Fréttablaðið - 01.06.2012, Blaðsíða 11
FÖSTUDAGUR 1. júní 2012 11
KIRKJUSANDI VÍB og Contra fasteigna-
ráðgjöf eru ráðgjafar nýja félagsins í
uppbyggingu eignasafna og rekstri.
VIÐSKIPTI Íslandsbanki, VÍB-
eignastýringarþjónusta bankans,
Contra fasteignaráðgjöf, Trygg-
ingamiðstöðin og sex lífeyrissjóð-
ir hafa stofnað nýtt fasteigna-
félag undir nafninu FAST-1.
Eignir félagsins við stofnun
eru ríflega 6 milljarða króna
virði. Á næstu mánuðum verður
þó fleiri fjárfestum boðin aðkoma
að félaginu og er stefnt að því að
stækka virði eigna þess í allt að
15 milljarða króna á þessu ári.
„Stofnun öflugs aðila á sviði
fjárfestinga í atvinnuhúsnæði er
mikilvægt skref í að auka fag-
mennsku í þessum eignaflokki á
Íslandi,“ segir Stefán Sigurðsson,
framkvæmdastjóri VÍB. - mþl
Eignir félagsins 6 milljarðar:
Nýtt fasteigna-
félag stofnað
Helmingur keyrir of hratt
16 ökumenn óku of hratt á Hjarðar-
haga í Reykjavík á þriðjudag. Það eru
47 prósent þeirra sem óku þessa leið
þegar lögregla mældi. Þetta er meiri
hraðakstur en vanalega á götunni.
LÖGREGLUFRÉTT
DANMÖRK Þrátt fyrir sýnilega
krossa, kristileg málverk og
kirkjubekki er enginn vandi að
selja kirkjur og safnaðarheim-
ili sem ekki eru lengur í notkun
trúfélaga í stórum borgum í
Danmörku. Á vef Kristilega
dagblaðsins, sem vitnar í fast-
eignasala í Árósum, segir að
sumir kaupendanna breyti bygg-
ingunum í íbúðir en aðrir í veit-
ingastaði.
Þegar ekki er um friðaða
byggingu að ræða er það stað-
setningin sem lokkar fjárfesta
frekar en sjálf byggingin, að
sögn fasteignasalans Sørens
Leth Pedersen sem á undanförn-
um fimm árum hefur selt þrjár
fríkirkjur í Árósum. - ibs
Danskur fasteignasali:
Enginn vandi
að selja kirkjur
EFNAHAGSMÁL Alls 54 fyrirtæki
voru tekin til gjaldþrotaskipta í
apríl. Hafa gjaldþrot ekki verið
svo fá í einum mánuði síðan í ágúst
í fyrra. Til samanburðar voru
158 fyrirtæki tekin til gjaldþrota-
skipta í mars og 78 í apríl í fyrra.
Nokkurrar árstíðasveiflu gætir
í fjölda gjaldþrota og fækkar þeim
því iðulega á vorin.
Þar með hafa alls 407 fyrirtæki
verið tekin til gjaldþrotaskipta á
fyrstu fjórum mánuðum ársins
sem er 23 prósenta fækkun frá
árinu 2011. - mþl
Nýjar tölur frá Hagstofunni:
Gjaldþrotum
fækkaði í apríl
UMHVERFISMÁl Umhverfisráðuneytið
hefur úthlutað 28,4 milljónum króna
úr Veiðikortasjóði í styrki til ýmissa
rannsóknarverkefna. Hæsti ein-
staki styrkurinn fer til rannsókna
á rjúpum.
Í kjölfar auglýsingar um umsókn-
ir um styrki úr Veiðikortasjóði til
rannsókna á stofnum villtra fugla
og villtra spendýra bárust umhverf-
isráðuneytinu tólf umsóknir frá 15
aðilum að upphæð ríflega 50 millj-
ónir króna.
Að því er segir í frétt ráðuneytis-
ins er úthlutunin byggð á umsögn-
um sem Umhverfisstofnun fékk
frá ráðgjafarnefnd með fulltrúum
Bændasamtaka Íslands, Skotveiði-
félags Íslands og umhverfisvernd-
arsamtaka.
Af einstökum styrkjum að þessu
sinni má nefna samtals 10,8 milljóna
króna styrki til Náttúrufræðistofn-
unar Íslands til rannsókna á rjúpu,
1,5 milljónir til Náttúrustofu Aust-
urlands til að rannsaka gæsabeit-
arálag á bújörðum, 3,2 milljónir til
Náttúrustofu Suðurlands til að rann-
saka lunda og 3 milljónir til Háskóla
Íslands sem rannsakar vetrarfæðu
sjófugla á íslenska landgrunninu.
- gar
Umhverfisráðuneytið úthlutar 28,5 milljónum í styrki úr Veiðikortasjóði:
Hæstu styrkirnir til rjúpnarannsókna
RJÚPA Stærð rjúpnastofnsins hefur verið
á niðurleið undanfarin ár og miklar
hömlur verið settar á veiðar. MYND/KRISTJÁN
VIÐURKENNDIR BÓKARAR
Í 12 ÁR HEFUR OPNI HÁSKÓLINN Í HR ANNAST UNDIRBÚNING
OG HAFT UMSJÓN MEÐ PRÓFUM FYRIR VIÐURKENNDA BÓKARA.
Opni háskólinn í HR býður í haust upp á undirbúningsnám til viðurkenningar bókara sem byggir á reynslu
og traustum grunni með þaulreyndum sérfræðingum. Námið hefst þann 20. ágúst n.k.
Námið undirbýr nemendur fyrir próf á vegum efnahags- og viðskiptaráðuneytis til viðurkenndra bókara,
skv. 43. grein laga nr. 145/1994 um bókhald.
I. HLUTI – SKATTSKIL
Markmið námskeiðsins er að veita almenna innsýn í skattalög
og reglur varðandi skattlagningu fyrirtækja og einstaklinga.
II. HLUTI – UPPLÝSINGAKERFI OG ÖRYGGISÞÆTTIR
Markmið námskeiðsins er að dýpka skilning þátttakenda á
áhrifum upplýsingakerfa á reikningshald og rafræn samskipti.
Áhersla er lögð á notkun Excel við bókhaldsstörf.
VIÐ BYGGJUM
Á TRAUSTUM GRUNNI
Sjá nánar
www.opnihaskolinn.is
eða hafðu samband við okkur í síma 599 6300
umsóknarfrestur er til 5. júní
III. HLUTI – REIKNINGSHALD
Markmið námskeiðsins er að auka þekkingu þátttakenda á
meginreglum reikningshalds og því lagaumhverfi sem bókhald
og reikningsskil byggja á.
Leiðbeinendur: Hólmgeir E. Flosason, hdl., Lúðvík Þráinsson, Emil Viðar Eyþórsson,
Páll Daði Ásgeirsson og Tryggvi Jónsson lögg. endurskoðendur hjá Deloitte.
KVEIKTI Í SÍGARETTUM Á tóbaks-
lausa deginum gerði þessi maður
sér lítið fyrir og kveikti í sígarettum á
mótmælafundi í Amritsar á Indlandi.
NORDICPHOTOS/AFP