Fréttablaðið - 28.12.2012, Síða 25

ÁSGEIR TRAUSTI Á AKUREYRI
Hinn vinsæli tónlistarmaður Ásgeir Trausti heldur tvenna
tónleika á Græna hattinum á Akureyri í kvöld ásamt hljóm-
sveitinni Moses Hightower. Ásgeir Trausti á fjölmarga aðdá-
endur og hefur fengið mikið lof gagnrýnenda fyrir plötu sína.
Tónlistin er blanda af þjóðlagapoppi og raftónlist.
Matreiðslumaðurinn Úlfar Finnbjörnsson sér um sjónvarpsþáttinn Eldað með Holta á ÍNN. Þar eldar hann ljúffenga rétti úr Holta-
kjúklingi fyrir áhorfendur. Hér færir Úlfar okkur aprí-
kósu- og balsamgljáðan hátíðarfugl með púrtvíns-
sósu, sætri kartöflumús og fyllingu með sveppum,
lauk og sólþurrkuðum tómötum. Rétturinn er fyrir
sex manns. Hægt er að fylgjast með Úlfari elda
þessa girnilegu hátíðarmáltíð í kvöld klukkan
21.30 á sjónvarpsstöðinni ÍNN. Þættirnir verða svo
endur sýndir yfir helgina. Einnig er hægt að horfa á
þá á heimasíðu ÍNN, inntv.is.
ELDAÐ MEÐ HOLTA
HOLTA KYNNIR Úlfar Finnbjörnsson er einn færasti kokkur landsins. Hann
sér um sjónvarpsþáttinn Eldað með Holta á ÍNN. Þar fáum við að fylgjast með
honum elda ljúffenga kjúklingarétti úr Holta-kjúklingi.
FYLLING
3 msk. olía
1 askja sveppir
2 laukar, skrældir og skornir í
báta
10 sólþurrkaðir tómatar
1 tsk. timían
Salt og nýmalaður pipar
1 dl púrtvín eða rauðvín
1 msk. tómatpúrra
Hitið olíu á pönnu og steikið
sveppina og laukinn í 2 mínútur.
Bætið þá sólþurrkuðu tómöt-
unum á pönnuna og kryddið
með salti, pipar, tómatpúrru og
timíani. Hellið púrtvíni á pönnuna
og sjóðið í 1 mínútu.
Hátíðarfugl, um 2 kíló
3-4 lárviðarlaufarlauf
3-4 greinar timían eða 1-2 tsk.
þurrkað
2 dl púrtvín eða rauðvín
5 dl vatn
Sósujafnari
1 msk. kjúklingakraftur
40 g kalt smjör í teningum
Nýmalaður pipar
Setjið fyllinguna inn í fuglinn
og bindið leggina saman. Færið
fuglinn í steikarpott eða djúpt
eldfast mót ásamt lárviðar-
laufum, timíani og púrtvíni. Setjið
lok á steikarpottinn eða álpappír
yfir eldfasta mótið og bakið
fuglinn við 150°C í 40 mínútur
á hvert kíló eða þar til kjarnhiti
sýnir 70°C. Hellið þá vökvanum
úr fuglinum og steikarpottinum í
pott og bætið vatni og kjúklinga-
krafti saman við. Hleypið suðunni
upp og þykkið með sósu jafnara.
Takið pottinn af hellunni og
bætið smjörinu í sósuna. Hrærið
þangað til smjörið hefur bráðnað.
Smakkið til með pipar.
HJÚPUR
2 msk. apríkósusulta
2 msk. balsamikedik
Sett í skál og blandað vel saman.
Penslið fuglinn með hjúpnum og
bakið við 180-190°C Í 10 mínútur.
Berið fuglinn til dæmis fram með
sætri kartöflumús sem bragð-
bætt er með rifnum appelsínu-
berki og safa, steiktum eplum
með stjörnuanís og grænmeti.
HÁTÍÐARFUGL APRÍKÓSU- OG BALSAMGLJÁÐUR MEÐ PÚRTVÍNSSÓSU OG FYLLINGU
Óskum
landsmönnum
Gleðilegra Jóla og
farsæls komandi árs.
Þökkum viðskiptin á
árinu sem er að líða.