Fréttablaðið - 23.06.2012, Blaðsíða 4

23. júní 2012 LAUGARDAGUR4
ÍS
LE
N
SK
A
S
IA
.I
S
S
FG
4
20
40
0
4.
20
08
FRÉTTASKÝRING
Munu Ágúst og Lýður eignast
Bakkavör?
Bræðurnir Ágúst og Lýður Guð-
mundssynir hafa gert tilboð til
allra hluthafa í Bakkavör Group
og vilja eignast félagið sem þeir
stofnuðu að fullu. Þeir hafa boðið
verð sem er hærra en það sem
var á nýlegri hlutafjáraukningu.
Þar eignuðust bræðurnir 25 pró-
senta hlut fyrir um fjóra milljarða
króna. Miðað við það er ljóst að
bræðurnir hafa boðið á annan tug
milljarða króna hið minnsta í hlut
annarra í Bakkavör Group.
Samkvæmt heimildum Frétta-
blaðsins hafa þeir boðist til að
greiða í reiðufé og að ekki sé um
lánsfé frá fjármálastofnunum
að ræða. Viðmælendur Frétta-
blaðsins innan lífeyrissjóða sem
eiga hluti í Bakkavör Group segja
mikið rætt um það hvaðan pening-
arnir sem bræðurnir séu að bjóða
komi, enda hafi öll stór félög sem
þeir áttu í fyrir bankahrun orðið
gjaldþrota eða lent í annars konar
fjárhagslegum hremmingum.
Á meðal þeirra eru Kaupþing,
Exista (sem í dag heitir Klakki) og
Bakkavör. Ágúst er í dag forstjóri
Bakka varar og Lýður stjórnarfor-
maður félagsins.
Heimildir Fréttablaðsins herma
að stórir innlendir hluthafar ætli
sér ekki að taka tilboði bræðr-
anna og vinni nú að því að mynda
meirihlutablokk í stjórn félagsins
til að tryggja yfirráð sín. Bæði sé
tilboðið of lágt miðað við núvirði
félagsins, sem er talið vera allt að
40 milljarðar króna, auk þess sem
vonir séu bundnar við að virðið
muni aukast. Velta Bakkavarar
Group á árinu 2011 var enda rúm-
lega 320 milljarðar króna og því
ljóst að félagið er mjög verðmætt
ef vel tekst til að endurskipu-
leggja það.
Eins og staðan er í dag á Arion
banki 34 prósenta hlut í Bakkavör
Group og er stærsti einstaki eig-
andi félagsins. Þá á Lífeyris sjóður
verzlunarmanna sjö prósent og
Gildi lífeyrissjóður um fimm
prósenta hlut. Þessir þrír aðilar
mynda bakbeinið í meirihluta-
blokkinni. Auk þess hafa smærri
lífeyrissjóðir og sjóðir í stýringu
banka sem eru í hluthafahópnum
heitið að standa að henni.
Lífeyrissjóður starfsmanna
ríkisins (LSR) seldi hins vegar
allan eignarhlut sinn í Bakkavör
Group eftir að hugmyndir komu
upp um hlutafjáraukninguna sem
leiddi til þess að bræðurnir urðu
aftur eigendur í félaginu.
Haukur Hafsteinsson, fram-
kvæmdastjóri LSR, sagði við
Fréttablaðið 6. júní síðastliðinn
að salan hefði verið vegna þess að
sjóðurinn hefði ekki verið sáttur
við þær hugmyndir sem kynntar
voru á hluthafafundi Bakka varar
í maí um hlutafjáraukninguna.
Hann sagði að tilboðið hefði
komið í gegnum ótengdan aðila.
Samkvæmt heimildum Frétta-
blaðsins voru það þó bræðurnir
Ágúst og Lýður sem eignuðust á
endanum þann hlut og greiddu um
einn milljarð króna fyrir.
thordur@frettabladid.is
Bakkavararbræður gera
milljarðatilboð í félagið
Ágúst og Lýður reyna að eignast Bakkavör Group að fullu. Hafa gert milljarðatilboð í aðra hluti. Enginn
söluvilji hjá stærstu eigendum. Innan raða þeirra furða menn sig á hvernig tilboðin eru fjármögnuð.
STOFNENDUR Bræðurnir hafa gengið á milli annarra hluthafa undanfarna daga og
boðist til að kaupa hluti þeirra í Bakkavör Group. FRÉTTABLAÐIÐ/VILHELM
Kröfuhafar með stjórnartaumanna
Á aðalfundi Bakkavarar Group sem haldinn var 23. maí síðastliðinn
samþykktu kröfuhafar umtalsverðar breytingar á félaginu. Í þeirri
breytingu fólst meðal annars að íslenskir kröfuhafar Bakkavarar Group,
að mestu bankar og lífeyrissjóðir, breyttu kröfum sínum í hlutafé og
eignuðust félagið að mestu. Samhliða fengu Ágúst og Lýður Guð-
mundssynir að kaupa um fjórðungshlut í því á um fjóra milljarða króna.
Á sama tíma var samþykkt að afnema hluthafasamkomulag þess efnis
að bræðurnir myndu vera með meirihluta stjórnarmanna í Bakkavör
Group sem hafði verið í gildi frá gerð nauðasamnings félagsins árið
2010. Þeir aðilar sem standa að myndun meirihlutablokkar innan
Bakkavarar munu því fá meirihluta stjórnarmanna gangi áformin eftir og
stýra félaginu í kjölfarið.
VEÐURSPÁ
Alicante
Basel
Berlín
Billund
Frankfurt
Friedrichshafen
Gautaborg
Kaupmannahöfn
Las Palmas
London
Mallorca
New York
Orlando
Ósló
París
San Francisco
Stokkhólmur
HEIMURINN
Vindhraði er í m/s.
Hitastig eru í °C.
Gildistími korta er um hádegi.
29°
28°
22°
14°
22°
22°
16°
16°
25°
18°
33°
29°
26°
15°
21°
18°
15°Á MORGUN
Hægviðri
eða hafgola.
MÁNUDAGUR
Hæglætisveður
um allt land.
14
13
10
16
16
12
18
13
15
12
10
5
4
4
3
2
3
2
3
3
2
2
12
8 12
13
14
13
8 10
11
13
BLÍÐA Veðrið
leikur við lands-
menn þessa
dagana. Hægviðri
eða hafgola ríkja
og búast má við
að sólin láti sjá
sig í öllum lands-
hlutum. Úrkoma
er með minnsta
móti en ein-
hverjar skúrir falla
síðdegis næstu
daga. Nokkuð hlýtt
er á landinu, allt að
20°C.
Soffía
Sveinsdóttir
veður-
fréttamaður
FORSETAKJÖR Ólafur Ragnar
Grímsson, forseti Íslands, hefur
tæplega 8 prósentustiga forskot
á Þóru Arnórsdóttur samkvæmt
nýrri skoðanakönnun MMR á
fylgi forsetaframbjóðenda.
Af þeim sem tóku afstöðu
sögðust 44,5% myndu kjósa Ólaf
Ragnar og 36,9% Þóru Arnórs-
dóttur. Þá sögðust 10,1% myndu
kjósa Ara Trausta Guðmundsson
og 4,6% Herdísi Þorgeirsdóttur.
Loks sögðust 2,0% myndu kjósa
Andreu J. Ólafsdóttur og 1,9%
Hannes Bjarnason.
Könnunin var framkvæmd 13.
til 19. júní 2012. Alls svöruðu
könnuninni 1.816 einstaklingar á
aldrinum 18 til 67 ára sem valdir
voru handahófskennt úr hópi
álitsgjafa MMR. - mþl
Ný skoðanakönnun MMR:
Ólafur með
forskot á Þóru
SJÁVARÚTVEGUR Sjávarútvegs- og landbúnaðar-
ráðuneytið hefur breytt reglugerð um holl-
ustuhætti matvæla til að tryggja kælingu
fisks. Reglugerðarbreytingin er sett að
stærstum hluta vegna strandveiða.
Í tilkynningu frá ráðuneytinu segir að
kannanir hafi leitt í ljós að kæling á lönd-
uðum botnfiski sé í mörgum tilvikum ófull-
nægjandi; fiski sé landað illa eða óísuðum. „Á
þetta einkum við um afla úr veiðiferðum sem
vara skemur en 24 klukkustundir. Þá er of
algengt að fiskur sem geymdur er utandyra
sé ekki varinn fyrir sól og utanað komandi
mengun eins og góðir framleiðsluhættir
kveða á um.“
Örn Pálsson, formaður Landssambands
smábátasjómanna, telur að sjómenn geti að
öllum líkindum orðið við tilmælunum, enda
sé stór hluti strandveiðisjómanna með ís um
borð og skili kældu hráefni eftir veiðiferðir.
Spurður hvort allar hafnir, þar sem fiski úr
strandveiðibátum er landað, hafi tiltækan ís
fyrir sjómenn, segir Örn að þar liggi kannski
stærsta vafamálið. „Þessi skylda hvílir á fisk-
kaupandanum og sveitarfélögunum sem taka
á móti fiskinum. Ef ís er til staðar er þetta
ekkert vandamál.“
Reglugerðin tekur gildi 1. september 2012
við upphaf nýs fiskveiðiárs.
- shá
Reglugerð um hollustuhætti matvæla breytt til að krefja strandveiðisjómenn um rétta meðferð afla:
Kröfur hertar um kælingu á fiskinum
LÖNDUN Hér er fiskur og ís um borð, en nú krefst ráðu-
neytið þess að allur fiskur sé ísaður um borð.
FRÉTTABLAÐIÐ/STEFÁN
VIÐSKIPTI Olíuverð hefur lækkað
mikið á alþjóðamörkuðum undan-
farin misseri, en útsöluverð á
bensíni til almennings hér á landi
hefur ekki fylgt þeirri þróun.
Líklegt er að bensínverð muni
lækka enn frekar á næstunni.
Sé lækkunin skoðuð, og tíma-
bilið frá 1. mars á þessu ári til
dagsins í gær sérstaklega, sést að
verðið á alþjóðamörkuðum hefur
lækkað um tæplega 30 prósent
í krónum talið. Bensínverðið til
neytenda hefur hins vegar ekki
fylgt þróuninni, en það var að
meðaltali 254,5 krónur á lítrann
1. mars en í gær var það 241,65
krónur á lítrann. Lækkunin
nemur því um 5 prósentum.
Ef verðið hefði alveg stýrst af
verðþróun á alþjóðamörkuðum þá
ætti bensínverðið að vera tæplega
180 krónur á lítrann. - mh
Bensín dýrara á Íslandi:
Lítrinn ætti að
kosta 180 krónur
GENGIÐ 22.06.2012
GJALDMIÐLAR KAUP SALA
HEIMILD: Seðlabanki Íslands
218,6679
GENGISVÍSITALA KRÓNUNNAR
125,72 126,32
196,11 197,07
157,7 158,58
21,21 21,334
21,083 21,207
17,913 18,017
1,5642 1,5734
190,3 191,44
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
AUGLÝSINGADEILDIR FRÉTTABLAÐSINS – AUGLÝSINGASTJÓRI: Jón Laufdal jonl@frettabladid.is ALMENNAR SÍMI 512-5401: Einar Davíðsson einar.davidsson@365.is, Guðmundur Steinsson gudmundurs@365.is, Hjördís Zoëga hjordis@frettabladid.is, Hlynur Þór Steingrímsson hlynur@365.is, Laila Awad laila@365.is,
Örn Geirsson orn.geirsson@365.is FÓLK/LÍFIÐ/SÉRBLÖÐ SÍMI 512-5402: Benedikt Freyr Jónsson benediktj@365.is, Ívar Örn Hansen ivarorn@365.is, Jóna María Hafsteinsdóttir jmh@365.is, Sigríður Dagný Sigurbjörnsdóttir sigridurdagny@365.is, Sverrir Birgir Sverrisson sverrirbs@365.is RAÐAUGLÝSINGAR /FASTEIGNIR
SÍMI 512-5403: Hrannar Helgason hrannar@365.is, Viðar Ingi Pétursson vip@365.is ÞJÓNUSTUAUGLÝSINGAR SÍMI 512-5407: Arna Rut Kristinsdóttir arnarut@365.is, Guðný Gunnlaugsdóttir gunny@365.is, Sigrún Helga Guðmundsdóttir sigrunh@365.is KYNNINGARSTJÓRI: Einar Skúlason einar.skulason@365.is