Fréttablaðið - 29.12.2012, Síða 18

29. desember 2012 LAUGARDAGUR| HELGIN | 18
HELGIN
29. desember 2012 LAUGARDAGUR
Ég þekki alveg jafn marg-ar fyndnar stelpur og fyndna stráka,“ segir Anna Svava Knútsdóttir, leikkona og uppistand-ari, sem er meðal hand-
ritshöfunda áramótaskaupsins í
fjórða sinn í ár.
Hún hefur ávallt verið eina
konan í hópnum og sama á við
í fleiri verkefnum sem snúa að
handritsgerð og uppistandi. En af
hverju ertu alltaf eina stelpan?
„Ég verð eiginlega að svara þess-
ari spurningu þannig að þú ert að
spyrja vitlausa manneskju. Það
þarf að spyrja þær sem eru ekki
að gera þetta!“ segir Anna. „Ég
er oft spurð að þessu og hef hugs-
að mikið um þetta. Ef við tökum
dæmi þá er meirihluti þeirra sem
eru í pólitík karlar en samt finnst
mér karlar ekkert leiðinlegri
fyrir vikið.“
Vinna að Áramótaskaupinu
hefst ár hvert í september. „Þá
hugsa ég: „ókei, hvað gerðist
eigin lega á árinu?““ lýsir hún.
„Þá hefst tímabilið þar sem ég
skoða Mbl, Vísi og fylgist með
fréttatímum. Núna veit ég allt
um Vafningsmálið og eitthvað
sem mér er alveg sama um dags-
daglega,“ segir hún ánægð.
Handritshöfundar í ár eru, auk
Önnu, þeir Gunnar Helgason,
Halldór Baldursson, Hjálmar
Hjálmarsson og Sævar Sigur-
geirsson. „Við Sævar höfum verið
öll árin með Gunnari Birni [Guð-
mundssyni] leikstjóra. Síðan er
alltaf gott að hafa gaura eins og
Hjálmar. Hann er mikið í póli-
tíkinni og fylgist vel með. Það
sama á við um Halldór teiknara
því hann teiknar mynd á hverjum
degi. Í raun þarf ég ekki tíma-
rit.is heldur sný ég mér bara að
þeim,“ segir hún og játar að þeir
séu eiginlega tímarit.is í manns-
mynd.
„Fyrir fyrsta Áramótaskaupið
hafði ég aldrei skrifað „sketch“ á
ævi minni en núna hef ég skrifað
fullt,“ segir Anna sem hefur haft
í nógu að snúast á þessum vett-
vangi. „Við Hugleikur Dags-
son og bróðir hans, Þormóður,
vorum að klára teiknimyndaseríu
sem við förum í tökur á í janú-
ar,“ lýsir hún. „Síðan var ég að
skrifa Hæ Gosa en nýjasta serían
byrjar í janúar á Skjá einum.“ En
hvernig er að vinna sem handrits-
höfundur? „Það er draumavinn-
an mín. Þetta er svona eins og
þegar maður var lítill. Maður
stendur bara og spyr: „En hvað ef
þetta gerist? Eða þetta? Hey ef að
minn karl myndi allt í einu gera
svona …““ leikur hún.
Í kvöld kemur hún fram með
uppistandshópnum Mið-Íslandi
á stóra sviði Þjóðleikhússins kl.
20 og 23 en hún kynntist Ara Eld-
járni einmitt við skrif Áramóta-
skaupsins líkt og Baldvini Z,
framleiðanda Hæ Gosa. „Ég hef
verið heppin að fá að skrifa með
frábæru fólki sem vill fá mig
aftur í vinnu. Svo ég hef grætt
miklu meira á þessu en bara
Skaupið,“ segir hún og hlær.
VEIT
ALLT UM
VAFNINGA
Það er hægara sagt en gert að skrifa brandara sem
höfða til allrar þjóðarinnar. Anna Svava Knútsdóttir
hefur haft það hlutverk undanfarin fjögur ár, en hún
segir starf handritshöfundar vera draumastarfið.
ANNA SVAVA „ Fyrir fyrsta áramótaskaupið hafði ég aldrei skrifað „sketch“ á ævi minni en núna hef ég skrifað fullt,“
segir Anna, sem hefur haft í nógu að snúast á þeim vettvangi síðan. FRÉTTABLAÐIÐ/STEFÁN
Hallfríður Þóra
Tryggvadóttir
hallfridur@frettabladid.is
Hermann Gunnars-
son, fjölmiðla-
maður
Innilokaður
í Dýrafi rði
„Ég er innilokaður í
Haukadal í Dýrafirði
með fóstru minni og
tíkinni Lubbu. Mér líður
hvergi betur en í róinni hér
svo ófærðin plagar mig ekki.“
Sigríður Klingenberg,
spámiðill
Brjálað partí
„Ég er að fara í brjálað partí
hjá Begga og Pacasi. Þar mun
Pacas framreiða íslensk-
brasilíska rétti, til dæmis
kókosgellur.“
Hjörtur Ingvi Jóhannsson,
píanóleikari Hjaltalíns
Vinir og tónlist
„Það er bæði boð hjá
vinafólki fjölskyldunnar og
vinum mínum og svo er ég að
fara að spila með Jólagestum
GÓ á Rosenberg í kvöld.“
Kristín Eiríksdóttir,
rithöfundur
Klárar Millu
„Þá ætla ég að kanna hvort
ég kunni að taka því rólega.
Ég ætla að klára Millu eftir
Kristínu Ómarsdóttur og
gera ekki neitt annað.“
Brennur
Elsta heimild um áramóta-
brennu sem fundist hefur er
frá Reykjavík árið 1791. Það
eru piltar í Hólavallaskóla sem
stóðu að henni en skólinn hafði
verið fluttur úr Skálholti til
Reykjavíkur árið 1786 og stóð
skólahúsið á Hólavelli, nokkurn
veginn þar sem nú er Suður-
gata 20. Ekki er útilokað að
skólapiltar hafi flutt þennan
brennusið með sér frá Skálholti
rétt eins þeir endurreistu skóla-
vörðuna á Arnarhólsholti árið
1793 sem eftir það var farið að
kalla Skólavörðuholt.
Kvöldið
Eftir miðjan sjöunda áratug 20.
aldara varð til kvöldskipulag
sem enn er í býsna föstum
skorðum. Meginástæðan var til-
koma íslensks sjónvarps og hið
árlega áramótaskaup sem varð
fljótlega vinsælasti dagskrár-
liður ársins. Algengasta tilhögun
kvöldsins er þessi: Fólk borðar
kvöldmat á bilinu sex til átta.
Um 20.30 fara margir á brennu
í um klukkustund. Um tíuleytið
kemur fólk heim í hressingu
og sest fyrir framan sjónvarpið
til að horfa skaupið sem sýnt
er á milli hálfellefu og hálftólf.
Þá hefst flugeldatími sem nær
hápunkti um miðnætti.
Álfareið
Þekkt er innan þjóðsagnafræða
að jólanótt, nýársnótt og þrett-
ándanótt eru kynngimagnaðar
og þá getur margt gerst. Þetta
eru þær nætur sem álfar nýta
sér til þess að flytja búferlum
og draumar manna á þessum
nóttum hafa meiri merkingu en
aðrar nætur. Í myrkrinu getur
líka borið við að draugar láti á
sér kræla og ekki vilja tröllin í
fjöllunum eyða of miklum tíma
í dagsljósinu. Þetta gerir það
að verkum að á þessum tíma
eru meiri líkur á því en ella að
menn hitti fyrir verur af öðrum
heimi.
ÁRAMÓT, ÁLFAR OG BRENNUR
Ýmsir siðir eru
tengdir gamlárs-
kvöldi sem er í
föstum skorðum hjá
fl estum og tekur
gjarnan mið af
áramótaskaupinu.
HEIMILDIR: VEFUR ÞJÓÐMINJASAFNSINS OG SAGA JÓLANNA EFTIR ÁRNA BJÖRNSSON.