Fréttablaðið - 24.11.2012, Page 120

24. nóvember 2012 LAUGARDAGUR| SPORT | 88
HANDBOLTI Stórskyttan tvítuga
Þorgerður Anna Atladóttir fer
ekki með íslenska landsliðinu á
EM í Serbíu í desember. Hún dró
sig út úr landsliðshópnum í gær.
„Ég varð að draga mig úr
vegna skóla. Ég er að fara að
útskrifast úr framhaldsskóla um
jólin og gat ekki fengið svör frá
Ágústi þjálfara um hvort ég yrði
í hópnum sem fer út fyrr en á
mánudaginn,“ segir Þorgerður
Anna en skólinn gat ekki beðið
svo lengi eftir svörum.
„Ef ég hefði farið út hefði ég
þurft að taka lokapróf í næstu
viku áður en ég fer út. Ég skil
Ágúst vel að geta ekki svarað
enda meiðsli í hópnum. Ég varð
því að velja og valdi skólann að
þessu sinni. Þetta er samt mjög
leiðinlegt og ég hef verið með í
maganum yfir þessu í langan
tíma. Ég gat ákveðið að fara ekki
en ég gat ekki ákveðið að fara.
Þetta varð því miður niður staðan
sem ég komst að.“
Þorgerður mun því einbeita sér
að bókunum næstu daga en hún
viðurkennir að það verði erfitt að
fylgjast með liðinu úr sófanum.
„Það verður örugglega ekki
skemmtilegt. Ég mun fylgj-
ast með spennt og hvetja þær
áfram,“ segir Þorgerður, sem
hefur þegar tekið þátt í tveimur
stórmótum þrátt fyrir að vera
aðeins tvítug.
„Ég get ekki kvartað yfir því
að hafa þegar náð tveimur stór-
mótum. Það hafa ekki allir tví-
tugir leikmenn náð því. Ég á nóg
eftir í handboltanum og á von-
andi eftir að fá tækifæri til þess
að fara á fleiri stórmót í fram-
tíðinni,“ sagði þessi stórefnilega
íþróttakona.
Ágúst Þór Jóhannsson lands-
liðsþjálfari skar niður um
þrjá leikmenn til viðbótar í
gær. Framstúlkurnar Elísa-
bet Gunnars dóttir og Steinunn
Björnsdóttir duttu út sem og
Stjörnumarkvörðurinn Sunneva
Einarsdóttir. Ágúst mun svo velja
endanlegan EM-hóp á mánudag.
- hbg
Valdi skólann fram yfi r landsliðið
Þorgerður Anna gat ekki beðið eft ir svörum þjálfarans og valdi því skólann.
UTAN VALLAR Þorgerður Anna verður
bókaormur á meðan landsliðið keppir á
EM. MYND/OLE NIELSEN