Fréttablaðið - 24.11.2012, Page 52

FÓLK|HELGIN
Fæst í apótekum, heilsubúðum
og stórmörkuðum
www.gengurvel.is
BELLAVISTA náttúruelgt
efni fyrir augun, ríkt af
lúteini og bláberjum
NÁTTBLINDA
Ekinn 14.000. þ
S line að utan og innan.
“20 felgur
“19 vetrardekk á felgum
Hekla 5905662.
as@hekla.is
Til sölu Audi Q7 - S Line . (10/2011)
3,0 Dísel.
FÓLK ER KYNNINGARBLAÐ
sem býður auglýsendum að kynna
vörur og þjónustu í formi viðtala og
umfjallana ásamt hefðbundnum auglýs-
ingum. Blaðið fylgir Fréttablaðinu daglega.
Útgefandi: 365 miðlar
Ábyrgðarmaður: Jón Laufdal
Hönnun: Silja Ástþórsdóttir
Sölumenn:
Jónína María Hafsteinsdóttir
jmh@365.is s 512 5473
Sverrir Birgir Sverrisson
sverrirbs@365.is, s 512 5432
Elsa Jensdóttir
elsaj@365.is s. 512-5427
MEÐ STÓRT HJARTA
Feðgarnir Haukur Heiðar
og Haukur Heiðar fædd-
ust báðir með köllun
til læknisstarfsins og
með tónlist í æðum
sér. Haukur Heiðar
yngri hefur gert garðinn
frægan með hljómsveit-
inni Diktu og faðir hans
heillað kynslóðir með
einstökum píanóleik.
MYND/ANTON
Sjötugsafmælið datt bara niður einn sumardag í ágúst og ég fann engan mun á mér. Það er óneitanlega skrýt-
ið að vera kominn á áttræðisaldurinn en
mér líður ekki degi eldri en 55 ára og Guði
fyrir að þakka að ég er heilsuhraustur og
hef ekki fundið mun á mér síðustu tuttugu
árin. Þegar svo er farið er sannarlega
ekki kvíðvænlegt að verða gamall,“ segir
Haukur Heiðar og brosir breitt.
Frá því Haukur Heiðar komst á full-
orðinsár hefur hann nær daglega farið úr
einum heimi yfir í annan.
„Ég byrjaði að spila á píanó sem
unglingur og var í danshljómsveit fram
yfir stúdentspróf þegar ég ákvað að
verða læknir. Þá hélt ég að spilaferlinum
væri lokið en 1965 birtist Ómar nokkur
Ragnarsson óvænt í leit að undirleikara.
Mörgum þótti glæfralegt af mér að verða
píanisti hjá vinsælasta skemmtikrafti
landsins meðfram læknanámi en ég sló til
og hef spilað með Ómari allar götur síðan,
utan sérnámsáranna í Svíþjóð.“
Haukur Heiðar segir starf læknis og
píanista vera tvo ólíka heima. „En ég set
störfin á jafnan stall og hef mikið yndi af
báðum. Læknisfræðin getur verið erfið
og reynir meira á mann en þetta tvennt
passar einkar vel saman.“
Á níunda áratugnum réði Haukur
Heiðar sig sem dinnerpíanista á skemmti-
staðinn Broadway við Ármúla. Þar lék
hann huggulega píanótóna undir borðum
í á annan áratug og á Broadway kynntist
hann Björgvini Halldórssyni, sem varð
hans helsti hvatamaður. „Við Björgvin
komum báðir að 25 ára skemmtikrafta-
afmæli Ómars og þar vatt Björgvin sér að
mér og spurði hvort ekki væri tímabært
að ég gæfi út plötu, sem ég og gerði 1984,“
segir Haukur Heiðar, sem þá gaf út sína
fyrstu sólóplötu, sem Björgvin stjórnaði
upptökum á og söng ásamt Ómari. Síðan
hafa komið út fjórar plötur til viðbótar
og í tilefni sjötugsafmælisins gaf Haukur
Heiðar út sína sjöttu sólóplötu, sem hann
nefnir Á rómantískum nótum.
„Plöturnar mínar eru fyrir huggulegar
stundir og yfirbragð tónlistarinnar þægi-
legt, ljúft og rómantískt. Þær innihalda
klassísk dægurlög frá ýmsum heimshorn-
um og tímabilum. Laglínurnar eru mel-
ódískar og látlausar og ekki er hægt að fá
leið á þeim; það er alltaf eins og maður sé
að heyra þau í fyrsta skipti,“ segir Haukur
Heiðar sem sjálfur er rómant ískur að upp-
lagi.
„Ég byrjaði að hlusta á ballöður og
rómantíska rólegheitatónlist eftir ball-
bransann í gamla daga og hef alltaf reynt
að velja lög á rómantískum nótum með
seiðandi, fallegum laglínum. Í daglega líf-
inu er ég líka rómantískur þótt alltaf þurfi
að gæta þess að rómantíkin verði ekki
hversdagsleg,“ segir hann brosmildur.
Sonur Hauks Heiðars og nafni er Hauk-
ur Heiðar Hauksson, læknir og söngvari
Diktu. Þeir feðgar starfa nú saman á
heilsugæslunni á Sólvangi.
„Haukur Heiðar yngri hefur fetað í bæði
fótspor mín. Það kom snemma í ljós að
hann væri músíkelskur og við munum
vel eftir því þegar hann sagði mjög ungur
að hann ætlaði að verða læknir og spila-
maður eins og pabbi. Hann hafði það
náttúrlega alltaf fyrir augunum því ég spil-
aði mikið með vinnu. Haukur hafði fljótt
köllun til að verða læknir og þurfti enga
hvatningu foreldranna til að fara í læknis-
fræði. Hann virðist því hafa hafa erft flest
föðurgenin því hann erfði líka stærðina og
hefur eins og ég unnið í tónlist sinni með
námi og sem læknakandídat.“
Haukur Heiðar lætur flygilinn heima
í stofu stundum syngja og segir píanóið
hafa lyft sér í hæstu hæðir þegar hann
þreyttist á lestri í læknanáminu.
„Tónlist er heilsunni mikils virði og
hver einasta manneskja hefur gott af því
að velja sér tónlist við hæfi til slökunar.
Og þótt ég veifi ekki diskunum mínum að
sjúklingunum hef ég alltaf mælt með gildi
rólegrar tónlistar til meiri vellíðunar og
rór,“ segir hann og brosir.
Haukur Heiðar segir algengt að læknar
setjist í helgan stein um sjötugt. „Það er
kominn tími til að draga sig í hlé og eiga
nokkur góð ár eftir. Þetta hefur verið
annasamt hjá mér hingað til og krakkarnir
muna vart eftir mér öðruvísi en spilandi
utan heimilisins á kvöldin eða á ferða-
lögum. Því vil ég eiga árin fram undan
með fjölskyldunni þótt ég sé ekki búinn
að negla upp á dag hvenær ég legg lækna-
sloppnum.“
Haukur Heiðar heldur áfram. „Það er
sárt fyrir bæði heimilislækni og sjúklinga
hans að kveðja eftir langa samfylgd.
Heimilis læknir skipar sérstakan sess í lífi
fjölskyldna sem eiga til hans tilkall í gleði
og sorg. Hann þekkir alla í fjölskyldunni,
sem er dýrmætt; líf hennar og heilsu.
Þetta eru því stór tímamót.“
En hlusta læknarnir tveir og feðgarnir
hvor á tónlist annars? „Jájá, ég hlusta á
Diktu þótt sumt sem sonurinn spilar sé
harðara en það sem ég fékkst við í rokk-
inu í gamla daga. Ég ætla svo rétt að vona
að Haukur Heiðar yngri setji diskana mína
undir geislann í sínum matarboðum og
huggulegheitum.“ ■ thordis@365.is
TVÖFÖLD TILVERA
LÆKNAR MEÐ KÖLLUN Heimilislæknirinn Haukur Heiðar Ingólfsson hefur
lifað tvöföldu lífi í áratugi. Hann er rómantískur og ýtir undir huggulegheit.
Á RÓMANT-
ÍSKUM
NÓTUM
Ný plata Hauks
Heiðars og félaga
er afturhvarf til
upphafsins þar
sem Björgvin og
Ómar sungu á
fyrstu sólóplötu
hans og Björgvin
stjórnaði upptök-
um á einvala liði
hljóðfæra leikara.
Á nýju plötunni
syngja einnig börn
Hauks Heiðars, þau
Margrét og Haukur
Heiðar yngri, sem
flytur ballöðuna
frægu Moon River.
Fyrir forvitni sakir
má geta þess að
fyrri plötur Hauks
Heiðars hafa verið
endurútgefnar en
eru nú ófáanlegar.