Fréttablaðið - 02.06.2012, Side 30

2. júní 2012 LAUGARDAGUR30
Sólin sleikt og fræjum sáð
Þórsmörk skartaði sínu fegursta þegar Vilhelm Gunnarsson ljósmyndari var þar á ferðinni á dögunum. Tilgangurinn var meðal
annars að sá við Litla-Enda við Krossá, gegnt Básum. Tækifæri til náttúruskoðunar var að sjálfsögðu líka nýtt, enda margt að sjá.
Í MERKURKERI Skömmu eftir að beygt er frá þjóðveginum í átt að Þórsmörk er
komið að Merkurkeri, gljúfri sem gaman er að ganga í gegnum. VÖKVAÐ Að lokinni sáningu þarf að vökva. Í góða veðrinu skiptir litlu þó að dágóður hluti vatnsins lendi á ferðalöngum.
SVALANDI BAÐ EFTIR LANGA GÖNGU Hundurinn Neró kælir sig á Krossáraurum enda ekki vanþörf á í góða veðrinu. Í baksýn blasir Mýrdalsjökull við.
SÁÐ Í LITLA-ENDA Fyrir tveimur árum fór gróður fyrir framan Litla-Enda illa út úr flóðum í Krossá. Askan sem lagðist yfir Þórsmörk eftir
eldgosið í Eyjafjallajökli bætti ekki úr skák. Um liðna helgi var vösk sveit mætt til að græða upp landið og sá fræjum.