auglýsingin verður tekin upp í sjávarþorpi
í Noregi á næstu dögum en Ívar fer með hlut-
verk sjómanns og á móti honum leikur bresk
leikkona. Um er að ræða endurgerð á klassískri
auglýsingu hálstaflanna sterku og verður hún
sýnd á austurströnd Bandaríkjanna með haust-
inu. „Þetta er gott verkefni að fá og ég get við-
urkennt að þetta er ágætlega borgað.“
Ívar hefur komið sér vel fyrir í Noregi en
segir að það hafi ekki alltaf hafa verið auð-
velt. „Ég hef alveg þurft að brjóta mér leiðir í
gegnum marga múra hérna. Það hjálpar að geta
loksins tjáð sig á tungumáli innfæddra og svo
er þetta bara snjóbolti sem vindur upp á sig. Þó
maður sakni ýmissa á Íslandi á ég ekki von á
því að við fjölskyldan komum heim í bráð enda
líður okkur mjög vel í Ósló.“ - áp
Tekinn fram yfir þekkta norska leikara
VINUR SJÓARANS Leikarinn Ívar Örn Sverrisson var
valinn umfram þekkta norska leikara í burðarhlutverk
í alþjóðlega sjónvarpsauglýsingu fyrir Fisherman´s
Friend.
L
A
N
D
SM
ÓT HESTAM
AN
N
A
N
A
T
IO
N
AL HORSE SHOW
O
F
IC
E
L
A
N
D
Landsmót
hestamanna
Reykjavík
2012
25.06 – 01.07
Ógleymanleg skemmtun. Bestu gæðingar
landsins etja kappi og helstu kynbótastjörnur
landsins koma fram. Troðfull dagskrá með
landsþekktum skemmtikröftum, kvöldvökum
og fjölskyldustemningu. Á keppnissvæðinu
er glæsilegur barnagarður.
Miðasala á www.landsmot.is
Það styttist í ævintýrið!