Fréttablaðið - 01.06.2012, Blaðsíða 6

1. júní 2012 FÖSTUDAGUR6
Rækjur • Hörpuskel • Túnfiskur
Laxaflök • Marineraður fiskur •
Ferskar fisksteikur • Kúlaður steinbítur
• Ekta hjallaþurrkaður harðfiskur
• Siginn fiskur frá Drangsnesi
• Íslenskar gullauga kartöflur
Íslensk hreindýra- og nautasteik
120 gr lamba-, nauta-, og
hreindýraborgarar • Gott verð!
• Sérvalið úrvals lambakjöt
• Einstakt og austfirskt!
FLOTTUR STÓR HUMAR
5.500 kr.kg ( 1 kg. í öskju )
Heitur matur í hádeginu
frá 11.30 - 13.30
Grillsagað lambakjöt
1.100 kr.kg ( 6-8 kg. í poka )
Örugglega bestu kaupin
Sælkerar • Grillmeistarar
Í fyrsta sinn í Reykjavík sérvalið
austfirskt gæðakjöt
DÓMSMÁL Ákæra á hendur Ann-
þóri Kristjáni Karlssyni, Berki
Birgissyni og átta öðrum mönn-
um fyrir þrjár hrottafengnar
líkamsárásir verður þingfest í
Héraðsdómi Reykjaness í dag.
Ákæran er afrakstur lögreglu-
rannsóknar sem komst í fréttir
þegar ráðist var í viðamikla ras-
síu víða á höfuðborgarsvæðinu
um miðjan mars.
Árásirnar þrjár voru mjög
alvarlegar, eins og lesa má um hér
fyrir neðan. Annþór er ákærður
fyrir að standa að þremur þeirra
og Börkur að
tveimur.
Annþór og
Börkur sitja
sem kunnugt
er í gæsluvarð-
haldi, grunað-
ir um að hafa
va ldið sam-
fanga sínum á
Litla-Hrauni
áverkum sem
drógu hann til
dauða fyrir tveimur vikum. Þeir
neita því alfarið.
Búast má við að þeir verði
leiddir fyrir dómara í Héraðsdómi
Reykjaness í dag ásamt öðrum
ákærðum í líkamsárásarmálinu.
Í dag er svo önnur ákæra þing-
fest í Héraðsdómi Reykjaness á
hendur fimm mönnum, sem gefið
er að sök að hafa ráðist á mann
á dekkjaverkstæði í Hafnarfirði í
september 2010, slegið hann með
kylfu í höfuðið og hrint honum
á glervasa sem brotnaði. Tveir
þeirra eru einnig ákærðir með
Annþóri og Berki.
stigur@frettabladid.is
Tíu manns fyrir dóm
í dag vegna ofbeldis
Ákæra á hendur tíu mönnum, með Annþór Kristján Karlsson og Börk Birgisson
í broddi fylkingar, verður þingfest í Héraðsdómi Reykjaness í dag. Taldir hafa
staðið fyrir þremur grófum líkamsárásum. Í varðhaldi grunaðir um manndráp.
ANNÞÓR KARLSSON Ákæran snýr að þremur árásum og er Annþór lykilmaðurinn í þeim öllum. Börkur í tveimur.
BÖRKUR
BIRGISSON
Ákæran snýr að þremur árásum. Annþór var lykilmaður í þeim öllum og Börkur í tveimur þeirra. Samkvæmt
ákærunni eru árásirnar þessar:
Þrjár hrottafengnar líkamsárásir
4. janúar 2012
– Annþór og Börkur fóru í félagi
við sjö meðákærðu að heimili í
Mosfellsbæ þar sem voru fjórir
menn innandyra. Annþór og
Börkur fóru inn og hleyptu í
kjölfarið hinum sjö inn í húsið.
Þar réðust níumenningarnir á
fjórmenningana með hættu-
legum vopnum og bareflum,
þar á meðal golfkylfum, sleggju,
handlóðum og tréprikum. Allir
mennirnir slösuðust, tveir sýnu
verst. Einn þeirra sköflungs-
brotnaði meðal annars og krefst
tveggja og hálfrar milljónar
króna í miskabætur frá fjórum
ákærðu. Hann er eini mað-
urinn í öllu málinu sem gerir
bótakröfu.
BANDARÍKIN Gosdrykkjamál í
lítrastærð heyra mögulega brátt
sögunni til í New York í Banda-
ríkjunum.
Borgarstjórinn, Michael
Bloomberg, vill banna sölu á
sykruðum drykkjum í umbúð-
um sem eru stærri en tæpur
hálfur lítri. Bannið, sem er liður
í baráttunni gegn offitu, á að
ná til skyndibitastaða, kaffi-
húsa, götusala, kvikmyndahúsa
og íþróttaleikvanga, samkvæmt
frétt í New York Times.
Drykkjarvöruframleiðendur
gagnrýna tillöguna og segja
það óréttlátt að borgarstjórinn
bendi á gosdrykki sem söku-
dólg. Yfir helmingur íbúa New
York er feitur eða of þungur.
- ibs
Borgarstjóri New York:
Bann við sölu
á gosi í stórum
umbúðumÖRYGGISMÁL Fjöldi útkalla á sjó á Skjálfandaflóa hefur farið vax-
andi á síðustu árum. Af þessum
sökum hyggst Björgunarsveitin
Garðar á Húsavík endurnýja
björgunarbát félagsins. Þegar
hefur verið samið við breskt sjó-
björgunarfélag um kaup á opnum
harðbotna slöngubát.
„Þetta er sérhannaður björg-
unarbátur þar sem áreiðanleiki,
sjóhæfni og öryggi áhafnarmeð-
lima er haft að leiðarljósi og eru
kostir hans umfram núverandi bát
umtalsverðir,“ segir í fundargerð
bæjarstjórnar Norðurþings sem
kveður verkefnið stórt fyrir björg-
unarsveit af stærðargráðu Garðars
og hyggst styrkja sveitina til kaup-
anna með átta hundruð þúsunda
króna framlagi. Þá hefur Kiwanis-
klúbburinn Skjálfandi boðið aðstoð
sína í málinu. - gar
Nóg að gera á Skjálfandaflóa:
Björgunarsveit
endurnýjar bát
EFNAHAGSMÁL Hæstiréttur hafnaði
í gær kröfu Samherja og tengdra
félaga um að húsleit og haldlagning
Seðlabankans á gögnum á tveimur
starfsstöðvum samstæðunnar yrðu
dæmdar ólögmætar og að Seðla-
bankanum yrði gert að skila öllum
haldlögðum og afrituðum gögnum.
Seðlabankinn framkvæmdi hús-
leit á skrifstofum Samherja á Akur-
eyri og í Reykjavík þann 27. mars
síðastliðinn. Tilefni leitarinnar var
grunur um brot á lögum um gjald-
eyrisviðskipti, einkum þegar kom
að verðlagningu á karfa sem seld-
ur var til dótturfélags Samherja í
Þýskalandi. Seðlabankinn telur að
ósamræmi hafi verið í skilum Sam-
herja á erlendum gjaldeyri.
Þá vísaði Hæstiréttur frá kröfu
samstæðunnar sem laut að lögmæti
og framkvæmd rannsóknaraðgerð-
anna þar sem þær væru afstaðnar.
Í niðurstöðu Hæstaréttar segir að
„vegna mikils umfangs hinna hald-
lögðu gagna yrði að játa SÍ [Seðla-
bankanum] nokkru svigrúmi við
rannsókn þeirra“. Þar segir jafn-
framt að Samherja hafi ekki tekist
að sýna fram á að einstök skjöl eða
önnur gögn hafi verið þýðingarlaus
fyrir rannsóknina. - þsj
Hæstiréttur hafnaði í gær kröfum Samherja og tengdra félaga:
Húsleit Seðlabanka ekki ólögmæt
SAMHERJI Seðlabankinn framkvæmdi
húsleit hjá Samherja í lok mars. Þor-
steinn Már Baldvinsson er forstjóri og
einn aðaleigenda Samherja.
FRÉTTABLAÐIÐ/HEIÐA
Hefur þú sótt tónlistarviðburð í
Hörpu?
JÁ 34,8%
NEI 65,2%
SPURNING DAGINS Í DAG:
Munt þú fylgjast með Evrópu-
mótinu í knattspyrnu í sumar?
Segðu þína skoðun á Vísir.is.
DÓMSMÁL „Ég er ekki viss hvort ég
ætlaði að drepa neinn,“ sagði Guð-
geir Guðmundsson fyrir dómara í
gærmorgun. „En ég er skaðvaldur-
inn í þessu máli.“
Guðgeir er ákærður fyrir að
hafa veitt Skúla Sigurz, fram-
kvæmdastjóra Lagastoða, lífs-
hættulega áverka með hnífi í mars
síðastliðnum. Þegar dómari spurði
hann hvort hann játaði að hafa
stungið Guðna Bergsson lögfræð-
ing í sama máli, svaraði Guðgeir:
„Ég bara man ekkert eftir því, en
mjög líklega já.“ - sv
Guðgeir um hnífstunguárás:
Játaði árásina á
Skúla Sigurz
12. október 2011
– Tveir hinna ákærðu í málinu fóru
með tvo menn um tvítugt sem þeir
töldu sig eiga eitthvað sökótt við á
sólbaðsstofu í Hafnarfirði og leiddu
þá þar fyrir Annþór.
Annþór tók annan kverkataki, hélt
honum upp við vegg, sleppti ekki
fyrr en hann missti meðvitund og sló
hann þá ítrekað í andlitið þar sem
hann lá á gólfinu. Annþór sló hinn
manninn í höfuð og líkama, skipaði
honum að leggjast á gólfið, sparkaði
og sló í hann og stóð síðan á höfði
hans. Þá krafði hann báða mennina
um hálfa milljón með hótunum og
hótaði því enn fremur að þeir „færu
í áskrift“ hjá honum ef þeir segðu frá
brotunum, sem mundi þýða ævilanga
skuld við hann.
15. desember 2011
– Annþór og Börkur ruddust vopn-
aðir inn á heimili í Grafarvogi ásamt
tveimur meðákærðu og öðrum
óþekktum mönnum. Innandyra
voru þrír menn um og undir tvítugu.
Börkur sló einn þeirra með trébarefli
í höfuðið, þeir neyddu annan til að
leggjast á gólfið, stóðu á höndum
hans og neyddu þriðja manninn á
staðnum til að kasta af sér vatni yfir
þann sem lá á meðan Börkur barði
hann í hnakkann með barefli.
Þá kröfðust þeir þess að einn
mannnanna greiddi þeim hálfa
milljón og að annar greiddi þeim
200 þúsund krónur á mánuði um
ótiltekinn tíma. Þeir fóru ekki fyrr en
mennirnir höfðu gengist við kröf-
unum.
KJÖRKASSINN