Fréttablaðið - 01.06.2012, Blaðsíða 8

1. júní 2012 FÖSTUDAGUR8
1. Hvar vill listamaðurinn Santiago
Sierra að listaverk sitt um borgara-
lega óhlýðni verði staðsett?
2. Hvað hannaði Kristján Eyjólfs-
son handa Englandsdrottningu?
3. Hvað heitir nýjasta plata Sigur
Rósar?
SVÖR
1. Á Austurvelli 2. Barmnælu 3. Valtari
NEYTENDUR Innanríkisráðuneytið hefur stað-
fest að ÁTVR megi ekki dreifa sígarettum sem
ekki uppfylla nýjan öryggisstaðal Evrópska
efnahagssvæðisins. Um er að ræða hertar regl-
ur um hvernig sígarettupappír má brenna.
Á vef ÁTVR segir að undanfarið hafi öll
sígarettubréf verið að breytast í tregbrennan-
lega gerð samkvæmt alþjóðlegum stöðlum:
„Í tregbrennanlegar sígarettur er notað bréf
sem er þannig samsett að hætta á að kvikni
í út frá þeim verður óveruleg ef viðkomandi
hættir að draga að sér reykinn, til dæmis ef
sofnað er út frá þeim.“
Reglurnar tóku gildi í nóvember í fyrra. Í
frétt á vef Neytendastofu segir að ÁTVR hafi
óskað eftir því að fá að selja þær sígarettur
sem til voru á lager og uppfylla ekki hinn nýja
öryggisstaðal.
Sigrún Ósk Sigurðardóttir, aðstoðarforstjóri
ÁTVR, segist hafa gert verulegar athugasemd-
ir við frétt Neytendastofu.
„Við getum ekki lesið sömu túlkun út úr
ákvörðun ráðuneytisins,“ segir hún. „Við
töldum einungis á sínum tíma að eðlilegt væri
að staðallinn væri innleiddur á annan máta
heldur en að koma eins og þruma úr heiðskíru
lofti.“
Sigrún segir sígarettumagnið sem til var
hafa verið óverulegt og fjárhagslegt tjón lítið
sem ekkert. Nú hafi einungis tregbrennanleg-
ar sígarettur verið í umferð í þó nokkurn tíma.
- sv
Innanríkisráðuneytið staðfestir úrskurð um bann við söludreifingu á sígarettum:
Má bara selja tregbrennanlegar sígarettur
Við fjármögnum
ferðavagninn þinn
Ergo vill aðstoða þig við að eignast ferðavagn
Þú finnur draumavagninn þinn og sendir okkur nánari
upplýsingar. Saman finnum við svo réttu lausnina til að
aðstoða þig við fjármögnunina.
Útilegukort fylgja öllum ferðavagnalánum
til 15. júní en með kortinu hefur þú aðgang að
44 tjaldsvæðum um land allt.
Kynntu þér málið nánar á ergo.is
sími 440 4400 > www.ergo.is
SÝRLAND, AP „Þeir eru að segja
mér að þeir vilji ekki sjá borgara-
stríð. Ég hef verið að segja þeim
að stefna þeirra muni hjálpa til við
að stuðla að borgarastríði,“ sagði
Hillary Clinton, utanríkisráðherra
Bandaríkjanna, um afstöðu Rússa
í öryggisráði Sameinuðu þjóðanna.
Rússar hafa, eins og Kínverjar,
verið andvígir því að öryggisráð-
ið heimili ríkjum Sameinuðu þjóð-
anna að beita hervaldi eða annars
konar beinni íhlutun í málefni Sýr-
lands. Bæði Rússar og Kínverjar
ítrekuðu þessa afstöðu sína í gær.
Clinton brást við með því að
gagnrýna harðlega afstöðu beggja
ríkjanna.
Ban Ki-moon, framkvæmda-
stjóri Sameinuðu þjóðanna, segir
mikla hættu á því að borgarastríð
hefjist með algjöru öngþveiti í
Sýrlandi, nú í kjölfar fjöldamorð-
anna í Houla á föstudag. Meira en
hundrað manns létu þar lífið, bæði
í sprengjuárásum stjórnarhersins
og þegar vígasveitir, sem stjórn-
arherinn hefur stundum fengið til
liðs við sig, gengu hús úr húsi og
myrtu fólk.
Í gær gerði stjórnarherinn síðan
aftur árás á Houla.
Hafi einhverjir haft í upphafi
trú á friðaráætlun Sameinuðu
þjóðanna og Arababandalags-
ins, sem Kofi Annan fyrrver-
andi framkvæmdastjóri Sam-
einuðu þjóðanna var fenginn til
að þrýsta á um, þá virðist sú trú
fokin út í veður og vind.
Vopnahléð, sem bæði Sýrlands-
stjórn og uppreisnarherinn hétu
að virða, hefur að mestu verið
nafnið eitt, þótt hugsanlega hafi
sveitir beggja eitthvað haldið
aftur af sér vegna þess.
Qassim Saadeddine, herfor-
ingi í herliði uppreisnarmanna í
Homs, sagði í gær að stjórnarher-
inn hafi frest þangað til í dag til
að leggja niður vopn samkvæmt
því sem um var samið. Að öðrum
kosti telji uppreisnarmenn sig
ekki þurfa að virða vopnahléð
heldur.
Riyad Assad, yfirmaður upp-
reisnarsveitanna, bar þetta hins
vegar fljótlega til baka og sagði
stjórnarhernum ekki hafa verið
settur neinn frestur. Einnig
ítrekaði hann að uppreisnarmenn
telji sig bundna af vopnahléssam-
komulaginu.
gudsteinn@frettabladid.is
Segja Rússa
stuðla að
borgarastríði
Þrýst er á Rússa og Kínverja að samþykkja harðari
aðgerðir gegn Sýrlandi í Öryggisráði SÞ. Uppreisnar-
menn vonast til að vopnahléið verði lýst ónýtt.
UMSETNIR FRIÐAREFTIRLITSMENN Á mótmælafundi í bænum Kfarnebel flykktist fólk
að bifreið friðargæslumanna Sameinuðu þjóðanna. FRÉTTABLAÐIÐ/AP
Ellefu ára drengur í Houla á Sýrlandi, Ali el-Sayed að nafni, segist hafa
lagst á gólfið heima hjá sér, sett á sig blóð úr yngri bróður sínum og þóst
vera dauður til að villa um fyrir vígamönnum, sem fóru um húsið og drápu
foreldra hans og fjögur systkini eitt af öðru. Erfiðast hafi verið að hætta að
skjálfa af hræðslu.
Vígamennirnir, sem uppreisnarmenn fullyrða að hafi verið á vegum
stjórnarhersins, voru síðskeggjaðir en krúnurakaðir. Þeir drápu meira en
hundrað manns í fjöldamorðunum á föstudaginn fyrir viku. Nærri helmingur
hinna myrtu voru á barnsaldri.
Lagðist niður og þóttist vera dauður
SÍGARETTA Allar sígarettur
sem nú eru til sölu á landinu
slökkva í sér innan tveggja
mínútna séu þær ekki reyktar.
VEISTU SVARIÐ?