Fréttablaðið - 16.06.2012, Qupperneq 102

16. júní 2012 LAUGARDAGUR70
PERSÓNAN
„Ég er búinn að gefa út mörg hundruð plötur
með öðrum en ég hef ekki áður gefið út plötu
með sjálfum mér,“ segir Steinar Berg Ísleifs-
son.
Hann hefur sent frá sér fimm laga plötuna
Stutt í brosið með hljómsveitinni Grasösnum.
Hún er skipuð tónlistarmönnum frá Vestur-
landi en í Borgarfirði rekur Steinar Berg ein-
mitt ferðaþjónustuna Fossatún.
Steinar Berg stýrði útgáfunni Steinar hér á
árum áður, sem síðar breyttist í Spor og Skíf-
una. Hann er því enginn nýgræðingur í brans-
anum. Draumur um að gefa út eigin plötu er
samt nýtilkominn. „Þetta kom bara til af því
að ég keypti mér gítar. Síðan var það svoleið-
is í hruninu að síminn hætti að hringja og ég
datt í þennan gír. Ég fór í gítartíma í Borgar-
nesi og uppgötvaði að þarna eru ágætis tón-
listarmenn.“
Tónlistin sem Grasasnar spila er sótt í
grunn írskrar tónlistar og kántrítónlistar og
var allur söngur og hljóðfæraleikur tekinn
upp í einu. Lögin koma úr ýmsum áttum en
eiga það sameiginlegt að fjalla um eða vekja
bros.
Steinar fékk marga vini sína úr bransanum
til að spila með sér á plötunni, þar á meðal
Jakob Frímann Magnússon, Guðmund Stein-
grímsson, Margréti Eir Hjartardóttur, Helga
P. og Dan Cassidy. Steinar reiknar með að
spila á tónleikum með Grasösnum í haust
þegar hægist um í ferðamennskunni. Líklega
munu þeir félagar samt spila eitthvað í Fossa-
túni í sumar fyrir gesti og gangandi. - fb
Gefur loksins út eigin plötu
FYRSTA PLATAN Steinar Berg hefur gefið út sína fyrstu
plötu með hljómsveitinni Grasösnum. FRÉTTABLAÐIÐ/ANTON
„Okkur vantar fleiri aðila með þekkingu á við
erlenda umboðsmenn. Við erum soddan sveitamenn
hérna heima,“ segir Tómas Young hjá Útón, útflutn-
ingsskrifstofu íslenskrar tónlistar.
Tveir styrkir verða veittir til umboðsmanna, eða
verðandi umboðsmanna, sem hafa áhuga á að kom-
ast að hjá fyrirtæki í Bretlandi til að efla þekkingu
sína á tónlistarviðskiptum. Verkefnið er unnið af
Útón í samstarfi við Leonardo, starfsmenntaáætlun
Evrópusambandsins, og dvelja styrkþegarnir úti í
tíu vikur. Samtals nemur hvor styrkur rúmum sex
hundruð þúsund krónum.
Aðspurður telur Tómas að fleiri íslensk bönd
gætu náð betri árangri erlendis ef þau væru með
öfluga umboðsmenn. Hann nefnir sem dæmi að
hljómsveitin Of Monsters and Men hafi verið heppin
að hafa komist í kynni við breska umboðsmanninn
Heather Kolker. Hún er búsett hér á landi, á íslensk-
an mann og hefur starfað fyrir stór bönd á borð við
MGMT og Edward Sharpe and the Magnetic Zeros.
„Þekkingin sem hún hefur fleytti þeim örugglega
svolítið langt áfram.“
Hann vonast til að þeir tveir aðilar sem fái styrk-
inn til að fara út komist í góð sambönd. „Við viljum
að fólkið sjái hvernig bransinn úti virkar og að það
byggi upp ákveðið tengslanet.“
Umsóknarfrestur rennur út 1. september og skulu
áhugasamir senda póst á tomas@icelandmusic.is. - fb
Vantar íslenska umboðsmenn
VANTAR UMBA Tómas Young hjá Útón segir að það vanti
öfluga umboðsmenn á Íslandi. FRÉTTABLAÐIÐ/VILHELM
Saga Garðarsdóttir
Aldur: 24 ára.
Starf: Gervitauga-
fræðingur og
leikkona.
Foreldrar:
Garðar Garðarsson
rafmagnstækni-
fræðingur og
Sigrún Björnsdóttir,
ljóðskáld og séní.
Fjölskylda: Ein eldri systir og sam-
býlismaður sem elskar mig ekki.
Búseta: Grenimelur 39, tek við
ástarsímskeytum.
Stjörnumerki: Ljón og rísandi
kanína.
Saga er að vinna að fyrirlestri og bók
um mannsheilann ásamt Sigrúnu Hlín
Sigurðardóttur.
Bandaríski tónlistarmaðurinn John
Grant vill fá Íslendingana sem spila
með honum á nýrri sólóplötu hans
til að fara með sér í tónleikaferð
erlendis.
„Mig langar að fá þá með mér
en menn eru með fjölskyldur og að
sinna sínu lífi. Þeir vilja samt koma
með mér og ég vona að það gangi
upp,“ segir Grant.
Hljómsveitin er skipuð tromm-
aranum Arnari Geir Ómarssyni,
Pétri Hallgrímssyni gítarleikara og
Jakobi Smára Magnússyni bassa-
leikara. „Maður fær ekki betri
náunga með sér. Þeir eru algjörir
fagmenn en það mikilvægasta er
hversu góðar manneskjur þeir eru
og ég næ mjög góðum tengslum við
þá. Helminginn af tímanum sem
við eyðum saman erum við hlæj-
andi og í góðum gír,“ segir hann
um hljómsveitina sína, sem spil-
ar einnig með honum á tónleikum
í Háskólabíói 19. júlí. Enn eru til
miðar á þá.
Íslandsvinurinn er að ljúka upp-
tökum á plötunni hér á landi í sam-
starfi við Bigga veiru úr GusGus
og er hún væntanleg í verslanir í
janúar. Fyrsta plata hans, Queen
of Denmark, fékk glimrandi góðar
viðtökur og var meðal annars valin
plata ársins af bandaríska tónlist-
artímaritinu Mojo.
Grant er með landvistarleyfi á
Íslandi þangað til í haust. Þá ætlar
hann að fljúga heim til sín í Color-
ado og hitta bróður sinn og syst-
ur sem búa þar. Hann segir ótrú-
lega gott að búa á Íslandi, bæði séu
Íslendingar öðruvísi en annað fólk
og einnig er hann ánægður með
hvernig Íslendingar taka á málum
tengdum samkynhneigð. „Þeir líta
ekki á hana sem eitthvað tiltökumál
og það er algjörlega frábært.“
Grant spilaði ásamt hljóm-
sveit sinni á stuttum tónleikum í
Nýlenduvöruverslun Hemma og
Valda í hádeginu í gær. Þar söng
hann fjögur lög, þar á meðal Ástar-
sorg eftir Jóhann Helgason. Honum
fórst það mjög vel úr hendi og
greinlegt að hann hefur lagt hart
að sér í íslenskunámi sínu. „Ég ætla
að taka upp Ástarsorg og setja það
á plötuna. Biggi veira spilaði það
fyrir mig í hljóðverinu og ég tengdi
virkilega mikið við þetta lag. Það er
svo fallegt og hljómagangurinn er
æðislegur.“
freyr@frettabladid.is
JOHN GRANT: MAÐUR FÆR EKKI BETRI NÁUNGA MEÐ SÉR
Vill íslenska hljómsveit
á tónleikaferð erlendis
Cruise-fjölskyldan mætt til landsins
Fyrir hádegi í gær lenti einkaþota Hollywood-leikarans Tom Cruise á Reykja-
víkurflugvelli. Leikarinn og föruneyti hans, þar á meðal sex ára dóttir hans
Suri og eiginkonan, leikkonan Katie Holmes, fóru strax inn í svarta jeppa með
skyggðum rúðum sem óku þeim rakleiðis á Hilton Reykjavik Nordica hótelið.
Þar hefur fjölskyldan tekið á leigu forsetasvítuna og ku vera mikil öryggisgæsla
í kringum hótelið.
Skömmu eftir að Cruise lenti í Reykjavík
fóru framleiðendur og aðstandendur
myndarinnar Oblivion með þremur
þyrlum, þar á meðal þyrlu Landhelgis-
gæslunnar, til að skoða tökustaði fyrir
myndina en tökur eiga að hefjast
á næstunni. Cruise mun ekki hafa
verið með í þeirri þyrluför.
Ekki er vitað hversu lengi leikar-
inn og fylgdarlið hans ætlar að
dvelja í Reykjavík en talið er að
Cruise hafi tekið á leigu húsið
Hrafnabjörg í Eyjafirði þar sem
hann dvelur á meðan á tökum
stendur. Ekki er vitað hversu
lengi Holmes og Suri ætla að
vera hér á landi en Holmes
er einnig í tökum á ónefndri
mynd eftir leikstjórann
Christian Camargo í sumar.
Hún verður þó væntanlega
viðstödd er Cruise verður
fimmtugur þann 3. júlí. - áp
FRÉTTIR AF FÓLKI
GRANT OG FÉLAGAR John Grant á tónleikunum í hádeginu í gær ásamt Arnari Geir, Pétri og Jakobi Smára. FRÉTTABLAÐIÐ/GVA
Hvaða Spirulina ert þú að taka?
Árangur fer eftir gæðum
Lífrænt ofur fjölvítamín náttúrunnar
Næringarupptaka úr Lifestream Spírulína
er meira og nýtist betur en úr nokkru
öðru fæði.
Fullkomið jafnvægi næringarefnanna gefur
einbeitingu, langvarandi náttúrlega orku og er
gott gegn streitu.
Dregur úr ofvirkni, sykurlöngun og sleni.
Styrkir ónæmikerfið, hentar börnum og
fullorðnum.
13 vítamín og 16 steinefni · 18 aminósýrur · Blaðgræna · Omega
GLA fitusýrur · SOD eitt öflugasta andoxunarensím líkamans
Eingöngu lífræn næringarefni tryggja betri upptöku og nýtingu í líkamanum.
Fæst í apótekum, heilsubúðum, Krónunni,
Fríhöfninni og Hagkaup
Hraust og hress
Árangur strax!
www.celsus.is
Súrefnistæmdar umbúðir vernda næringaefnin.
Vottað lífrænt
ÓSKA EFTIR
að kaupa enska tungumálanámskeiðið English Course
Ég borga 50,000.- krónur fyrir námskeiðið
Upplýsingar í síma 865 7013