Fréttablaðið - 01.06.2012, Blaðsíða 58

1. júní 2012 FÖSTUDAGUR42
WOW Náttúra
WOW Fólk
WOW Húmor
Allar upplýsingar og skráning á: www.visir.is/wow
Myndir sem segja WOW!
aktu þátt í ljósmyndakeppni WOW Air og VísisT
Flokkar:
endu inn mynd sem segir WOW fyrir 30. júní og þú getur unnið flugmiða S
rir tvo til Evrópu!fy
FÓTBOLTI Landsliðsþjálfarinn Lars
Lagerbäck afhenti Aroni Einari
Gunnarssyni fyrirliðabandið fyrir
vináttulandsleikinn á móti Frökk-
um á sunnudaginn og Aron Einar
var aftur fyrirliði íslenska liðsins
á móti Svíum í fyrrakvöld. Aron
Einar er fæddur í apríl 1989 og því
nýorðinn 23 ára gamall. Það þarf að
fara 35 ár aftur í tímann til þess að
finna yngri landsliðsfyrirliða hjá
íslenska karlalandsliðinu.
Aron Einar er yngsti landsliðs-
fyrirliðinn síðan Ásgeir Sigurvins-
son bar fyrirliðabandið í leikjum
á móti Hollandi og Belgíu haustið
1977, þá aðeins 22 ára og fjögurra
mánaða. Ásgeir var þarna fyrirliði
landsliðsins í annað og þriðja sinn
en tveimur árum áður hafði hann
sett metið.
Ásgeir bar fyrirliðaband íslenska
landsliðsins í fyrsta sinn í útileik
á móti Belgíu í undankeppni EM 6.
september 1975, þá aðeins 20 ára
og fjögurra mánaða. Ásgeir var þá
leikmaður belgíska liðsins Stand-
ard Liege og var fyrirliði á sínum
eigin heimavelli. Jóhannes Eðvalds-
son var fyrirliði íslenska liðsins á
þessum tíma og lék leikinn á móti
Frökkum þremur dögum áður en
fékk síðan ekki leyfi frá félagi sínu
Celtic til að taka þátt í leiknum.
„Það er glæsilegt að fá fyrirliða-
bandið og ég er að deyja úr stolti.
Það var besta tilfinning sem ég hef
fundið fyrir þegar ég leiddi íslenska
landsliðið út á völl. Ég er sáttur og
ánægður með það,“ sagði Aron
Einar eftir leikinn á móti Svíum.
Þrátt fyrir ungan aldur er Aron
Einar gríðarlega reynslumikill
enda hefur hann verið atvinnu-
maður frá 2006 og var í vetur að
klára sitt fjórða tímabil í ensku b-
deildinni. Aron var langt frá því að
vera elsti leikmaður íslenska liðs-
ins í leikjunum við Frakka og Svía
en hann var aftur á móti sá leikja-
hæsti þegar kemur að leikjum með
A-landsliðinu.
Aron Einar er nefnilega búinn
að spila 28 landsleiki fyrir Ísland
frá því hann fékk fyrsta tækifærið
hjá Ólafi Jóhannessyni í vináttu-
landsleik á móti Hvíta-Rússlandi
í febrúar 2008. Aron Einar, sem
var þá ekki orðinn 19 ára gamall,
var í byrjunarliðinu í fyrsta leik og
lék alls 25 af 39 leikjum í þjálfara-
tíð Ólafs, þar af 12 af 16 leikjum í
keppni.
Lars Lagerbäck vildi ekki gefa
það upp að Aron Einar yrði fram-
tíðarfyrirliði íslenska liðsins en
Akureyringurinn hélt fyrirliða-
bandinu og hefur allt til þess að
bera til að halda fyrirliðabandinu
áfram.
Þrátt fyrir að hafa fengið fyr-
irliðabandið svona ungur þá var
Ásgeir Sigurvinsson aðeins fyrir-
liði í sjö landsleikjum á landsliðs-
ferlinum og þar á meðal í síðasta
landsleik sínum þegar Ísland vann
2-0 sigur á Tyrkjum í Laugardaln-
um í september 1989. Aðalástæða
þess var örugglega sú að Ásgeir
lék aðeins 45 af 130 landsleikjum
Íslands á landsliðsævi sinni. Í þá
daga höfðu félagsliðin öll völdin og
Ásgeir átti oft erfitt með að fá sig
lausan í landsleiki enda algjör lykil-
maður með sínum félagsliðum.
Aron Einar hefur alla burði til að
bera fyrirliðabandið mörgum sinn-
um til viðbótar enda líklegur fasta-
maður á miðju íslenska landsliðsins
næstu árin. Það verður aftur á móti
að koma í ljós hvort hann nái meti
Atla Eðvaldssonar sem bar fyrir-
liðabandið 31 sinni á sínum lands-
liðsferli. ooj@frettabladid.is
Yngsti landsliðsfyrirliðinn í 35 ár
„Ég er að deyja úr stolti,“ sagði Aron Einar Gunnarsson um það að hafa fengið að bera fyrirliðaband ís-
lenska landsliðsins í leikjunum á móti Frökkum og Svíum þrátt fyrir að vera aðeins 23 ára gamall. Hann er
sá yngsti síðan Ásgeir Sigurvinsson bar bandið í tveimur landsleikjum árið 1977.
ÁSGEIR SIGURVINSSON Fyrirliði íslenska landsliðsins í fyrsta sinn aðeins 20 ára, 3
mánaða og 29 daga gamall.
ARON EINAR GUNNARSSON Fyrirliði íslenska landsliðsins í fyrsta sinn aðeins 23
ára, 1 mánaðar og 5 daga gamall. NORDICPHOTOS/AFP
SUND Góður árangur íslensku landssveitarinn-
ar í 4x100 m fjórsundi kvenna á Evrópumeist-
aramótinu í Ungverjalandi á dögunum mun
líklega nægja til að tryggja sveitinni þátttöku-
rétt á Ólympíuleikunum í Lundúnum í sumar.
Í gærkvöldi rann út frestur til að ná lág-
markinu og samkvæmt upplýsingum á heima-
síðu FINA, Alþjóðasundsambandsins, var
Ísland með sextánda besta tímann í heiminum
en það eru einmitt sextán bestu sveitirnar sem
komast inn á leikana. Ísland hefur aldrei áður
átt boðsundsveit á Ólympíuleikum og yrði því
blað brotið í íslenskri íþróttasögu ef FINA
staðfestir í dag að tími sveitarinnar dugi til að
komast inn á leikana.
Sundsveit Ægis hafði bætt Íslandsmetið í
greininni á Íslandsmeistaramótinu í apríl síð-
astliðnum en landssveitin gerði sér lítið fyrir
og bætti metið um tæpar tólf sekúndur.
Sveitina skipuðu þær Eygló Ósk Gústafs-
dóttir, Hrafnhildur Lúthersdóttir, Sarah
Blake Bateman og Eva Hannesdóttir. Eygló
og Sarah höfðu þegar tryggt sig inn á leikana
í sínum einstaklingsgreinum en Hrafnhildur
og Eva myndu því bætast í Ólympíuhópinn.
Íslenska sundfólkið hefur þó enn frest til að
ná Ólympíulágmörkum í sínum greinum en
alls munu sjö sundmenn gera lokaatlögu til
þess á Mare Nostrum-mótaröðinni í Frakk-
landi og Spáni nú í upphafi júnímánaðar.
Keppt verður í Barcelona um helgina og svo
Frakklandi í næstu viku.
Þau sem eru næst því að ná lágmörkum eru
Hrafnhildur í 200 m bringusundi, Ragnheið-
ur Ragnarsdóttir í 50 m skriðsundi og Jakob
Jóhann Sveinsson í 100 og 200 m bringusundi.
Þá munu Anton Sveinn McKee, Erla Dögg
Haraldsdóttir og Árni Már Árnason einnig
keppa á Mare Nostrum og freista þess að ná
sínum lágmörkum. Eygló Ósk keppir einnig
á mótunum en þarf ekki að hafa áhyggjur af
lágmörkunum. - esá
Íslenska sundfólkið er enn að reyna að tryggja sér þátttökurétt á Ólympíuleikunum:
Ísland í fyrsta sinn með boðsundsveit á ÓL
ÍSLENSKA SUNDSVEITIN Frá vinstri eru Eygló Ósk,
Hrafnhildur, Sarah Blake og Eva. MYND/SUNDSAMBAND ÍSLANDS
Fyrirliðar íslenska landsliðsins frá 1970 til 2012
20 ára Ásgeir Sigurvinsson á móti Belgíu 1975
21 árs Gísli Torfason á móti Færeyjum 1975
22 ára Ásgeir Sigurvinsson á móti Hollandi og Belgíu 1977
23 ára Aron Einar Gunnarsson á móti Frakklandi og Svíþjóð 2012
23 ára Einar Gunnarsson á móti Færeyjum og Noregi 1972
24 ára Gísli Torfason á móti Bandaríkjunum 1978
24 ára Jóhannes Eðvaldss. á móti Færeyjum 1974
FÓTBOLTI Arnar Grétarsson, yfir-
maður knattspyrnumála hjá
gríska úrvalsdeildarliðinu AEK,
telur líklegt að Eiður Smári Guð-
johnsen yfirgefi herbúðir liðsins
í sumar. Þetta sagði hann í sam-
tali við Fótbolta.net í gær.
AEK hefur átt í miklum fjár-
hagserfiðleikum og átt í erfið-
leikum með að standa við launa-
greiðslur. „Eiður er ekki vanur
því að vera við aðstæður þar sem
hann fær ekki greitt. Það er eitt-
hvað sem enginn knattspyrnu-
maður vill kjósa yfir sig,“ sagði
Arnar. „Ég veit að hann hefur
ekki áhuga á að vera áfram við
þessar aðstæður.“
Eiður var lengi frá vegna
meiðsla á tímabilinu en skoraði
alls eitt mark í tíu leikjum með
liðinu. Elfar Freyr Helgason er
einnig á mála hjá AEK en Arnar
telur að hann muni fá fleiri tæki-
færi á næsta tímabili en í vetur,
verði hann áfram hjá liðinu.
Hins vegar er óvíst hvort AEK
lifir af sumarið en í gær var til-
kynnt að félagið fengi ekki þátt-
tökurétt í Evrópudeild UEFA á
næsta tímabili. Segir Arnar að öll
vinna þessar vikurnar miðist við
að bjarga félaginu. - esá
Eiður Smári Guðjohnsen:
Líklega á för-
um frá AEK
EIÐUR SMÁRI Sagður vera á förum frá
AEK í Grikklandi. NORDIC PHOTOS/AFP
FÓTBOLTI Kolbeinn Sigþórsson
skoraði glæsilegt skallamark í
tapinu á móti Svíum í fyrrakvöld
og hefur þar með skorað í fyrstu
tveimur leikjum sínum undir
stjórn Lars Lagerbäck.
Kolbeinn hefur alls skorað 6
mörk í fyrstu 10 A-landsleikjum
sínum sem er frábær árangur en
ekki þó besta byrjun landsliðs-
manns.
Ríkharður Jónsson skoraði
nefnilega 8 mörk í fyrstu 10
landsleikjum sínum á árunum
1947 til 1954. Ríkharður skoraði
alls 17 mörk fyrir A-landsliðið og
átti markametið í 59 ár eða þar til
Eiður Smári Guðjohnsen sló það
árið 2007. - óój
Kolbeinn Sigþórsson:
Ríkharður
byrjaði betur
Fyrirliðar Íslands undir 25 ára