Fréttablaðið - 02.06.2012, Blaðsíða 82

2. júní 2012 LAUGARDAGUR46
1. Selfoss
Sundlaugin á Selfossi er ein sú skemmtileg-
asta á landinu og tilvalinn áningarstaður. Verði
menn svangir er fjöldi staða þar sem seðja má
hungrið. Heimamenn stæra sig af því að Pylsu-
vagninn sé sá besti á landinu en einnig má
mæla með veitingastaðnum Menam. Menam,
sem þýðir „Við fljótið”, er taílenskur/alþjóð-
legur veitingastaður þar sem aðaláhersla er
lögð á fyrsta flokks hráefni og alúðlega þjón-
ustu. Gríðarlegt ísúrval er í ísbúðinni Íslandus
og svo má fá sér kaffi á nokkrum stöðum, til
dæmis í Sunnlenska bókakaffinu eða Kaffi krús
en þar er líka hægt að sitja úti. Bæjarkjarni
hefur verið á Selfossi um langt skeið og þá sögu
má glöggt sjá í húsum bæjarins en göngutúr
áhugamanna um byggingarlist gæti hafist við
útibú Landsbankans sem teiknað var af Guðjóni
Samúelssyni og lokið í Suðurbyggð, hverfi sem
byggðist upp í góðærinu.
2. Stokkseyri
Draugasafn, dásamlegur humar á veitingahús-
inu Við fjöruborðið, hvít fjara og falleg náttúra
eru allt góðar ástæður fyrir stoppi á Stokkseyri
sem er steinsnar frá Selfossi. Einnig er vert að
benda á Knarrarósvita skammt austan Stokks-
eyrar. Hann er hæsta bygging á Suðurlandi,
byggður á árunum 1938-1939 eftir hugmynd-
um Guðjóns Samúelssonar en hönnun Axels
Sveinssonar.
3. Eyrarbakki
Það er eins og að fara í tímavél að sækja Eyr-
arbakka heim, gömul og falleg hús eru þar á
hverju strái. Rauða húsið er veitingastaður sem
stendur fyrir sínu og svo er kaffihúsið Gónhóll
opið um helgar. Þar er einnig rekinn markaður
um helgar.
4. Hellisskógur
Útivistarsvæðið Hellisskógur er falin perla við
norðanverða Ölfusá. Þar er gaman að ganga og
aka um og hægt er að skoða Hellinn sem skóg-
urinn dregur nafn sitt af. Komið hefur verið
upp grillaðstöðu á svæðinu þar sem margir
göngustígar eru, útsýni er fallegt og þar eru
einnig minjar um búsetu og mannaferðir. Til að
komast á svæðið er beygt til vinstri rétt áður
en ekið er yfir Ölfusárbrú á leið inn í Selfoss og
ekið í gegnum hverfið þar.
5. Friðland í Flóa
Fuglalíf í Flóanum er fjölskrúðugt og friðlandið
þar telst ásamt Ölfusforum til ósasvæðis Ölf-
usár sem er alþjóðlega mikilvægt fuglasvæði.
Flæðiengjar og tjarnir setja svip á friðlandið
og þar er gaman að rölta um með kíki um háls-
inn og skoða fugla.
6. Þrastarskógur
Fjölmargar gönguleiðir í Þrastarskógi eru ekki
síst skemmtilegar fyrir börnin. Þar má tjalda,
en einnig er staðurinn tilvalinn til dagsferð-
ar, hægt er að grilla og svo má auðvitað renna
fyrir lax en veiðileyfi í Ölfusá eru seld í sölu-
skálanum.
7. Sveitabúðin Sóley
Sveitabúðin Sóley við bæinn Tungu er skammt
austan Stokkseyrar. Þar er alltaf opið ef ein-
hver er heima og bráðskemmtilegt er að líta við
í búðina sem selur ýmiss konar fallega muni.
8. Gallerí Tré og list
Í Forsæti í Flóahreppi er safn smíðamuna í
Gallerí Tré og list. Það er í gömlu fjósi sem end-
urbyggt var af ábúendum. Ólafur Sigurjónsson
bóndi er listasmiður eins og sjá má á safninu
en þar eru einnig haldnar sýningar reglulega.
Fjör og fáfarnar slóðir
Sveitarfélagið Árborg státar af mörgum skemmtilegum áfangastöðum fyrir ferðalanga. Selfoss,
Stokkseyri og Eyrarbakki eru allt bæir sem vert er að sækja heim. Í nágrenni þeirra eru svo náttúru-
perlur sem gaman er að skoða. Sumarferðalag Fréttablaðsins hefst á Selfossi.
Bæjar-, fjölskyldu- og tónlistarhá-
tíðin Kótelettan verður haldin í
þriðja sinn á Selfossi um næstu
helgi. Hátíðin hefst föstudaginn 8.
júní og stendur fram á sunnudag.
Á hátíðinni er vakin athygli á þeim
fjölmörgu matvælafyrirtækjum sem
er að finna á Selfossi. og grillilminn
leggur yfir bæinn. Þá er vegleg dag-
skrá fyrir fjölskylduna alla helgina.
Tónlist af ýmsu tagi mun svo óma
alla helgina. En meðal tónlistar-
manna sem leika munu fyrir bæjar-
búa og gesti um næstu helgi eru
Björgvin Halldórsson, Retro Stefson,
Páll Óskar og Ingó og Veðurguðirnir.
Nánari upplýsingar um hátíðina er
að finna á heimasíðu hennar www.
kotelettan.is.
KÓTELETTAN Í ÞRIÐJA SINN
JÚNÍ
8.–10. júní: Kótelettan 2012.
Bæjar-, fjölskyldu- og tónlistarhátíð.
9. júní: Hálandaleikar á Selfossi.
Hálandaleikar haldnir í miðbæjargarð-
inum á Selfossi.
23. júní: Jónsmessuhátíðin á
Eyrarbakka. Fjölbreytt dagskrá í
gangi, varðeldur, söngur og fleira.
22.–24. júní: Landsmót fornbíla-
klúbbs Íslands. Bílasýning. bílaleikir
og fleira.
29. júní–1.júlí: Sumarmót hvíta-
sunnumanna 2012. Glæsileg kristileg
fjölskyldudagskrá fyrir alla aldurs-
hópa.
JÚLÍ
20.–22. júlí: Bryggjuhátíðin á
Stokkseyri. Bryggjusöngur og fjöl-
breytt fjölskyldudagskrá.
ÁGÚST
3.–6. ágúst: Fjölskyldudagar á
Stokkseyri. Færeyskir fjölskyldudagar
verða haldnir á Stokkseyri.
3.–5. ágúst: Unglingalandsmót. 15.
Unglingalandsmót UMFÍ.
10.–12. ágúst: Meistaradeild Olís á
Selfossi. Knattspyrnumótið Meistara-
deild Olís.
11. ágúst: Sumar á Selfossi og
Delludagur. Rótgróinn bæjar- og fjöl-
skylduhátíð.
18.–19. ágúst: Aldamótahátíð á
Eyrarbakka. Árleg þorpshátíð.
Nánari upplýsingar á www.arborg.is.
Árborg í sumar
Bylgjulestin verður á ferðinni í sumar líkt og
undanfarin sumur. Fyrsti áfangastaður er tón-
listar og grillhátíðin Kótelettan á Selfossi sem
fram fer næstu helgi.
Hemmi Gunn er lestarstjóri og honum við
hlið er hin fjöruga Svansí. Þau stýra þættinum
Ævintýraeyjan á Bylgjunni á laugardögum milli
kl. 13 og 16 og senda út frá viðkomustöðum
lestarinnar sem verða um allt land..
Í Bylgjulestinni er hljóðnemum Bylgjunnar
beint að fólkinu sem býr í bæjunum, fólkinu
sem er að ferðast um landið og kíkir í heimsókn
og reynt að koma stemningunni til allra hinna
sem eiga ekki heimangengt.
■ BYLGJULESTIN
1
5
2
6
3
7
4
8
Ölfusá
Þjórsá
Sog